Notisia

DNI Ho Ajensia JICA Hala’o Enkontru Hodi Hare Konaba Irrigasaun

Estrela inativaEstrela inativaEstrela inativaEstrela inativaEstrela inativa
 
Fotografia/Elsio Jong/INFO-MAP
Dili-Ministériu Agríkultura e Peskas (MAP) liu husi Dirasaun Nasionál Irrigasaun (DNI) hala’o primeiru enkontru ho parseiru JICA, hodi hare konaba eskema irrigasaun Maliana 1 no mos eskema irrigasaun Bluto Laleia hodi hare atividade saida maka agikultór sira sei halo iha futuru mai.
 
 
Iha entrevista Diretór Nasionál Irrigasaun Martinho Laurentino Soares hateten katak, Governu Japaun liu husi ajensia JICA fo apoiu osan hodi hadia ita nia irrigasaun lobuk ida iha Timor Leste, liu-liu iha irrigasaun Buluto Laleia no mos Maliana 1 ne'ebe oras ne'e dadauk Governu Japaun liu husi ajensia JICA nafatin fo apaoiu hodi halo aktividade sira iha area agríkultura nian hodi bele hasa’e produsaun. Enkontru ne’e hala’o iha loron rua nia laran hahú husi 12-13/10 iha Salaun MAP Comoro.
 
Nia esplika, ajensia JICA mos haruka tan Sr.Kazufumi Taira mai hodi konsentra ba komponente rua maka hanesan, iha projeto produsaun hare lokal, no iha mos ligasaun ba irrigasaun nian, ne’e duni grupu Agrikultór sira mos reativa fali, no grupu asosiasaun agrikultores ne'ebe iha dever atu apaoiu no kontribui ba manutensaun no eskema irrigasaun ne'e atu nune'e bee bele nafatin sustenta iha natar sira, liu-liu iha irrigasaun rua ne'e, atu nune’e produsaun hare bele lao nafatin.
 
Nia informa, Partisipantes sira iha enkntru ne’e mai husi Munisipiu tolu (3) hanesan Munisipiu Bobonaro husi Irrigasaun Maliana 1 no mos Irrigasaun Bluto kobre ba iha Munisipiu rua hanesan Baucau no mos Manatutu. Ita hein katak ho enkontru sira hanesan ne'e atu fo hanoin malu oinsa MAP ho ajensia JICA atu kopera daik nafatin hodia reativa asosiasaun uza bee, atu ita nia komunidade sira bele uza bee ho konsiensia hodi bele kontribui ona ba manutensaun.
 
“Hanesan ita hatene katak, Durante ne'e iha Maliana Agrikultor sira halo natar iha primeiru epoka de’it, ba segundu epoka sira labele kontinua halo natar, tanba bee la to’o, tanba ne’e ba segundo epoka sira kontinua sira produs modo hanesan; tomate, koto, batar, ne'e duni ita hakarak buat sira ajensia JICA fo apoiu ne'e ba oin ita nia irrigasaun iha fatin seluk sira mos bele adopta sistema atu bele hadia ekonomia ho diak.” Tenik Diretór DNI
 
Iha fatin hanesan chefe Advisor Parseiru JICA Kamidohzono Akira hateten katak, enkontru ne'e hanesan enkontru primeiru ba iha parte irrigasaun nian, hodi hare ba iha area projeto eskema irrigasaun Maliana 1 no eskema irrigasaun Buluto Laleia.
Enkontru ne’e mos atu diskuti konaba atividade saida maka sei halo iha futuru.
 Fotografia/Elsio Jong/INFO-MAP
Nia haktuir, iha tina ualu 8 liu ba ami halo levantamento ba irrigasaun tomak iha Timor laran, no bazeia ba rezultadu peskiza ne'e ami hili eskema irrigasaun foun rua, liu husi ami nia projeto ne'e ami atu melhora kadeia de valor husi fos rai ne'e husi produsaun, kolleta, pos kolleta ba to'o iha prosezamento no merkadoria, atu hase produsaun hare ne'e iha parte irrigasaunninian mais importante, tamba ne'e mak ami hakarak hasa’e no funsionamento irrigasaun.
 
“Ami mos fo apoiu sira hanesan; fo formasaun, material, no ekipamentus ne'ebe mak nesesario. Apoiu sira ne'e ami fo atraves ami nia parseiru sira iha area projeto iha Maliana 1 no Bluto. Ami laos autor prinsipal maibe ami apoiu Agrikultór sira deit no Agrikultór sira mak sai autór prinsipal, Ami apoiu formasaun no kapasitasaun ba iha official Irrigasaun sira no alende ne'e ami mos fo apoiu ba funsionariu MAP nian konaba oinsa mak atu kria plano estratezia, inisiu projeto ne'e hahu ami halo dialogo ho Agrikultór ne'e hodi identifika problema sira ne'ebe mak infrenta husi ita nia Agrikultór sira iha terenu rasik.” Kamidohzono Akira
 
Nune’e mos staff irigasaun Munisipiu Baucau Martinho Ximenes hanesan mos partisipante iha enkontru ne’e hateten katak, enkontru ne’e importante tebes tanba bele hanorin oinsa uza bee ho konsiensia rasik.
 
Maibe bee ne'ebe utiliza ne’e ba primeiru epoka de’it ba segundu epoka nian mak menus tebes iha tempo bai-loron maibe la signifika katak bee menus nee ita la bele halo maibe ita bele halo besik iha fatin ne'ebe mak bee iha.
 
Nia mos husu atu enkontru ida ne'e la bele para deit ho ida ne'e, tenki iha nia kontinuasaun ba oin nafatin, atu oinsa bele estabelese asosiasaun uza bee ninian ne'e importante tamba ita bele paupa bee atu ita uja ba iha hektares ida hetan litru hira ne'e para ita fo formasaun ita nia Agrikultor sira para oinsa uza bee ho diak para ema seluk mos bele hetan fali bee, ne'e duni husi ita nia parseiru JICA ho nia inisiativa hodi halo irrigasaun ne'ebe iha no ita bele hetan fali bee ne'ebe ho sufisente.

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login