Aileu,29/08/23-Ministériu Agríkultura Pekuaria Peska no Floresta hamutuk ho Parseiru Dezenvolvimentu Corean International Cooperation Agency (KOICA) Lansa Fatuk dahuluk ba kontrusaun uma Agriculture Production Collection Station (APCS) kona-ba Estrada, bee-mos ne’ebé envolve direita komunidade ho objetivu hadia produtu ortikultura iha Sarlala, suku Seloi Kraik- aldeia Faularan.
Hafoin remata serimonia Lansamentu Ministru MAPPF, Eng.Marcos da Cruz, MagSt, ba Jornalista sira katak, Liu hosi programa ne’e bele promove dezenvolvimentu ortikultura organiku. Tanba bele organiza grupu sira iha aldeia Faularan bele kuda modo uza audubu organiku liu hosi ai-horis residu sira ne’ebé mai hosi du’ut no haré kulit.
“Programa dezenvolvimentu ortikultura ne’e sei kobre munisipiu tolu ne’ebé mak potensial ba area agrikultura hanesan, Aileu -sarlala, Ainaro-Maubisse no Likisa-Dato”. Tenik Eng.Marcos da Cruz
Ministru MAPPF, Eng. Marcos da Cruz, MagSt mós Apela ba komuidade hotu atu hamutuk hodi dezenvolve seitór agrikultura, liu-liu iha area ortikultura, tanba area potensia ba agriuktura nian presiza atu utiliza materia lokál hodi produs modo organiku no aumenta nia kunatidade no kualidade ne’ebé di’ak nune’e bele responde ba merkadu no hadia nutrizasaun ai-han.
Neduni presiza partisipasaun agrikultór no seitór pribadu sira hamutuk hadia seitór agrikultura, loke mós grupu kooperativa hodi promove produtu lokál hanesan ai-fuan no modo.
Iha fatin hanesan, Administradór Aileu, Abel da Conçecão hato’o, agradese ba Ministériu Agrikultura tanba bele hili Munisipiu Aileu sai benefisiariu, populasaun Aileu maioria moris ho vida agrikultór, hosi 33 suku no aldeia 139.
Neduni programa ne’e iha oin tolu hanesan, kanaliza bee-mos, harii armajen no loke Estrada iha aldeia refere, hosi elementu hirak ne’e bele ajuda ba implementasaun programa ida ne’e bele fó resultadu produsaun di’ak ba komunidade hodi eleva rendimentu komunidade sira nia hosi grupu benefisiarius iha aldeia Faularan nian.
“grupu benefisiariu sira ho sereiedade hodi halo servisu no aproveita utiliza didiak nune’e hodi bele sai ezemplu di’ak ba grupu seluk” dehan Administradór Aileu
Iha sorin seluk nain ba Projeitu, Mr. Dongsok Lee hateten, Programa ida ne’e laos de’it kontrusaun físiku maibe programa ne’e melhoramentu kadeia de valór ho durasaun tinan lima neduni oinsa hasa’e produsaun no hadia rendimentu agrikultór nomos pprograma ne’e sei ajuda hodi faan komunidade sira nia produtu.
programa ne’e hetan apoiu husi guvernu Korea liu hosi KOICA ho durasaun programa tinan lima ho totál osamentu hamutuk USD 6 milloes.
Guvernu Korea kontinua tulun liu hosi servisu hamutuk no partisipasaun to’os nain sira hotu hodi bele halo mudansa ba aldeia faularan-suku seloi kraik bele susesu iha futuru.
Field Manager-PMC, hatutan tan, Projeitu ne’e sei lao tuir dezenu ne’ebé mak iha ona, sei tau sentru koleksaun ne’ebé hanaran APCS, oinsa bele rekolha produtu hosi to’os nain sira, no iha fatin ne’ebé bele halo selesaun ba produtu di’ak no aat no falun (packing) to’o transporta ba merkadu. FN
