Manufahi-(18/9/23),Ministério Agríkultura Pecuaria, Pescas e Floresta liu-husi Diresaun Jerál das Peskas, Aquakultura no Rekursus Mariños halo tara bandu hodi bele reforsa liu tan jestaun konjunta atu bele proteze espesies sira tasi laran area protejida Manisipiu Manufahi.

Iha entrevista sekretariu estadu peskas, Domingos da Conceição dos Santos  esplika katak, liu husi atividade tara bandu ida ne’e  hodi manifesta kontribusaun pozetivu  husi ita-nia komunidade sira atu hare asuntu ida ne’e iha area kosteriu ne’e presija duni kontribuisaun husi komunidade sira.

Tanba zere kosteriu ne’e laos atu fo deit rendimentu ba ema peskadór sira maiba atu fornese ita-nia rendimentu ba komunidade sira ne’ebe maka hela besik iha tasi ninin tanba ida ne’e maka  iha atividade rua kona-ba fahe Ró unidade (6) ba peskadór sira no halo mos tara bandu para atu bele proteze oinsa  mobiliza rekursu iha komunidade sira ne’ebe maka hela iha area kosteriu atu bele porteze ita nia espesies liu-liu lenuk ne’ebe sai espesies uniku iha mundu. Hateten Domingos.

“Agora espesices sira ne’e komesa atu mohu tanba kontribuisaun husi ita nia ema sira ne’ebe maka sedauk iha koinesementu hodi estraga hotu lenuk, dezenvolvimentu  espesices komesa menus ba bebeik husi tempu ba tenpu tanba ne’e maka oinsa atu hamoris fila fali konsensia povu nia para  atu bele proteze no kuidadu ita nia especies ne’ebe iha hodi bele dezenvolve diak liu ba oin”. Tenik Domingos

Guvernate mós hato’o  rekomendasaun ba komunidade no peskadór sira ne’ebe maka hela iha  area kosteriu katak, mai hamutuk ajusta forca ne’ebe iha, nune’e bele kontribui ba iha dezenvolvimentu pais ida ne’e,  liu husi asaun sira hodi bele proteze no konserva didiak  espesies ne’ebe maka halo ona tara bandu atu la bele estraga, hanesan lenuk espesies ne’ebe maka bele dezenvolve an ba futuru ne’e hanesan investementu boot ida bele atria vizitanten sira liu-liu turista sira bele mai vizita,  liu husi ida ne’eba komunidade sira  bele hetan rendimentu ida ne’ebe diak, mais laos ohin maibe ba futuru.

Iha fatin hanesan, lia na’in Munisipiu Manufahi, Clementa da Costa hateten, liu husi sentidu tara bandu ne’e laos buat ne’ebe maka foun, maibe mai kedas husi avo beiala sira katak, buat ne’ebe maka hanesan tara bandu ne’e estadu nian, maibe lisan kona-ba kultura nian maka malus bua ho liafuan ne’ebe maka lia naín sira hamulak ba fatuk lulik, ai-lulik, foho lulik, bee lulik no tasi lulik, ida ne’e maka durante ne’e avo beiala sira hatudu mai ami hodi banati tuir.

Nune’e mos peskas Bartolomeo da Costa fo agradese ba Governu liu husi MAPPF ne’ebe maka  fo  ona ekipamentus ró hodi bele ajuda sira hodi hadia sira- nia moris lorloron, tanba durante ne’e sira uza deit  bero ai, hodi tun ba buka ikan iha tasi laran, sira hetan ikan barak maibe ró nia kondisaun maka la dun diak.

Liu husi tara bandu ida ne’e atu bele hametin no asegura diak liu tan rikusoin sira hodi bele sai buras no nakonu liu tan iha rai Timor-Leste. Eby Magno