Bobonaro 08-08-2023, Ministério Agríkultura Pecuaria Pescas e Floresta liu husi projeito CALIP halo monitorizasaun ba atividade Demplot  ho tesi ka poda kafe neébe maka implementa iha Postu Administrativu  Lolotoe Munisipiu Bobonaro.

Iha entrevista project manager CALIP,  Lourenço Borges Fontes esplika, atividade monitorizasaun ba grupu cafékultór sira  hodi haree besik liu kondisaun demplot, tesi  ka poda café, viveros café hosi grupu  ualu (8) ne’ebe  durante neé estabelese iha munisipiu Bobonaro neé  kondisaun diak tanba hetan responzabilidade  masimu husi xefe grupu sira hodi tau  matan duni ba atividade ne’ebe maka implementa iha Postu Administrativu Lolotoe.

Projeito CALIP nia - programa ne’ebe mak implementa  hosi grupu 80  iha  munisipiu neen (6) maka hanesan Aileu, Ainaro, Bobonaro, Ermera, Liquiça no Manufahi  potensia tebes ba café. hateten Lourenço  

Project Manager neé  mos Rekomenda ba membru grupu CALIP nian katak, mai - ita servisu hamutuk tanba programa kona-ba  implementasaun neé, fo formasaun ba cafékultór sira kona-ba oinsa maka atu halo manutensaun no tratamentu ba café,  oinsa halo jestaun ba sira nia ai-horis, kolleta no halo prosesamentu ba café.

Iha fatin hanesan xefe grupu puchuk, Suzana Maya da Silva hateten, sira sente kontete tebes ho programa CALIP nian tanba fo formasaun ba sira oinsa tesi ka poda  café no halo viveros, durante projeito CALIP seidauk tama neé  kafekultor sira  abandona hela café,  maibe liu hosi projeitu CALIP   oinsa maka kuda café, hamos café du’ut.  iha grupu nia laran ema hamutuk  25, feto  hamutuk 7 no mane iha  18.

Nune mos membru grupu chulubul, Laurentina dos Reis informa, durante neé sira hala’o servisu tinan ida ona halo manutensaun ba café ektares, halo viveros café, sira mos kontente tebes ho programa ne’ebe maka CALIP implementa iha sira- nia munisípiu liu-liu Bobonaro. Eby Magno