Ministeriu da Agrikultura no Peska (MAP) iha Dirasaun Nacional Peska dezenvolve ona area tasi Kostal iha municipiu tolu (3) mak municipiu Liquiça, Manatuto no Dili.
Acacio Guterres Directur Geral Pescas objetivu wokshop ida ne’e ami tur hamutuk ho parseira dezenvolvimento projeto Partnership in Environmental Management for the Seas of East Asia (PEMSEA) nian para atu dezenvolve politika estratejika ba dezenvolvimento tasi kostal nian. No mós PEMSEA ne’e parseria ida ho MAP ninia baze iha nasaun Filipina. Workshop ne’e ami sei halo lorón rua, no projeto ida implementa iha municipiu 3 mak municipiu Liquiça, Manatuto no Dili. Ho projeto ida ne’e mak ami ho parseria tur hamutuk ho tekniku balun parte tasi nian no ministeriu relevante balun hodi tau hamutuk ideas para dezenvolve ita nia estratejiku kosteiru diak liu tan.
Orsamento kontribuisaun ba projetu ida ne’e kuaze $100 mil dolares kada tinan. Depois kontribuisaun orsamento hirak ne’e sei tau hamutuk para dezenvolve iha TL liu-liu iha kosteiru nian.
Ita koalia kona ba kosteiru ne’e iha buat barak mak ikan, koral no buat barak, alende mós komunidade nia vida moris iha tasi ibun ou area kosteiru. Projeto ida ne’e hahu tiha ona iha tinan rua liu ba. Agora aktividades ne’e komesa lao ona hodi dezenvolve dadauk hodi estabelese projeto dezenvolvimento iha TL. Tenik Acaçio.
Ho projeto ida ne’e sei dezenvolve iha kostieru atu fo benefisiu ba ita nia komuniadade sira ne’ebé aban bainrua sai benefisiariu. Oras ne’e dadauk ita nia vida moris liu-liu iha kosteiru fo ameasadu tamba volume tasi aumenta impaktu husi mudansa klimatika, no mós amasadu husi rai maran liu-liu tesi ai arbiru.
Husi tesi ai arbiru ne’e bainhira udan tun sei lori hotu foer ba tasi sei afeita ba vida moris iha kosteiru. Realidade ita hare’e katak, mota balun komesa sobu no estraga uma hela fatin, to’os no natar. Ho kestaun ida ne’e mak ami ho ministeriu relevante tur hamutuk tau ideas para rezolve problema hirak ne’e. Iha semana oin sei koalia tan kona ba dezenvolvimento politika tasi nian husi parseria PEMSEA ajuda husi Australia para ajuda dezenvolve politika tasi nian ne’e lao oinsa.
