Dili, (28/9/2023), Ministério Agrikultura, Pekuaria, Peskas no Floresta (MAPPF) liu hosi  Diresaun Nasionál Konservasaun Floresta Dezenvolvimentu Eco-Turismu hetan produtu floresta naun- madeira foun ho naran Kutu Lak  iha  ilmia  (Laccifer Lacca)   ne’ebe bele produz sai ba sasan industria .

Tuir Diretór Nasionál   Konservasaun Floresta e Dezenvolvimentu Eco- Turismu, Fernando Casimiro de Araujo iha nia kna’ar fatin Caicoli, kurta -feira foin lalais esplika, produtu Floresta Kutu Lak ne’e produz hosi nehek  ten ne’ebe maka nia abitasaun mai hosi   nasaun Indonezia semo mai iha suku 14 parte  Oecusse nian   no durante ne’e komunidade koilleta no faan ba nasaun viziñu ho folin $.5 dolares Amerikanu ka kilo grama ida.

Nia realsa, produtu kutu lak ne’e hanesan produtu foun ida iha nasaun Timor  no durante ne’e komunidade Oecusse iha suku 14  moris ho produtu kutu lak ne’e, tanba kutu lak ne’e bele prosesamentu sai fali  herbal ka aimoruk, isolasi listrik, goma, tinta no buat seluk tan.

“ Ami hosi  Floresta halo ona identifikasaun ba produtu ida ne’e,  maske  produtu ida ne’e ho nia valór ekonomia ne’ebe mak boot maibe komunidade balun durante ne’e halo koilleta ba produtu ne’e sira laos koilleta de’it maka produtu refere maibe tesi kedas ai dak ne’ebe maka nehek ten ne’e belit ba  ida ne’e hanesan buat ida ne’ebe mak laiha sustentabilidade neduni guarda Floresta halo mos atuasaun ba komunidade ne’ebe maka  tesi ai-dak hirak ne’e”. Teknik Diretór

Produtu ne’e iha de’it iha parte oecusse neduni komesa agora parte Floresta tenki tau atensaun hodi bele asegura espesies kutu lak ne’e tanba komunidae sira dalaruma koilleta la sustentavél( hamate kedas ai dak ne’ebe maka nehek ne belit). Neduni atu atua  nafatin  hahalok hirak ne’e tenki monta qurda Floresta sira iha fatin ne’ebe maka produtu refere iha.

Produtu kutu lak ne’e  kuando  konserva  no proteje diak maka iha futuru bele Esporta ba rai liur ho kuantidade boot entaun bele ona hatama taxa ba estadu. Elis