DNPE-TOMAK Halo Teste Adaptasaun ba Fore-rai no Haré 

Estrela inativaEstrela inativaEstrela inativaEstrela inativaEstrela inativa
 

 Fotografia/Eby Magno/INFO-MAP

Manufahi-Ministério Agríkultura e Pescas (MAP) Liu Hosi Diresaun Nasional Peskiza Estatistica (DNPE) Servisu hamutuk ho Ajensia To'os ba Moris Diak (Tomak) hamutuk ho peskizador sira iha Centru Peskiza Betano halo teste ba ai-han oin rua mak hanesan  Fore-rai No Haré Natar . Atividade ne’e hala’o iha loron kinta-feira (11/08/22) iha centru peskiza Betano.

Iha Entrevista Diretór DNPE Deolindo de Oliveira esplika katak, iha Diresaun Nasional Peskiza halo atividade peskiza iha parte costa sul kobre iha fatin tolu maka hanesan Viqueque, Manufahi, Ainaro no Suai. Sira mos iha kooperasaun iha area Peskiza ne'e ho parseiro rua maka hanesan Tomak ho Ai-Com maka promove nafatin atividade peskiza ne’e.

Nia hatutan, Variedade sanulu resin rua ne'ebe ita lansa ne'e maka hanesan foremungu, fore rai, koto, aifarina, fehuk midar no mos hare, iha variedade sanulu resin sia ne'ebe ita lansa ona, no ida agora daudaun koko ne'e variedade hare impare ne'e ita introdus husi Indonésia mai atu ita halo adaptasaun, Fore-rai iha variedade ida ita bolu ipomea ne'e lori mai atu ita  koko ninia adaptasaun iha ne'e.

“Ohin loron (rad) kinta feira, ita ho agrikultór sira mai iha ne'e  hodi koko sabór no iha indentifikasaun agrikultór quaze ruanulu resin maka deside katak, fos haré ne'e ita tein nia sabor ne'e diak tebes, no mos fore-rai ne'e agrikultór sira maka deside númeru ne'ebe maka as ne'e maka ita halo peskiza kontinua atu nune'e tinan ida ou rua hanesan ne'e ita bele lansa ona ba iha komunidade nia leet, agora daudaun ita teste adaptasaun ne'e ambiental ba iha fini nian no mos ita hare ba nia produtividade, ohin ita teste no koko ona oinsa maka sabor husi rekomendasaun ne'ebe agrikultor sira deside ne'e ita bele kontinua dezenvolve area sira ne'ebe maka ohin ita rekomenda ne'e atu bele lansa ona ba iha komunidade sira.” Tenik Deolindo

Iha fatin hanesan Teknika Ajensia Tomak Jose Barros Informa katak, hanesan parseiro dezenvolvimentu to'os ba moris diak (Tomak) hetan finanseiro husi Governo Austrália durasaun tinan sanulu, remata ona tinan lima dahuluk ninian agora preparasaun hela ba tinan lima daruak ninian, iha tinan lima dahuluk fokus ba mal nutrisaun, segundu maka fokus ba dezenvolvimentu sistema merkadu oinsa relasaun ho peskiza ida ne'e no ita hatene katak, wainhira atu hasae produsaun ne'e la ses hosi disponibilidade no qualidade fini ne'ebe maka diak.

Fotografia/Eby Magno/INFO-MAP

Nia akresenta, iha tinan hirak liu ba ita uza hela fini balun mai hosi Indonésia tanba demanda merkadu no mos preferensia to'os sira nian ba hare mean, fore-rai no mos foremungu maibe buat ne'ebe maka ohin ita koko ona iha komunidade nia let ne'e konsidera hanesan fini komunidade tanba ita hatene rezultadu diak iha kampu, komunidade sira iha preferensia atu han no mos komsumidor sira iha merkadu hakarak atu sosa.

Nune'e mos peskizador Marcos Correia Vidal relata, Mekanizmo kona-ba ba teste adaptasaun ba ai-horis oin rua hanesan ai-horis fore-rai no mos hare natar kona-ba ba fore-rai iha oin sanulu resin haat iha sanulu resin tolu ne'e fore-rai ne'ebe maka lokál ita nian inklui variedade ida ne'ebe maka lansa ona husi MAP rasik maka variedade utumoa sai hanesan kontrol envolvel mos variedade lokal oin sanulu resin tolu ne'ebe kobre Munispiu hirak ne'ebe maka sira foti hanesan Ermera, Baucau, manufahi, Viqueque no mos Ainaro.

“Tanba ne’e, Ai-horis forerai ita foin koko parte primeiru nian no planu ba oin ita sei koko kontinuasaun tan hodi hare ninia produsaun foun hanesan ipomea ne'ebe tama atu ita hetan ninia produsaun no nia bele adapta diak ba iha klima no rai ne'ebe iha. Bazeia ba rezultadu produsaun hosi enviromento no tinan barak ne'ebe ita koko sira nia produsaun diak ita sei halo rekomendasaun, no planu katak, ita bele lansa variedade sira ne'e tanba merese ita atu lansa hodi hetan produsaun diak no mos teste sabor diak.” katak nia

Nune’e mós estudante Institutu Politecnico Betano Lorenso Barros Fernandes  sente orgulho tebes tanba bele hetan buat foun balun husi teste fore-rai no haré natar tuir buat ne'ebe maka ohin sira teste no peskizador sira atu hili no rekomenda fore-rai ne'ebe maka diak no sabor musan bokar atu nune'e bele aplika ou fo ba ita nia komunidade sira kuda no mos hanesan haré teste hodi hatene ida ne'ebe maka kualidade atu nune'e ita bele implementa ou kuda iha agrikultór sira nia to'os, no ba futuru ita presiza kontinua duni implementa buat ne'ebe maka ita halo teste atu nune'e bele habarak ita nia fini atu no mos la bele importa ai-han sira ne'e mai hosi rai liur deit, ita mos buka meios oinsa atu ita mos bele exporta sai mos ita nia produsaun ba rai liur.

Iha atividade peskiza fore-rai no hare natar ne’e hetan partisipa hosi estudante Institutu Politecnico Betano (IPB) Institutu Boaventura De Timor-Leste no peskizador sira iha centru, depois remata peskiza ne’e  Diretór DNPE hamutuk ho peskizador sira vizita mos to’os ne’ebe maka kuda foremungu. Eby Magno

VISITA IHA  KANAL YOUTUBE (MAP-NEWS)

https://www.youtube.com/watch?v=7zCFtH6SxkE

 

 

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login