Likisa-Sesta, 25/08/23/ Ministériu Agrikultura Pekuaria, Peskas no Floresta durante ne’e apoiu Grupu Cottoni ne’ebe hakiak budu tasi, hetan fasilita hosi parseiru dezenvolvimentu MDF, ofialmente lansa budu tasi toneladas 50 hodi exporta ba Nasaun Indonesia.
Iha oportunidade ne’e Diretór nasionál aquikultura no Sali kultura, Alberto Viegas Soares ba Jornalista sira, esplika fatin ba budu tasi barak liuiha atauru guvernu iha planu ba oin apoiu makas liu tan grupu sira nune’e atu hasa’e numeru esportasaun budu tasi ba rai liur.
Diretór ne’e hateten, budu tasi hanesan komuditi ne’ebé fasil hakiak, Durante ne’e identifika ona area ka fatin ne’ebé potensia ba budu tasi nian, dadaun ne’e haree ona husi parte Atauro no likisa parte Ulmera nomós iha Hera neduni ba futuru presija aumenta grupu atu produs kuantidade budu tasi iha Rai laran.
Iha Fatin hanesan, Primeiru sekretariu ba dezenvolvimentu rural, Thomas wooden reprezenta governu Australia, hato’o orgulhu boot ba grupu cottoni nia susesu bele ona Esporta direitamenta budu tasi toneladas 50 ba Indonesia.
“susesu ida ne’e boot tebes, laos deit ba Cattoni maibé ba mós ba TIMOR-LESte no orgullu atu dehan katak, governu Australia liu hosi programa MDF ne’ebé hola parte iha cottoni grup nia istoria no sira nia suporta husi atinje susesu ida ne’e”. dehan Thomas wooden iha portu tibar.
Nia akresenta, governu Australia senti kontente haree grupu ne’e sai boot liu tan hodi atinji ona buat barak. Nomos kontinua ajuda hadia seitór privadu iha Timor-Leste hodi sustenta kresimentu ekonomiku no komersiu sira.
Alende ne’e Presidente Grupu Cottoni, Salomão Cabral esplika, Grupu Cottoni Harii iha tinan 2018 ho grupu hamutuk (300) ho ema rihun ida. Antes ne’e hetan produsaun ne’ebé minimu liu.
Tanba ne’e Iha tinan 2021-2022 Diresaun Nasional Aquikultura no Sali Kultura,apoiu material ba Grupu Cottoni hanesan, Tali, Ember Katana, Aisuak Lampra, Oklu tasi, dasi no Seluk tan.
Neduni husi material sira ne’e ajuda ona grupu kada fulan sempre produs budu tasi toneladas 15 to’o 20. no ba dadaun ne’e ita Esporta tan budu tasi ho toneladas 50 ba Indonesia.
Husi Resultadu Produsaun budu tasi hatudu durante ne’e ajuda ona komunidade Atauro sira hodi dezenvolve no hadia ekonomia uma laran iha.
Tuir dadus hosi Diresaun Nasionál Aquikultura no Salikultura rekolla katak, grupu ne’ebé hakiak budu tasi hosi tinan 2022 hatudu resultadu produsaun ho toneladas 756,48. Ne’e inklui ona esportasaun no konsumu jerál iha rai laran rasik.
