Dili-Ministro Agríkultura e Pescas (MAP) Pedro dos Reis hamutuk ho Vice Ministro MAP Abilio Xevier de Araújo no mos Secretario Estadu Pescas Elidio de Araújo hala’o workshop ho Diretór Jeral, Diretór Nasionál Chefe Departamentu no mos Ponto Vokal sira hodi hare konaba ezekusaun orsamentu jeral ba tinan ida ne’e. Workshop ne’e ofisialmente loke husi Ministro MAP iha loron tersa (10/01/23) iha Salaun Delta Nova.
Iha entrevista Ministro MAP Pedro dos Reis hateten katak, objetivu husi Workshop ida ne’e atu halibur ita nia dirijente sira hotu, hahu husi Dirasaun Jeral Dirasaun Nasionál Chefe Departamentu no mos tekniku sira ne’ebe maka jere orsamentu MAP nian tanba orsamentu aprovadu ona, orsamentu ne’ebe aprovadu mos ho ninia sistema foun.
Nia espika, orsamentu por programa maibe ninia sistema ne’e foun, entaun molok atu halo implementasaun ita halo workshop ida ne’e atu nune’e bele fahe informasaun ba iha tekniku sira atu nune’e bele servisu hamutuk atu labele prejudika nia ejekusaun ba iha futuru.
“Orsamentu ne’ebe maka aprovadu husi Parlamentu Nasionál ba iha MAP hamutuk 28 millões, orsamentu hirak ne’e fahe por programa kada Dirasaun nian iha ninia sistema ne’e maka aumenta kuaze sanulu resin iha ne’eba tanba ne’e maka atu ezekuta osan hirak ne’e, ami presiza organiza workshop ida ne’e atu nune’e iha nia prosesu tomak ba ezekusaun ne’e entre dirasaun ida labele fo sala fali ba iha Dirasaun seluk, tanba nia sistema ne’e foun.” Tenik Ministro MAP
Iha fatin hanesan Diretora Geral Serviços Corporativus Ervina Soares Pinto hatutan katak, objetivu ohin loron ida ne’e primeiro sei halo avaliasaun ba servisu MAP tinan 2022 nian depois tama kedas ho tinan ida ne’e nian, ba mekanizmu de ezekusaun orsamentu.
Nia esplika, ezekusaun detallu orsamentu, salario vencimentu ita atinji 96% depois iha inter service iha 91% kapital minor 12% de’it ne’e tanba iha Ró husi Pescas nian ne’ebe maka ita halo de’it comitment, ezekusaun ne’ebe maka ita halo iha tinan 2022. Iha ne’e hakarak hato’o mos konaba ezekusaun no oinsa ita atu halo planu ba tinan 2023 nian, hanesan ita hatene katak orsamentu ne’e promulga ona iha dia 5 ita simu ona pakote husi Ministério Finanças ne’ebe iha livro iha ne’e.Iha mos Decreto Lei do Governo, livro ne’e simu husi MF hakerek lian Portugues, tanba ne’e Liu-liu ba sira ne’ebe halo konta Finanças ba Pontu Vocal, Chefe Gabinete sira, atu komprende didiak livro ne’e. (Tyfa)
