Manufahi- Ministro Agríkultura e Pescas (MAP) Pedro dos Reis akompanña husi Secretario Estado Pescas (SEP) Elidio de Araújo Secretario Estado Koperativu (SECOP) Elizario Ferreira no membru Parlamento Komisaun G António Verdial de Sousa Gama kolleta ikan be’e midar tonelada 8 iha Fatuberliu. Ho objetivu atu sai hanesan pratika diak ba akikultor sira hodi hakiak nafatin ikan atu hamenus mal nutrisaun no hasa’e rendimentu uma kain

Atividade kolleta ikan ida ne’e ba dala rua ninian, no ita dezenvolve diak liu tan kolan ikan ne’e ohin loron ita mai koolleta tan  tonelada 8 iha fatin ida ne’e. Politika Ministeério nian maka ne’e primeiro ita agradese ba komumnidade no Autoridade Lokal sira iha ne’e, ne’ebe maka bele entrega ona rai 20 hektares ba Governo liu husi MAP atu hala’o atividade refere. Katak Ministro MAP Pedro dos Reis hafoin remta Kolleta ikan iha loron Terça (25/10/22) iha Suku Clacuc Posto Administrativu Fatuberliu

Nia hatutan, atividade ne’e MAP liu husi Dirasaun Jeral Peskas lao ho orsamentu ne’ebe ituan ita dezenvolve neneik neneik foin maka uza hektares lima, no politika Governu nian hakarak ga lakoi sei halo fatin ne’e sai diak liu tan, nune’e bele sai hanesan ekoturizmu. Fatin ida ne’e laos ema hakiak ikan de’it, maibe rai bokur ida ne’e ita bele halo diversifikasaun iha mos produsaun hahan ikan hahan fahi no hahan manu ninian, tanba se ita produs ona iha ita nia rai laran entaun material prima numeru a’as ne’e maka batar fore keli foremnugu, lantoro tahan gamal tahan, sira ne’e hotu ita halo formulasaun para sai hanesan pellet ou hahan ba animal sira nian

Iha fatin hanesan Hanesan Secretario Estadu Pescas Elidio de Araújo hatutan katak, Ikan ne’ebe maka mai ne’e Ikan Monosek no Ikan non Monosek ne’e kuandu tau hamutuk iha kolan ida Ne’e ikan barak demais tuir tekniku sira hateten katak iha kolan be’e ne’e 150mill kabesas ne’ebe maka tama hotu iha kollan ida ne’e, konserteza ke oxigenio ba sira la to’o sira tenki mate.Ida mos be’e ne’ebe maka tama mai ne’e tuir tekniku sira hatete katak be’e ne’e matak ona entaun be’e ne’e maka halo sira bulelu hodi halo ikan sira mate

Nia informa, Governo liu husi Ministério Agrikultura E Peskas liu husi Dirasaun Jeral Pescas planu hela oinsa maka dezenvolve hotu rai sira ne’ebe maka ita nia komunidade sira oferese, ita labele halo buat ida dala ida de’it, tanba tuir kbi’it ne’ebe maka Ministério Agríkultura e Pescas fob a iha Dirasaun Jeral Pescas ho orsamentu ne’ebe maka nato’on entaun esidauk belev dezenvolve dala ida, maibe ituan ituan maibe bebeik espera katak governu tuir mai sei dezenvolve hotu rai ne’ebe maka komunidade sira oferese

Nune’e mos Diretór Jeral das Pescas Acacio Guterres haktuir tan katak, rai ne’e entrega iha 2016 2017 atividade refere lao kedas orsamentu ne’ebe gasta hahu iha tinan 2017 mai to agora ne’e mais ou menus 400 miil nune’e, orsamentu ne’e Governu nian ne’ebe maka apoiu ba ita nia tekniku sira operador escavador sira husi Ministério nian, iha kompanña balu ne’ebe maka envolve iha laran konaba hadia dalan hirak ne’e

Nia esplika, ida ne’e patrimonio estadu ita halo rekrutamentu mos ba komunidade balu hodi halo servisu iha fatin ida ne’e, tanba ida ne’e patrimoniu estadu entaun funsionariu MAP balu permanente no balun kontratadu ne’ebe maka destaka iha ne’e, sira hamutuk nain ne’en no iha Fatukahi maka nain rua. Iha tinan 2020 ita hahu kolleta iha momentu ne’eba ita konsege hatama reseitas 900 dolares. Agora dadauk ita kolleta ona, tanba rai manas demais bele halo ikan mate. Ikan kuandu ita hakiak nia tempu maka fulan ha’at ou fulan lima ita bele halo ona kolleta

Entretantu Deputadu Komisaun G ne’ebe tarata ba assunto Educasaun no Juventude Desporto Cultura e Cidadania António Verdial de Sousa Gama hateten katak,  nia prezensa iha atividade ne’e nu’udar mos deputadu atu observa ba atividade ne’ebe maka MAP halo ne’e hanesan atividade ne’ebe maka pertinente tebes tanba ne’e nu’udar deputadu husu ba MAP atu servisu diak hodi halo kooperasaun no kolaborasaun entre entidades governamentais espesialmente Ministério Educasaun Juventude e Desporto ciencia e kultura ho objetivu ida hanoin ida klaru katak oinsa atu fornese aihan espesialmente ikan ne’e ba iha eskola hotu hotu ho objetivu atu tarata asunto mall nutrisaun

Nia akresenta, hanesan ita hotu hatene katak iha teritoriu Timora laran tomak espesialmente ba estudante sira ne’be hala’o hela sira nia estudu iha eskola baziku central no eskola tekniku vocacional ho eskola secundaria jeral sira presiza tebes atu hetan merenda escolar ida ne’ebe dignu. Ne’e duni atividade ohin loron ne’e atividade ida ne’ebe pertinente tebes, hanesan deputadu hakarak sujere fo hanoin ba Governu hodi fo solusaun ba Governu oinsa MAP bele servisu hamutuk ho Ministério rua ne’ebe maka tarata asunto edukasaun iha RDTL ida ne’e (Tyfa)

VISITA IHA KANAL YOUTUBE (MAP-NEWS)

https://www.youtube.com/watch?v=EYNw4q_nXPU