Manufahi-(12/05/2023) Ministério Agrikultura e Peskas (MAP) liu husi Diresaun Jerál Agrikultura e Hortikultura lansa Kuda Hare variedade Nakroma iha Demo Area hamutuk ektares 160 ne'ebe utiliza adubus organiku poc nasa, super nasa no harmonik ba primeiro epoka iha suku fatukahi postu Administrativu Fatuberliu Munisipiu Manufahi.
Iha entrevista Diretór Nasionál Hortikultura Lucio Romeo Ribeiro esplika katak, atividade ne’e kontinusaun iha programa demo area iha Munisipiu Manufahi, tuir lolos programa ne'e implementa iha irigasaun karau ulun maibe tanba dezastre naturais mota neébe maka afeta tebes ba irigasaun boot karaun ulun, neduni programa kuda hare muda mai iha area natar iha suku fatukahi.
“Iha fatin ida ne'e primeira vez implementa demo area utiliza adubus poc nasa super nasa no harmonic, maibe nia alvo lolos iha munisipiu Manufahi iha 160 hektares ba demo area ne'ebe maka utiliza audus ida ne'e. Ita iha irigasaun sia ne'ebe mak iha teritoriu Timor laran tomak ita halo espansaun no utiliza adubus organiku ba 160 hektares ne'e ba iha irigasaun sira iha munispio sira ne’ebe maka irigasaun iha ba.” Katak Diretór Lucio
Nune'e mos Extensionista Suku Fatukahi, Teodeo Ximenes akresenta katak, antes atu uza adubus organiku ne'e uluk liu sei halo selesaun ba fini tenki uniforme, depois maka haree ba nia jereminasaun ne'e to’o ona porsentu 95 to 100 mak ita bele rekomenda ba komunidade ka agrikultór sira hodi bele kuda.(Ebby)
