Likisa-Ministériu Agríkultura no Peskas (MAP), liu hosi Diresaun Jerál Agríkultura no Dirasaun Nasional Agrikultura e Hortikultura, (DNAH) hala’o Lansamentu kuda hare iha demo-area hectare 10 neébe utiliza adubus organiku POC Nassa, Super Nassa no Harmonik ba primeiru epoka  ho totál Area Kultivu Hektares 520  ho objetivu atu hasa’e produsaun no produtividade agríkola iha Suku Lisadila/Loes, Area natar Lisadila Postu Administrativu Maubara, Munisípiu Likisa.

Atividade lansamentu ne’e ofisialmente lansa hosi hosi Diretór Nasionál Agrikultura no Horticultura Lucio Romeo Ribeiro, ne’ebé reprezenta Diretóra Jeral Agrikultura (MAP) Maria Odete do Céu Guterres, iha loron  Segunda feira (17/04/23).

Iha diskursu Diretór Nasional Agrikultura e Hortikultura Lucio Romeo Ribeiro esplika katak, Objetivu hala’o ativideade ida ne’e, maioria ita nia agrikultór sira  kari hare iha fatin ida ne’e, nune’e Diresaun Nasional Agrikultura e Hhortikultura halo planu ida kona-ba programa kuda hare utilizsaun adubus organiku POC Nassa, Super Nassa no Harmonik, iha tinan sira ba kotuk ne’e implementa iha area sira ne’ebe iha irrigasaun bot ne’ebe governu halo investimento bot ba iha irrigasaun Ualu, nunee Departementu Mecanizasaun Produsaun Alimentar no Jestaun Post Kolleta, iha inisitiva no propoin mai Diresaun Nasional no Diresaun Jeral atu bele iha balansu ka implementa ba iha utilizsaun adubus organiku POC Nassa, Super Nassa no Harmonik, atu hasa’e produsaun agrikolas liu-liu ba hare.

“Lansamentu kuda haré ida ne’e, kontinua aumenta hosi area kultivu sira seluk nune’e kada tinan ba area kultivu ninian, no laos de’it anivel nasionál maibé hosi grupu sira mós bele fo kontribuisaun bo’ot ba aumenta area kultivu no mós produsaun.  MAP liu hosi Diresaun Jeral Agrikultura halo esforsu tomak atu bele responsabeliza problema sira ne’ebe maka ita nia agrikultór sira hasoru, espera katak ho hektare 10 ne’ebe maka ita hala’o lansamento utilizsaun adubus organiku POC Nassa, Super Nassa no Harmonik, iha futuru oin mai bele esplanta ka loke tan atu nune’e ita nia produsaun bele sae.” Tenik  Lucio

Nia hatutan, Iha futuru oin mai nia rezultado diak husu ba grupo agrikultór sira atu konvida fila fali Diretóra Jeral Agrikultura no Hortikultura atu bele mai kolleta, atu nunee  DJ iha hanoin diak bele tau prioridade ba iha Munisípiu Likisa, tanba ita hotu hatene Likisa nia natar hamutuk 520 hektares tuir lista tarjetu projeksaun ne’ebe mak Departemento Mecanizasaun Produsaun Alimentar no Jestaun Post Kolleta iha. Ita laos deit hare liu bai ha Munisípiu sira ne’ebe iha irigasaun bot maibe ita mos la taka dalan ba Munisípi Likisa, Ermera, Aileu, Ainaro  no ita halo balansu ba iha implementasaun utiliza adubus organiku POC Nassa, Super Nassa no Harmonik.

VIII Governu Konstitusional ninia targetu 50 mil haktares, iha tinan 2022 liu ba kotuk ita konsege atinze hetan fos 86 mil toneladas fos, konverte mai hosi hare kulit 143 tonelada hare kulit, ida ne’e fas parte mos kontribuisaun husi Munisípiu likisa hotu.

Iha fatin hanesan, Extensionista Suku Lisadila Valentino de Fatima hateten, Prossesu atu halo natar ne’e primeiru lugar sira halo operasaun ba ho traktor depois ami fasilita ho formasaun kona-ba tektinika vivirus, halo vivirus fatin,  tuir kriteria  teknika nian depois vivirus hotu tiha durante loron 17 ou 21 ita transpalata periodu  ne’ebe ita atu kuda.

Ba iha adubus, depois  adubus ne’e mos buat foun ida ne’ebe adubus iha oin tolu adubus Super Nasa, adubus Poc Nassa nomos harmonik, adubus supernasa ne’e ita utiliza baze primeiru hanesan ita fila rai tiha, molok ita atu kuda  loron tolu ita kari uluk depois loron tolu ita foin kuda.

“utilizasaun adubus Poc Nassa ho Harmonik ne’e hare oan komesa semana rua ita kahur tiha tuir teknik adubus harmonik ne’e matan isin ida ho poc nassa ne’e masa isin ha’at kahur tiha ho bee liter 10 depois mak ita rega to iha area sira ne’ebe ita kuda”. Tenik Valente

Ami sei esforsu nafatin para bele akompaiña grupo agrikultór sira para oinsa uza adubus Poc Nassa nune’e atu atinji hasa’e produsaun.

Nune’e Mos Xefe Grupo Artur de Fatima  Xefe do hateten, Implementasaun uza pupuk Nasa ba tinan ida ne’e ami hakarak uja pupuk ida ne’e, tamba inisiu ami la uja pupuk, ami nia rendimentu produsaun menus, agora MAP aplika utiliza adubus Poc Nassa hectare 10, ba futuru ami atu  hare tok nia rendimentu produsaun ne’e sa’e ka oinsa! seikarik nia sa’e ami atu implementa tan ba oin, ami atu habarak  tan para ami aumenta tan hektares rua nulu (20) ou  lima nulu (50).

“Kona-ba irrigasaun ami difikulta tamba tinan-tinan ami hato’o hela ami nia preokupasaun ba Ministerio Agricultura e Pescas atu bele tau atensaun ba ami nia irrigasaun mais to’o agora ami nia irigasaun maka nune’e nafatin ho manual, ami sujere nafatin MAP atu tau atensaun para ba futuru tos na’in sira bele kuda barak liu tan”.Tenik Artur.

Nia ralsa hare nakroman ne’ebe tinan-tinan ami kuda hetan lisensa husi Ministeriu agrikultura e Peskas  ne’e mak ami kuda Kada hektare ami halo teste uvinan ne’e ami hetan hectare ida (1) 2,5ton/hectares ida ne’e ami la uza adubus,  entaun ami koko tok Poc Nassa ida ne’e ba futuru rezultadu hetan diak liu ami sei kontinua uza pupuk poc nassa ida ne’e hodi bele hasa’e produsaun.

Iha lansamentu kuda haré ne’e, partisipa hosi ekipa MAP ne’ebé reprezenta hosi Diretór Nasionál Agrikultura e Hortikultura MAP, Lucio Romeo Ribeiro ho komitiva Diretór Nasionál Extensaun Agrikola, Xefe Departemento Fini, Xefe Departementu Mecanizasaun Produsaun Alimentar no Jestaun Post Kolleta, Funsionario DNAH inklui Komunidade tos nain iha area natar Lisadila. Hetan seguransa Maximu hosi Polisia Nasionál Timor-Leste (PNTL) Postu Maubara. Rozer Lopes