Manufahi-17/08/23-Ministériu agrikultura Pekuaria, Peska no Floresta, (MAPPF) liu hosi Diresaun Nasional Peskiza no Estatistika hamutuk ho Parseiru Dezenvolvimentu Agriculture inovation for community, (Ai-Com) Fahe Informasaun Kona-ba Atividade Peskiza ho Sistema Conservasaun Agrikultura Plus Herbisida no Sistema Agronomia Produs Fore-mungu lakole iha sentru peskiza Betano.
Iha oprtunidade ne’e peskizadór Marcos Correia Vidal ba Jornalista Sira Esplika, objetivu fahe informasaun jeral kona-ba impaktu herbisida ba rai du’ut no mós kresimentu produsaun ai-horis. Bazeia ba peskiza ne’ebé mak utiliza herbisida no Sistema agronomia produs foremungu lakole iha agrikultur sira nia to’os, liu hosi informaaun ne’e Ai-Com no DNPE hamutuk ho to’os nain kria inovasaun foun hamutuk iha futuru mai bele utiliza herbesida.
Peskizadór ne’e hatutan, peskiza ne’ebé mak halo ho nia topiku Conservasaun Agrikultura no herbisida ne’e hahu iha tinan 2007 to agora, peskiza ne’e hahu iha tempu naruk nia laran ona, peskiza ne’e ho tratamentu fila rai kuda lehe rega herbisida.
Tanba ne’e DNPE servisu ho Ai-com halo peskiza uza herbisida resultadu hatudu katak laiha impaktu negativu ba rai no Sistema aplika herbisida ba rai ne’e bainhira hamos to’os ou du’ut lagasta tempu naruk.
“resultadu peskiza agrikultór no estensionista sira iha munisipiu Manufahi no hosi Munisipiu seluk hanesan, Manatuto, Covalima, Ainaro no Viqueque nune’e agrikultór sira bele prepara rai no hamos batar du’ut tanba dadaun ne’e barak mak uza ona herbisida maibé sedauk tuir sistema ne’ebé loloss, nune’e ho atividade sira hanesan ne’e agrikultór sira bele komprende oinsa utiliza herbisida refere”. dehan peskizadór Marcos
Diretór ba projeitu Ai-com Robert Williams esplika, Ai-com nia programa ne’e atu ajuda timor-oan sira hodi halo peskiza hodi hamosu inovasaun foun, Peskizadór ho natar nain no to’os nain sira, deskobre duni metode ida foun ida kuda fore-mungu no hamenus kole, metode foun ne’e bele hasa’e produsaun agrikola no hamenus kusto produsaun.
Tuir Diretór ba projeitu Ai-com ne’e esplika sira nia parte sei apoiu nafatin divizasaun Peskiza atu bele hamosu inovasaun foun hodi bele hakman servisu agrikultór nian.
Nune’e Elidio Dias nu’udar agrikultór fó sasin katak, utiliza Sistema herbesida ba ai-horis foren-mungu bele hakman servisu no lahamos to’os ho tempu naruk no resultadu produsaun mós di’ak.
Atividade ne’e Partsipa Maximu hosi Diretór jeral CDI, Diretór ba projeitu Ai-Com, Diretór Agrikultura no hortikultura, Direitór/a Servisu Agrukultura Munisipiu Manufahi, Ainaro, Covalima, Manatuto Viqueque, Estensionista to’os nain no Peskizadór sira. Alende ne’e mós vizita ba agrikultur sira nia to’os hodi observa ai-horis fore-mungu ne’ebé mak implementa iha sentru peskiza Betano no no agrikultór sira nia to’os.
