Likisa- Dirasaun Nasionál Extensaun Agrikola (DNEA) Realiza Enkontru Harmonizasaun ho xefe Departamentu Estensaun Servisu munisipio sira hodi bele harmonia servisu estensaun entre Munisispio ho Nasionál, enkontru ne’e marka mos prezensa husi Sekretario Estado Peskas, Domingos da Conceição dos Santos, enkontru ne’e hala’o iha Loron Quinta (21/05/23) iha Salaun NIFA Maubara.
Iha diskurso SEP, Domingos da Conceição dos Santos hateten katak, Produsaun atu sae se maka bele halo, primeiro ita sira hanesan makina do Estadu ne’e maka tenki besik liu ba agrikultór sira atu bele fo asistensia apropriadu adekuadu atu bele mobiliza no konsiensia agrikultór sira atu bele halo.
“Ba problema no dezafiu hotu ne’ebe maka ita enfrenta ita la fo solusaun imediata maibe fazeadamente ita buka atu define, cauza prioritaria ne’ebe maka ita bele aselera uluk. Hau mos hakarak hatete ba ita hotu ne’ebe maka servisu ou hamahan a’an iha MAPPF atu servisu didiak tanba iha area ida ne’ebe maka luan tebes, servisu hirak ne’e hotu nia alvu ida de’it, ninia alvu maka oinsa bele hasa’e produsaun.” Katak SEP
Hau hatene katak destakamentu no responsavel sira iha Munisipio to’o ba iha Suku hasoru problema hanesan ekipamentus motorizada ne’e bele afeta fali ba ema nia vontade servisu.
Iha fatin hanesan Diretór DNEA, Januario Marçal esplika katak, Enkontru ne’e ita bolu Harmonizasaun servisu estensaun Agrikola, objetivu maka atu harmonia servisu estensaun entre Munisispio ho Nasionál, enkontru ne’e aprezenta servisu ne’ebe maka munisipio sira hala’o ona no dezafiu sira ne’ebe maka sira iha no rekomendasaun oinsa maka servisu estensaun ne’e bele lao diak liu tan iha tinan oin.
Nia akresenta, Dirasaun Nasionál akumula hotu hanoin sira ne’e hodi nune’e iha tinan oin ita bele planu diak liu tan, hodi nune’e preparasaun ba tinan 2025 nian, tanba orsamentu 2024 ne’e aprova tiha ona, dirasaun Nasionál iha nafatin obrigasaun atu aprezenta nafatin ba estensionista sira iha Dirasaun Servisu munisipio liu husi Departamentu programa Estensaun katak iha tinan 2024 DNEA ninia servisu maka ne’e ho sub programa importante maka revitalizasaun servisu Estensaun Agrikola.
Nune’e mos Chefe Departamentu Estensaun Agrikola Munisipio Covalima MariaJinha Goncalves Barreto afirma katak, enkontru ne’e diak tebes tanba bele espresa ona atividade saida maka durante ne’e hala’o iha baze, nia mos hakarak rekomenda nafatin ba DNEA atu nafatin halo atividade sira hanesan ne’e nune’e bele habelar liu tan ita nia servisu.
Konaba progresu servisu ne’ebe maka implementa ona liu-liu iha area agrikultura ninian, dezafiu sempre iha, liu-liu bai ha pesoal estensionista, tanba ne’e nia mos rekomenda ba DNEA atu tau nafatin importansia bai ha rekrutamentu pesoal estensionista tanba iha munisipio tau ona planu maibe la iha realizasaun. (Tyfa)
