Notisia

MAP, Kompaiña Longping High-Tech-Xina fó Treinamentu ba Funsionariu Tékniku Iha Munisípiu Manatuto

Estrela inativaEstrela inativaEstrela inativaEstrela inativaEstrela inativa
 

 Fotografia/Rozer/INFO-MAP

Manatuto-Ministériu Agríkultura no Peskas (MAP) liu husi Diresaun Nasionál Formasaun Tékniku Agríkola (DNFTA) servisu hamutuk ho Kompaiña Longping High-Tech-Xina fó treinamentu ba funsionariu tékiniku extensionista no grupo agrikultór sira hamutuk 50 kompostu husi Mane 37 no Feto 13 ,  kona-ba kultivasaun modo uza teknolojia modernu nune’e  atu bele hasa’e produsaun agríkola ho kuntidade no kualidade. Atividade ne’e hala’o iha loron kinta-feira 04/08 iha salaun kompaiña Longping High-Tech-Xina Manatuto.

Tuir Diretor Jerál Cooperasaun Desenvolvimentu Institusionál (CDI), César José da Cruz iha nia intervista hatete katak, ohin ita halo abertura ba treinamentu ne’ebe maka hala’o hamutuk ho governu Xina no Embaixada Xina iha Timor-Leste liu husi kompaiña Longping High-Tech hodi hare servisu atividades liu-liu pratika  oinsa maka kuda modo uza teknolojia ne’ebe mak modernu, atu bele  fo benefisiu ba povu agrikultóres sira.

Nia informa, Kandidatu sira ne’e mai husi Munisípiu hotu-hotu mai tuir treinamentu refere iha Manatuto, supervison maka Diretor Manatuto rasik, marka mos prezensa husi Embaixada Xina ohin bele halo abertura ba treinamentu ida ne’e.Treinamentu ne’e sei hala’o durante semana tolu liu husi virtual online  Zoom, maibe iha mos teoria balu mos sei fo sai husi ita nia instrutor sira husi Longping no husi MAP rasik.

‘‘Lori MAP nia naran hakarak agradese ba governu Xina no Embaixada Xina iha Timor-Leste, kooperasaaun ne’e laos foin hahu maibe hahu kleur tiha ona komesa uluk kedas, maibe agora ita foku liu ba ekonomia tanba ita hatene katak  Timor-Leste ekonomikamente sei fraku tanba ne’e maka ita presija buat ne’ebe maka bele fo apoiu, liu-liu iha produsaun sira hanesan; Agríkultura, Floresta, Pekuária, Hortikultura agora ida ne’e maka ita propoin hela.” tenik César

Nia akresenta, Treinamentu ne’e remata partisipante hirak ne’e sei fila ba sira nia fatin, iha ne’eba maka sira sei organiza malu nafatin oinsa maka sira bele haklaken tan ba komunidade no fo hanoin ba komunidade katak ida ne’e maka teknolojia foun ne’ebe mak iha, pasu ba pasu bele hadia diak liutan ekonomia iha rai laran.

Fotografia/Rozer/INFO-MAP

Iha fatin hanesan Counselor embaixada Xina Mr. Li  hatutan,  Kooperasaun governu Xina ho governu Timor-Leste ne’e hanesan oportunidade diak atu ajuda MAP nomos atu hare liu-liu kona-ba oinsa maka atu hametin liu tan ekonomia. Tanba ne’e maka Xina fo asistensia laos iha parte agríkultura deit maibe Xina mos hakarak ajuda Timor iha Parte seluk-seluk mos.

“Agríkultura nu’udar parte importante ida husi ekonomia Timo-Leste nian. Ba tempu naruk governu Xina mós preokupa no apoiu desenvolvimentu agrikultura iha Timor-Leste, no kontinua hakle’an liutan kooperasaun entre Xina ho Timor-Leste iha indústria agríkultura liu husi projetu kooperasaun bilaterál hanesan hare no batar, liu-liu formasaun rekursu humanu, ne’ebé bele hasa’e dezenvolvimentu sustentavel agrikultura iha Timor-Leste’’.katak Mr. Li 

Nune’e mos partisipante Salvador Fernandes hateten katak, ohin loron primeiru halo abertura ba seremonia treinamentu kona-ba Curse on Vegetable Cultivation Tecnologi tuir orariu ne’ebe iha atividade treinamentu ne’e hala’o durante loron 21 hahu iha loron 4-24 Agostu  formasaun ida ne’e kompaiña Longping High-Tec-Xina maka sei fo treinamentu no espesifiku liu ba iha area hortikultura modo no aifuan no utiliza teknoljia modernu hanesan makina, trator no seluk-seluk tan.

Nia relata, atividade treinamentu ne’e fundu mai husi Ministériu Komérsiu husi Repúblika populár -Xina koopera hamutuk ho MAP liu husi Diresaun Nasionál Formasaun Tékniku Agríkola (DNFTA) maka organiza hamutuk ho kompaiña Longping High-Tec-Xina maka fasilita hanesan implementador ba iha atividade treinamentu ne’e no kontribui ka suporta atributu uniforme ba partisipante sira.(Rozer Ximenes Lopes)

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login