Dili, 3/4/2024, Ministériu Agríkultura Pekuaria Peskas no Floresta liu hosi Sekreáriu Estadu Pekuaria hamutuk ho Ministériu Saúde realiza enkontru ho Reprezentante PAM hosi Munisipíus no PNTL kona-ba virus raiva ne’ebé perigu ba ema nia vida, nebe dadaun ne’e lao hela liu liu iha area fronteira causa husi asu nebe tata no tuir peritus peskisa laboratóriu konsege identifika virus ho naran Raiva, ida ne hahu ona afeta iha ita nia nasau Timor Leste Rejiaun espesial RAEOA.
Diretora Veterinaria Joanita Jhon iha nia entrevista katak, enkontru ne’e atu fahe informasaun ba PAM munisipiu sira konaba virus raiva ne’ebé dadaun ne’e afeita hela ba asu no asu hahu tata ona ema iha parte Oecusse nian no kazu postivu too lakon nia vida neduni atu prevene virus ne’e da’et ba asu seluk MAPPF liu husi diresaun nasionál Veterinaria hamutuk ho Ministériu Saude hala’o ona programa vasina asu hahu hosi Dili, Maliana, Covalima inklui Oecusse.
Nia hatutan, númeru kazu asu tata iha oecusse kada loron aumental ba ema 46 neduni husu ba komunidade no autoridade lokál sira tenki kolobara atu nune’e ekipa vasinadór sira vasina asu iha idak-idak - nia fatin tanba Timor vijiñu ho nasaun Indonezia no ema lori asu tama sai iha fronteira entaun ida ne’e fo amensa bo’ot ba komunidade, no husu atu ema hotu kuidadu liu-liu ba labarik sira wainhira hetan sintomas/sinál ruma kona ba moras raiva husi asu.
Iha fatin hanesan, Diretór Nasionál Prevensaun no Kontrolu Moras, Dr. Florindo Pinto Gonzaga hosi Ministériu Saúde mos hatete, Ministériu durante ne’e servisu ho MAPPF halo teste laboratorium ba asu neen mak positivu virus rabies ka raiva neduni dadaun ne’e MS forma servisu pillar ba intervensaun ba moras ne’e rasik no kada pillar tenki responde ba nia- servisu idai-dak.
Hosi parte Saúde halo ona atividade lubuk ida primeiru maka halo desimina informasaun kona-ba oinsá mak atu halo maneira prevensaun wanhira asu tata ba komunidade iha Oecusse no kontinua ba Atauro no Maliana. Ministériu mós halo vasina ba ema ne’ebé mak durante ne’e asu tata atu bele reziste hasoru virus raiva nian, periode vasinasaun ne’e tenki hetan to’o dalalima hosi doze dahuluk to’o doze dalima atu bele hasoru virus ne’e, maibe antes ekipa vasinadór sira tun ba kampu atu halo vasina ba asu sira tenki hetan uluk vasinasaun hosi Ministériu atu bele proteje sira hosi virus refere/raiva.
Ministériu Saúde mós sei haruka péritu konaba virus raiva ka rabies nian hodi fo formasaun no orientasaun ba pesoal saúde sira iha Oecusse atu nune’e bele atende kazu raiva ne’ebé mak sei mosu iha futuru. (Ekipa DMEA).