Notisia

SAPIP Hamutuk Ho Banco Mundial Vizita Grupu Benefisiario

Estrela inativaEstrela inativaEstrela inativaEstrela inativaEstrela inativa
 
Fotografia/Elsio Jong/INFO-MAP
Ainaro- Ministério Agríkultura e Peskas (MAP) liu hosi Projeito Hasa’e Produtividade Agríkultura Sustentavel (HAPAS) hamutuk hoBanku Mundial hala’o vizita cortezia ba grupu Benefisiario sira ne’ebe maka hetan ona apoiu orsamentu husi Fundus Ki’ik hosi projeitu SAPIP nian.
 
Objetivu husi vizita ne’e, atu bele haree diretamente progresu atividade ne’ebé maka grupu benefisiariu sira halo ona durante ne’e, atividade ne’ebe grupu benefisiario sira halo maka hanesan iha area, Pecuaria, Pescas, Agrikultura no Hortikultura no mós Floresta. Atividade ne’e Hala’o iha loron Sexta (10/12/21) iha Munisipio Ainaro.
 
Iha entrevista ho Diretora ba Projetu Hapas Ervina Soares Pinto, esplika katak, atividade ne’e ekipa husi SAPIP hamutuk ho reprezentante banku mundial nian iha Timor Leste, mai vizita grupu benefisiario sira hodi haree progressu implementasaun atividade ne’ebé mak apoiu hosi banku mundial.
 Fotografia/Elsio Jong/INFO-MAP
Iha fatin hanesan, Reprezentante Banku Mundial iha Timor Leste Bernard Harborne kontenti hodi visita Munisipiu Ainaro tanba fatin ne’e furak los, total orsamentu ne’ebe mak apoiu atividade ne’e hamutuk $21 Miloens ba SAPIP hodi apoiu grupu benifisiariu sira kobre iha area, Pekuaria, Peskas Agrikultura no Hortikultura inklui Floresta.
 
“Hau nia observasaun ba iha grupu benefisiariu sira iha munisipio Ainaro nia implementasaun ba projetu ne’e lao diak tebes, kompara ho Dili ha’u mós hakarak husu ba agrikultór sira atu kontinua hala’o atividade ne’e ba oin hodi nune’e bele muda sira nia moris.” Tenik Bernard
 
Nune’e mós Xefe grupu Haburas Oan Kiak Narus, Mauzinho da Costa iha Suku Cassa hato’o agradese barak ba iha projeito HAPAS ne’e tanba liu hosi apoiu ne’ebé mak iha bele ajuda ona sira nia ekonomia uma laran.
Suku hirak ne’ebe ekipa Banku mundial hamtuk ho Ministériu vizita maka hanesan, Suku Cassa, Mau-nuno nomos Suku Soro, atividade grupu benefisiariu sira ne’e hatudu duni nia progresu ne’ebe diak.

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login