«

»

May 03

Gestaun Utilizasaun Pestisida

Diresaun Nasional Agrikultura e Hortikultura liu husi Departementu Protesaun da Plantas realiza treinamentu konaba gestaun utilizasaun pestisida ba extensionista husi distritu 12 durante loron 3 komesa husi 14-16/12/10 iha salaun treinamentu Dom Bosco Comoro.
Treinamentu ne’e loke ofisialmente husi Directur Geral Interino Sr. Ipólito da Costa. Treinamentu ne’e ho objetivo atu fo kuñesementu ba agrikultores sira oinsa ulitiza pestisida iha area agrikultura iha tereno liu husi funsionario tekniku MAP.
Director jeral interino hateten katak, formasaun ne’e importante tamba treinador mai husi Charles Darwin University Australia ne’eduni diresaun nasional agrikultura e Hortikultura organiza treinamentu durante loron tolu atu extensionista husi distritu 12 inklui profesor husi Escola Tekniku Agricola oinsa atu kuñese no hatene klean liu oinsa mak uza pestisida iha tereno.
Materia treinamnetu hanesan teoria no mós praktek iha kampu durante loron tolu atu nune’e bele hatene wainhira uza pestesida iha to’os ka natar.
Xefe Departamentu Protesaun da Plantas Americo Alves Brito hateten, iha nasaun ne’e ita sei depende ba pestisida ne’eduni ohin ami konvida kolega sira atu bele partisispa iha treinamentu ne’e no ba oin bele reduz pestisida kimika ne’ebe durante ne’e ita uza I oinsa bele utiliza diak atu nune’e labele fo impaktu ba ekositema agrikultura nian.
Programa Treinamentu ne’e implementa hetan apoiu financeiro husi Ausaid ne’ebe servisu hamutuk Charles Darwin University.