Dili-Ministério Agríkultura Pecuaria Pescas e Florestas (MAPPF) servisu hamutuk ho ajensia Asian Forest Cooperation Organization (Afoco) hala’o ona sira nia atividade konaba reflorestasaun iha Munisipio ha’at hanesan: Likisa, Ermera, Bobonaro no mos Covalima. Relasiona ho asunto ne’e Ekipa tekniku sira hala’o enkontru hodi hare ba atividade ne’ebe maka lao ona. Enkontru ne’e hala’o iha loron (22-08) iha Salaun MAP Comoro.
Iha entrevista Diretór Jeral Florestas Café e Plantas Industriais Raimundo Mau esplika katak, enkontru ne’e atu fahe informasaun konaba atinjimentu husi atividade ne’ebe maka halao hamutuk entre Governu Timo-Leste Liu husi MAPPF, Seckretario Estadu Floresta nian konaba atividade modelazen ba AgroFloresta iha Zona agro-ekolozia sira iha Timor-Leste. Projeitu ne’e rasik nia orsamentu mai husi Ajensia Afoco.
Nia hatutan, Projeitu ne’e hala’o ona durante tinan rua no tinan oin termina ona projeitu ne’e, Ita hala’o ona atividade sira iha Munisipiu Alvu sira hanesan, Bobonaro, Ermera, Likisa no mos Covalima, sira ne’e reprezenta zona agroklimatiku ne’ebe maka diferente atu nune’e iha durasaun ba projeitu ne’e iha atvidade ne’ebe maka planeadu ona ikus mai sei rezulta matadalan konaba pratika diak iha AgroFloresta husi kada zona Agroklimatika iha Timor-Leste.
Enkontru ne’e marka mos prezensa husi reprezentasaun Territorial husi Floresta Munisipio, Diretór Servisu Munisipio, Organizasaun Noun Govermental ONG no parseiru sira hotu mai para atu bele tau hanoin hamutuk atu bele fo sira nia input ruma konaba servisu ida ne’e. atu nune’e ikus mai rezultadu husi projetu ida ne’e kuandu hotu ita bele produs matadalan ruma.
Iha fatin hanesan Project Manager Mario Godinho akresenta katak, nu’udar membro ida husi Asean Forest Corportion Organization (AFoCO) ninian sai mós hanesan fundador hamutuk ho nasaun 14 iha asean ninian, nu’udar membru ita mos tinan tinan iha obrigatoriu no kontribuisaun ba AFOco ninian ita kontribui 30.000 mil kada tinan. Ita mos iha oportunidade atu hetan projetu sira husi AFoCO, me’e mak projetu primeiru ne’ebé ita bolu zero dizaoitu (018). Projetu ida ne’e ho nia titulu atu promove reflorestasaun liuhusi modelu agrofloresta husi zona ne’ebé diferente.
“ita iha Timor ita iha zona neen (6) zona 1 zona 3 to’o 6. Iha zona neen (6) ne’e espesies ai saida mak bele serve uza ba zona ne’e, iha zona 1 rai manas hanesan Loes, zona 3 sa’e fali ba Ermera, Bobonaro iha zona 4 ba fali Suai ho nia klima no temperatura udan be’en lahanesan entaun to tempu ita kuda ai laos naran kuda de’it maibe kuda bazeia ba espesie sira ne’ebe atu adaptivu ho zona sira ne’e, tanba agora ita tama hela iha Farmer carbon stock carbon, ba komunidade sira ne’ebe maka kuda ai oinsa maka sira atu sosa Carbon, entaun presiza iha preparasaun, atu nune’e to’o tempu ida ita kuda ai-oan bele produs Carbon husi ai ne’e rasik ba komunidade.” Tenik Mario
Nia akresenta, iha Loes tau integradu tau Ai-fuan ho Ai Industria tanba rai maran, iha Ermerea Gleno tau modelu kafé, entaun iha ne’eba ita kuda ai mahon ho ai fuan tanba iha ne’eba ninia klimatika ne’e serve ba kafe ninian, tanba ne’e maka agora dadauk kuda Ai kakeu to tinan lima mai bele kuda Ai café iha kakeu nia okos, iha Bobonaro iha industria ho Ai konservasaun ninian tanba iha parte a’as nia maka produs be’e barak, entaun iha ne’eba iha Ai industria balu no aifuan, no mos Ai Na’a ho Ai sarie, iha Covalima mos hanesan iha fatin balun ne’ebe maka komunidade sira halo to’os , entaun aplika ida ne’e, total pilotu ne’e iha 12 Hektares, iha Loes hektares 2, Ermera hektares 2 iha Bobonaro Hektares 6, iha Suai hektares 2, Rai hirak ne’e balu Estadu nian no balu komunidade sira nian. No programa ida ne’e nia rezultadu tomak ba komunidade nian.
