Dili- Sekretariadu Konsellu Seguransa Soberania Ai-Han no Nutrisaun Timor Leste (KONSANTIL) servisu hamutuk ho Agensia World Food Programe (WFP) hala’o enkontru ho Grupu Tekniku Permanente (GTP) nivel Diretór Jeral liñas Ministériais inklui Prezidente Autoridade Munisipal.
Administrador Munisipio no Diretór Regional Agrikultura RAEOA hala’o enkontru hodi aprezenta draf ralatorio klasifikasaun Integradu ba seguransa Ai-han iha Timor Leste. Enkontru ne’e hala’o iha loron (12/01/23) iha Salaun City 8 Manleuna.
Tuir Ministro MAP hanesan mos Prezidente KONSANTIL Pedro dos Reis hateten katak, objetivu husi atividade ne’e atu halo lansamentu ba iha servisu ne’ebe maka hala’o tiha ona husi tekniku Linhas Ministeriais KONSANTIL ninian, no mos parseiru dezenvolvimentu sira hanesan WFP, FAO konaba analiza ba iha kuda situasaun seguransa ai-han ba iha Timor Leste iha fulan ne’en (6) ba oin.
“agora dadauk análiza ida ne’ebe maka ekipa halo traballu no ohin ita halo lansamentu ne’e hetan ona dadus katak, por volta de 20% ita nia komunidade maka sei afeta ba iha in seguransa aihan ba iha fulan ne’en (6) ba oin, dadus ida ne’e ohin ita halo lansamentu depois halo diskusaun atu nune’e bele propõem ba iha Governu hodi halo intervensaun.” Nia hatutan
Nia akresenta, MAP hala’o ninia kna’ar nafatin oinsa maka produsaun iha rai laran bele lao, maibe aumenta tan ho análiza IPC nian pelu menus fo ona informasaun kredivel ou klaru ona bai ha Governu atu nune’e hodi prepara ai-han ne’ebe maka sufisiente ba fulan ne’en ba oin. Governu liu husi MAP sempre garantia ai-han, maske iha dezafiu oi-oin, hanesan ita hotu hatene kuandu oitavu Governo Konstitucional iha impasse Politika, Pandemia Covid-19 no mos inundasaun, maibe atividade hotu lao hela.
Iha fatin hanesan Representative Country Director Alba Cecilia Garzon Olivares sublinha katak, WFP sei fo apoiu tomak ba Governu liu-liu prioridade ba hahan, ba seguransa aihan no mos ba mal nutrisaun, tanba ne’e maka WFP halo esforsu tomak iha ne’e mantein hodi fo asistensia ba area rua ne’e.
“Ami fo asistensia ba iha area sira ne’e, ami mos pronto wainhira karik atu akontese inundasaun udan bo’ot, ba nesesidade primaria sira ne’ebe maka presiza ami sei fo apoiu tomak. Tuir estudu ne’ebe halo dadauk ne’e ami hatene ona iha rai ida ne’e nia laran ita hatene ona katak estatistika hatudu katak 300 ital presiza tebes asistensia alimentar Ami agora dadauk halo hela diskusaun no estudus ho Governu hodi hare saida maka bele halo iha pasu oin mai, foin bele halo elabora lolos ami nia apoiu ba Governo hodi bele rezolve situsaun sira ne’e .” katak Representative Country Director WFP
Fatór prinsipál ba inseguransa ai-han determina husi presu ai-han aumenta, redusaun sosa, Covid-19, inundasaun no redusaun ba rendimentu no kópia husi estratejia negativu ne’e konsidera hodi kria análiza komprensivu iha fulan ida ne’e, konsensu sira ne’e alkansadu no fundamentu husi reprezentante Governo no peritu balu hahú husi Fulan Novembro tinan 2022 to’o fulan Abril tinan 2023 no periodu projesaun hahú iha fulan Maiu to Setembro tinan 2023 ba nivel inseguransa ai-han iha rai laran. (Tyfa)
