Baucau- Secretario Estadu Pescas (SEP) Domingos Da Conceição dos Santos insera treinamentu ba Peskador sira husi munisispio 5 hanesan: Viqueque, Lautém, Manufahi, Manatutu no mos Covalima hafoin remata sira nia treinamentu konaba konstrusaun Ro Fibre de Vidro durante loron sanulu iha Posto Administrativu Vemasse.
Iha entrevista Secretario Estadu Pescas Domingos Da Conceição dos Santos esplika katak, MAPPF parseria ho ajensia UNDP liu husi programa ATSEA-2 ne’ebe halo konstrusaun ba Ró fibre de vidro aomesmo tempu fo mos formsaun ba peskador sira husi Munisipio 5 ne’e atu bele halo rasik manutensaun bai ha Ró refere.
“Governo hakarak manifesta nia agradesementu ba iha parseiru UNDP maske kontribuisaun la bo’ot liu maibe konsege halo ona buat ruma, hanesan ita nia mehi katak atu redus importasaun, fiar katak liu husi faze sira hanesan ne’e pozitivamente sei bele akontese. Formasaun ne’e ba ita nia peskador sira importante los tanba Ró Fiver komesa barak ona iha Timor, maibe dalaruma to iha manutensaun sira hasoru problema entaun liu husi formsaun ne’e bele aumenta tan sira nia kapasidade no kuinhesemnentu atu nune’e wainhira Ró hirak ne’e a’at sira bele halo manutensaun rasik hirak ne’e hotu bele redus ona despeza Estadu.” Tenik Domingos
Nia mos husu ba formandu sira katak iha ona abilidade no konhesementu ne’ebe apropriadu ne’ebe maka fiar katak sira sei habelar tan ba iha Peskador sira seluk, Ró hirak ne’ebe maka sira simu ona husu atu kuidadu ho didiak tanba peskador sei barak maka seidauk hetan, hein katak sira kuidadu ho diak, atu nune’e ba oin bele hare fali sira seluk ne’ebe maka seidauk hetan oportunidade.
Iha fatin hanesan Expedito Belo Reprezenta UNDP hateten katak, atividade ne’e UNDP halo parseria ho Governo liu husi MAPPF suporta ba iha grupu Peskador sira husi munisipio 5, uluk nanain fo kapasitasaun ba sira, espera katak ho formasaun ne’ebe maka sira tuir ona bele ajuda sira hodi halo manutensaun ba Ró ne’ebe maka sira simu ona.
“husi programa ne’e mos ami ajuda ona Governo hodi produs Ró 7 hodi destribui ba sira atu bele suporta ita nia peskador sira, Ró ne’e ho nia kapasidade 15 kavalos iha kapasitasaun para atu ajuda sira kaer ikan bele tama liu ba klaran, tanba iha klrana ikan kuaze barak liu. Produsaun Ró ne’e halo husi ita nia kompania local sira ao mesmo tempu promove mos ita nia kompania local sira.” Katak Expedito
Nia informa Ró 7 maka iha atu destribui ba grupu 7 ne’ebe maka tuir ona formasaun, Ró hirak ne’e Viqueque hetan 1, Lautém 1, Manatutu 2, Manufahi 2 no Covalima 1. Total orsamentu ba formasaun no konstrusaun Ró hirak ne’e hamutuk $ 66,374.
Nune’e mos formador Benjamin Freitas hateten katak, Programa ne’e husi UNDP nian ne’ebe maka servisu hamutuk ho MAPPF liu husi Dirasaun Pescas oinsa bele fo formasaun ba Peskador sira hodi bele iha konhesementu liga bai ha manutensaun Ró ninian, treinamentu ne’e hala’o durante loron sanulu nia laran.
Fiar katak liu husi treinamentu ida ne’e
