DILI-31/08/23-Ministériu Agríkultura Pekuaria, Peskas e Floresta liu husi Diresaun Nasionál Formasaun tekniku agrikola kontinua haruka tan estudante 50 sei partisipa formasaun Agrikultura avansada iha Nasaun Isreal_kuaze fulan 11 ho objetivu hodi kapasita foinsa’e sira iha area agrikultura pekuaria no peskas.
Iha oportunidade ne’e Ministru MAPPF, Eng. Marcos da Cruz, MAgSt, ba jornalista sira esplika Eventu ne’e, atu haruka estudante nain limanulu (50) periodu ida ne’e atu ba Israel hodi ba aprende teoria no mos pratika iha instituisaun formasaun nian ida bolu naran AICAT iha Israel, durante fulan sanulu resin ida (11).
“Bainhira sira mai ita sei buka hodi apoiu sira atu dezenvolve setór agrikultura liuliu aplika matenek inovativu ne’ebé sira hetan iha nasaun Israel. Sira ne’ebé mak ba antes ona agora halo ona servisu balu iha Viquequ-Raitahu”. Tenik Ministru MAPPF, Eng. Marcos da Cruz, MAgSt
Ministériu sei kontinua Apoiu estudante sira nia partisipasaun ba dezenvolvimentu iha setór agrikultura ne’e importante tebes, nune’e estudante ne’ebé Ministériu h haruka ba mai fali ne’e, ita sei haree oinsa hamutuk hodi dezenvolve ita nia agrikultura. neduni governu nia papel mak buka atu fasilita apoia ninia povu liliu joven sira ne’ebé iha inisiativa no hakarak atu partisipa iha dezenvolvimentu setór agrikultura.
Iha sorin seluk, Diretór Nasionál DNFTA, Ipolito da Costa informa katak anu letivu 2023 kandidatus admitida ne’ebé autoriza husi AICAT hamutuk 50 pessoas kompostu husi feto 12 no mane 39 ne’ebé lidera husi team leader ida.
“Husi Programa ida ne’e, IX governu nia programa mós deside katak tenke iha kapasitasaun ba joven sira, ita hahú grupu primeiru iha 2015 ho 20 pessoas de’it. Programa ida ne’e ita nia exelensia ministro apoiu maximu atu kapasita joven sira”. Dehan Diretór DNFTA
Nune’e objetivu principal husi AICAT ne’e haruka joven sira ba aprende no atu ganha esperensia no haree ema nia teknolojia sira nune’e to’o tempu estudante konklui ona formasaun sira mos iha ona abilidade badaen hodi mai kontribui no apoiu atividade programa governu nian liliu iha ministério agrikultura e peskas iha idak-idak nia knua ka regiaun.
Turi estudante Martinho Soares “ sente orgullu no previlegiu tebes ba oportunidade ida ne’e , tanbá husi oportunidade ida ne’e bele eleva liutan koñesimentu liliu iha area agrikultura. Agora dadauk ami servisu balun ne’ebé ami hala’o tiha ona iha area agrikultór liuliu pekuaria no hortikultura, nune’e oportunidade ida ne’e ami ba para aproveita liutan estuda nune’e fila mai kontinua dezenvolve liutan atividade ne’ebé mak iha tiha ona.
Programa ida ne’e responsabel husi Ministériu Agríkultura Pekuaria Peskas no Floresta, maibé responsabilidade masimu hosi inan aman atu bele sai mós sasin ba prosesu ida ne’e.
