Baucau- Ministério Agríkultura Pecuaria Peskas e Florestas (MAPPF) destribui Ró ho unidade 8 ba grupu Peskador sira atu hala’o sira nia atividade kaer ikan hodi bele hadia rendimentu ekonomia uma laran, atividade ne’e hala’o iha loron (11/08/23) iha Posto Administrativu Vemase.

Tuir Secretario Estadu Pescas Domingos Da Conceição dos Santos hateten katak, atividade ne’e atu atribui Ró ho unidade 8 ba ita nia grupu ne’ebe maka eziste iha grupu 8 maka iha. Inisiu rejistu ona grupu 10 maibe Governo nia kapasidade atu distribui maka 8, sira seluk ne’ebe maka seidauk atribui rejista hela depois maka sei hare fali iha faze tuir mai. Atribuisaun ne’e ho espetativu ida katak bele mellora ona sira nia moris iha kontestu ekonomia.

Nia akresenta Orsamentu husi Governo no liu husi Dirasaun Pescas maka prepara kondisaun ida ne’e hodi ita atribui ba ita nia peskador sira, atu informa de’it katak planu ida ne’e iha anteriormente no ita mai kontinua atu bele halo destribuisaun bazeia ba levantamentu husi tekniku Dirasaun Nasionál Pescas nian, tantu husi Diretór Jeral to’o Diretór Servisu Munsipal sira.

“Normalmente tuir relatorio ne’ebe maka mai husi Dirasaun Jerál no Dirasaun Nasionál nian, ita sei loke liras tan ba Munisipio sira seluk tanba Ró ne’e sei iha, depois maka ita sei identifika depende ba tekniku sira. Hau hakarak hatete katak husi número ne’ebe maka ohin ita mensiona 6678 peskador iha teriotorio tomak normalmente husi Governu nia atribuisaun sira ne’e sei la to’o, maibe fazeadamente husi mill ital grupu neneik neneik sei resolve, tanba ne’e maka hau hakarak alerta ba paskador sira ne’ebe maka hetan ona husu atu kuida sasan Estadu nian, atu nune’e ba sira seluk ne’ebe maka seidauk hetan ita kontinua alastra hodi bele tulun mos sira seluk.” Katak SEP

Iha fatin hanesan Diretór Nasioál de Planeamentu espasiar do Mar, Capturação e Gestão de Recursos Aquatico Celestino da Cunha Bareto esplika, Prosesu ne’e naruk tanba iha Timor laran tomak iha Peskador ne’ebe maka barak tebes tanba ne’e ita halo etapa por etapa no wainhira sira atu hetan ida ne’e mos iha análiza ne’ebe maka klean tebes. ita nia peskas iha teritorio kada munisipio maka edentifika kada grupu peskador sira ne’ebe maka  iha posibilidade atu bele hetan apoiu ida ne’e.

“Análiza proposta ida ne’e ita nia reprezenta sira iha teritorio sira hateten katak, ema ne’e lor-loron tenki tama tasi no mos minimu ba tama tasi hanesan fulan ida 21 loron no mos lor-loron  nia halo moris ho tasi ida ne mak sai kriteira,no labele individual kada grupo ida tenki iha membru nain 1 to’o 5. Hau hanoin iha Munisipio Baucau total grupo nebe hetan opurtunidade hamutuk grupo 8 nebe ohin hau hatete katak orsamentu nebe mak tinan uluk ba hau la menciona.” Nia informa

Nia akresenta, Ekipamentus ne’ebe maka sira simu ona iha mos regulamentu sira hanesan:tenki tama tasi lor-loron, tenki tama tasi tuir kondisaun tasi ne’ebe maka iha, labele fo aluga ba ema seluk hodi sai fali patraun labele fo aluga tutan no nia mos labele uza rede matan ki’ik ne’ebe maka bandu husi Decreto Lei Governo nian. Karik sira kontra regulamentu hirak ne’e sei toma desizaun husi Governo.

Nune’e mos Peskador Duarte Jeronimo Manuel Corea husi grupu tasi diak hakarak hato’o ninia agradeseimentu ba nono Governo ne’ebe maka fo ona apoiu ekipamentus hirak ne’e ba sira, Sasan hirak ne’ebe maka sira simu ona sei dezenvolve familia uma laran.