Dili-26/07/23/, Atu Restora fila-fali Ekosistema Ai-Parapa ne’ebe hetan estragus, Organizasaun Blue Ventures hamutuk ho Ministériu Agrikultura Peska Pekuaria no Floresta (MAPPF), liu hosi Sekretariu Estadu Floresta selebera loron mundial AI-Parapa ho tema” Reflorestasaun Ai-Parapa” iha suku Hera Postu Administrativu Kristu Rei.
Iha selebrasaun ne’e Xefe departementu ba area mangais, Manuel da Cruz hanesan, reprezenta Sekretariu Estadu Floresta, ba ekipa informasaun esplika, Lei organiku ne’ebé husi agrikultura ninian estabelese departamentu mangrove ne’e atu asegura area costeira no mangais totál iha territorio nasionál.
“atu rekopera fila fali ai-parapa sira ne’ebé mak ita nia komunidade no natureza estraga bele funsiona fila fali atu nune’e bele promove animal sira nia fatin liu-liu ikan sira bele moris di’ak no komunidade sira ne’ebé moris iha Costeira bele aproveita ita nia rekursu hirak ne’e”. dehan Xefe departementu Manuel da Cruz iha selebasaun loron mundial ai-parapa iha suku Hera,
Tanba ne’e iha Diresaun Nasional konservasaun iha departamentu guarda florestal sira nia funsaun atu halo kontrola ba Floresta tantu husi rai maran no mós husi tasi nian, entaun ita mós iha ona gurda Floresta naton atu bele kontrola ita nia territorio nasional.
Iha fatin hanesan Diretur interinu Blue Ventures TL, Oldegar Massinga Soares Fransisco hateten, iha situasaun lubuk boot ida husi epoka ida ne’e, ema agora uza tasi hodi sai fundus dezenvolvimentu, hanaran Blue economi.
Neduni bainhira la konserva ita nia ai-parapa mak ita nia Ikan kiik-oan sira ne’e foin moris sira labele moris di’ak iha tasi kle’an hodi bele hetan moris nune’e mós hadi’ak ita nia enviorement iha tasi ninin sira hanesan duut tasi no ai-parapa.
Nune’e mós administradór Postu Kristu Rei,Venacio Tavares apela ba komudade suku Hera, aldeia Sukuer katak, presiza apoiu masimu tanba ita maka sei uza, karik animal oan ruma hanesan ikan kuandu barak iha ne’e ita maka sei aproveita no kuidadu lutu sira atu animal sira ne’eb’e husik labele estraga ai-parapa oan.
Iha selebrasaun ne’e loron mundial ai-parapa ne’e kuda ai-parapa oan hamutuk 2000 (rihun rua).
