Notisia

MAP Koileta Boek iha Municipio Liquica

Estrela inativaEstrela inativaEstrela inativaEstrela inativaEstrela inativa
 

Loes - Ministeriu Agrikultura no Peskas liu husi diresaun jeral peskas koilleta Boek iha Suco Batuboro Posto Administrativu Maubara Munisipiu Liquisa, iha loron Sexta-feira, 14/01/2016.

Primeiru Ministru Rui Maria de Araujo iha nia diskursu hateten katakGovernu Republica Popular China sai hanesan parseiru importante ba Guvernu Timor-leste tanba iha esforsu diversifikasaun ekonomika ne’ebé ita halo dadaun ona sai hanesan exemplu konkretu mak investimentu, ne’e laos investimentu kiik oan ida neduni presija vontade politika no kapasidade teknika e finanseira atu dudu ba oin.

“Tuir hau hatene oras ne’e dadauk China investe ona por volta 1 miliaun dolares Amerikanu ne’e hatudu katak laos empreza kualker ida mak lori 1 miliaun dolares mai kuda iha fatin ne’e”.

Primeiru Ministru mos hatutan, Tanba ne’e ita hanesan Timor oan tenki assumi responsabilidade katak investimentu sira hanesan ne’e mak sei dudu prosesu desenvolvimentu ekonomika no sei ajuda diversifika ekonomia hanesan loke kampu trabalhu no rekolha impostu atu finansia ita nia ekonomia ba komunidade Timor oan tomak”hateten Rui.

Iha fatin hanesan Ministru Agrikultura no Peskas Estanislau Aleixo da Silva esplika katak, bainhira itaiha kooperasaun diak ba ema sira ne’ebé lori sira nia matenek no osan mai halo investementu iha ne’e ita mos presija atu konsiensia no servisu ne’ebe diak.

“ita konsege hetan rejultadu ne’ebé diak iha primeira koilleta, boek ne’e bele dehan katak boek hanesan komersial ninian no laos remata ho ida ne’e maibe sei iha servisu barak ne’ebe ke sei lao ba oin.” Realsa Ministru MAP.

Entretantu Diretór Jeral Pescas Acacio Guterres sublinha tan katak, oinsa mak realija hakiak boek iha fatin ida ne’eno tanki ida ne’e uluk Indonesia nia tempu iha ona, Administrador Municipiu Liquica sira tenta atu estabelese tanki ne’e no altura ne’eba tau duni boek maibe iha 1999 la konsege halo koilleta.

Neduni Tanki ne’e ohin loron bele estabelese fila-fali tamba servisu hamutuk ho empresa publika husi China ho naran Longping high teck ne’ebé iha kapasidade ba funsiona fatin ne’e.

Hakiak boek ne’e hanesan inisiu teste ida no koko atu adapta iha ita nia rain Timor leste tanbaboek ne’e mai husi nasaun Amerika latina . Boek ne’e husik ba tanki iha loron 30 Setembru tinan 2015no iha iha fulan janeiru 2017 ita halo primeira koilleta rejultadu hatudu diak.

Acacio Guteres hatutan tan, lakleur ita sei ense hotu tan tanki hirak ne’e para halo produsaun bo’ot liu para bele hetan rejultadu diak alende ita konsumu iha rai laran bele mos halo exportasaun ba rai liur.

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login