Dili-Ministério Agríkultura e Peskas (MAP) asina MoU ho Ajensia To’os Ba Moris Diak (TOMAK) hodi halo kooperasaun servisu ho tekniku husi MAP ba faze daruak nian ne’ebe komesa tiha ona iha fulan julho Tinan 2022 to 2026. Atividade ne’e hala’o iha Quarta (11/01/23) iha Salaun MAP Comoro.
Iha entrevista Diretór Jeral Cooperasaun Dezenvolvimentu Institucional (CDI) César José da Cruz esplika katak, objetivu husi akordu ida ne’e atu kontinua servisu hamutuk ba segundu faze nian konaba programa primeiru ne’ebe maka halo tiha ona iha munisipiu tolu (3) hanesan Baucau Viqueque no Bobonaru agora mos sei mantein nafatin iha manusipiu tolu (3) ne’e.
“Se karik loke tan ba sucu sira ne’ebe maka seidauk hetan entaun ita bele dehan katak iha segundu faze ne’e parseiru ne’ebe maka halo husi Governu Australiano ne’e lao diak tebes, tanba servisu ne’ebe maka iha sei hare liliu oinsa bele hasae produtividade produsaun aihan iha Rai laran no mos sei hare ba Agricutura intregadu. Uluk iha primeiru faze ita hala’o tiha ona iha Munisipio tolu ne’e, no kobre 79 maka seidauk kobre. Agora aumenta tan Sucu 50 ne’e atu dehan de’it katak kuaze iha munisipiu tolu ne’e ita konsege abranja hotu. Ida ne’e tuir teoria ne’e ita estende ba iha tinan 4 ne’ebe pratika tinan 3 atu nune’e tinan 1 ikus ne’e ita halo avalisaun, ita agora sei mantein nafatin iha Munisipio 3 ne’e hodi hare fila fali ninia posibilidade. Fundu ne’e mai husi Guvernu Australianu.” Akresnta DG César
Iha fatin hanesan Kordenador Dezenvolvimentu Rural Agríkultura Joaquim Soriano Viana esplika katak, Programa ne’e hahu apoio maximu husi MAP durante ne’e servisu kolabora diak tebes hahu husi faze primeiru to agora.
Nia haktuir programa ne’e nia objetivu maka atu hadia rendimentu uma kain no seguransa ai-han ba agrikultór sira nian no mos produsaun rai laran. Suku nebe sira halo kobertura hamutuk Ministério nian total 60 ital ba leten durante faze primeiru nia, Tinan 10 hahu husi 2006 no agora ita tama ba faze segundu maibe faze segundu ne nia kobre tinan 4 hahu husi 2022 to 2026, no durante tinan 10 ne kada tinan hasai orsamentu ba progama ne 5 milhoes dollar Americano no fundus refere mai husi Governo Australia.(Canny)
