Ermera- 29-08-Sekretáriu Estadu Florestas MAPPF, Eng. Fernandino Vieira, halo Vizita ofisilmente bá Projetu, Coffee and Agroforestry Livelihood Project (CALIP), hodi hare’e dereta produsaun viveirus kafé no pilotu Agrofloresta iha Minisípiu Ermera.
Sekretáriu Estadu Floresta, Fernandino Viera, Iha entrevista hateten, objetivu vizita ne’e atu hare projetu CALIP ne’ebe implementa atividade iha munispiu Ermera, hanesan Projetu pilotu atu kuda produtu oin-oin hodi halo konbinasaun hanesan Ai-Nanas, Ai-dila, Ai-farina, Hudi no seluk tan.
Nia Akresenta, pilotu ida ne’e lidera husi Team Leader Landell Mills husi Nasaun Portugal ne’ebé mak iha Timor-Leste Sr. Miguel Nogueira, programa pilotu ida ne’e di’ak tebes karik iha tinan tuir mai mak ita hare’e nia progessu di’ak bele kontinua hodi implementa iha munisipiu seluk, tanba liu hosi prgrama pilotu ida ne’e atu bele adapta no muda Sistema kuda produtu sira. viveirus kafé-oan ne’ebé maka prepara hamutuk rihun atus tolu (300 mill Pes ne’e sei kuda fila-fali iha fatin sira ne’ebé halo rehabilitasaun kafé.
Nia hatutan, objetivu ba rehabilitasaun kafé ne’ebé hun bo’ot ona no atu nune’e kafé hun labele naruk liu masimu 1,50 metru no minimu 1 metru, nune’e agrikultor atu ku’u labele sa’e fali mak ku’u, kafe iha Timor ne’e kualidade diak maibe presija atu aumnta nia kuantidade.
Sekretariu Estadu Lori governu no Ministériu Agrikultura Pekuaria Peskas no Floresta nia naran nafatin iha komitmentu atu bele apoiu nafatin povu agrikultor sira, liu-liu oinsa halo rehabiilitasaun kafé no espansaun nomós fo kapasitasaun ba povu agrikultor iha Timor-Leste.
Iha fatin hanesan, Team Leader Landell Mills, Miguel Nogueira hateten, Atividade ne’e envolve husi empreza Landell Mills husi Nasaun Inglatera servisu hamutuk ho Projetu CALIP hodi apoiu Ministério Agríkultura (MAPPF) bele implementa atividade Projetu CALIP nian kona-ba agrofloresta inklui fó treinamentu ba komunidade sira no servisu hamutuk ho estensionista iha Munisipiu hodi implementa atividade iha Munisipiu neen (6) ne’ebe maka potensia ba kafé hanesan Ermera, Liquiça, Aileu, Bobonaro, Manufahi no Ainaro.
Sira mos organiza hodi ajuda Diresaun Jeral Kafé e Plantas Industria atu kria fatin demostrasaun balun no Sentru ba treinamentu ba estensionista sira hodi hare ba kafé oinsaatu halo rehabilitasaun kafé hodi hasae produsaun iha rai laran.
Nune’e mos Account Officer Projetu CALIP, Hugo Metodio dos Santos informa, hosi projeitu CALIP apresenta atividade Projetu nian ba Sekretario Estadu Floresta kona-ba implementasaun Projetu ne’ebe hahu husi 2022 mai to’o ohin loron, nomos aprezenta kontratu ne’ebe maka estabelese ona husi projetu CALIP ne’e rasik, total kontratu hamutuk 11 husi orsamentu USD. 3 milhoens ne’ebe aloka ba projetu refere.
Hosi parte CALIP mos sei hein ekipa ADB ne’ebe sei mai vizita iha fulan Otubru nia laran para atu halo revisaun ba implementasaun projetu CALIP ne’e rasik, depois revisaun ne’e maka sira sei deside oinsa atu realoka fila- fali montante sira ne’e iha atividade sira ne’ebe maka seidauk implementa ita hahu kanaliza orsamentu atu bele aumentan grupu benefisiariu kafekultór husi projetu ne’e rasik. Eby Magno
