Dili,06/09/23-Ministru Agrikultura Pekuária Peskas no Floresta (MAPPF) simu Vizita husi Gubernur Lembaga Ketahanan Nasional Republik Indonesia (LEMHANAS-RI) ANDI WIJAJANTO ho nia Ekipa ne’e hodi fahe hanoin hamutuk kona-ba oinsa prosesu atu dezenvolve zona Green Economy and blue economy iha Timor-Leste.
Iha Vizita ne’e simu direita husi Ministru MAPPF Eng. Marcos da Cruz, MAGSt no Sekretariu Estadu Peskas, Domingos da Conceção dos Santos, iha Resintu MAPPF Comoro.
Gubernur Lembaga Ketahanan Nasional Republik Indonesia (sigla Indonezia LEMHANAS-RI) Andi Wijajanto Iha entrevista esplika, objetivu vizita ne’e atu halo estudu komparativus kona-ba kazu estrajiku sira hanesan, demokrasia, transformasaun dijital, ekonomia azul no ekonomia matak.
Gubernur ne’e haktuir, iha diskusaun ne’e atu haree dazafiu saída de’it mak iha, tanba ba oin atu dezenvolve zona ekonomia azul no green ekonomi, Lemhanas sei hamutuk ho ministériu hodi haforsa servisu entre nasaun rua.
Nune’e Ministru MAPPF, Eng. Marcos da Cruz hatutan, Ministru simu delegasaun ho kontente no fahe hanoin kona-ba oinsa prosesu ekonomia green no ekonomi blue forte di’ak liu tan atu nune’e kontinua mantein kooperasaun ekonomia, liliu iha liña fronteira entre nasaun rua nian.
Tanba Ita Nasaun Vizinu Atu Labele iha impaktu ba ambiente Presiza ko’alia hamutuk para bele dezenvovlve seitór hamutuk ou halo idustria peskas ruma labele afeita ba rai rua ne’e iha parte ambiente.
Iha Enkontru Ministru MAPPF, Eng. Marcos das Cruz, MAGSt, Sekretariu Estadu Peskas, Domingos da Conceção dos Santos no Governador, LEMHANAS ho komitiva ne’e sei kontinua haforsa relasaun entre Timor-Leste no Indonesia, hamutuk hodi promove estabilidade entre nasaun rua ne’e.
