«

»

May 02

MAP / SOL Distrito Baucau Distribui Hare fini Variedade Nakroma ba MAP Distrito 12 ba segundu Epoca

Servisu hamutuk ho Dirasaun Nasional Agrikultura e Hortikultura no Dirasaun Nasional Pesquisa Servisu Espesialisadus (DNPSE), foin lalais ne’e distribui ona hare fini Variedade Nakroma ba diresaun servisu agrikultura distritu 12, hodi atende Agrikultór sira hodi ba kuda hare iha segundu epoka. Distrito sira ne’ebé mak simu ona hare fini mak hanesan tuir mai ne,e.
No Data Distribuisaun MAP
Distrito Total Fini Husi
Armazen SOL
1 26-03-2012 Liquica 500 Baucau
2 27-03-2012 Manatuto 1. 000 Baucau
3 27-03-2012 Baucau 2.000 Baucau
4 28-03-2012 Lautem 1. 000 Baucau
5 29-03-2012 Viqueque 3. 000 Baucau
6 29-03-2012 Ermera 500 Baucau
7 9-04-2012 Dili 1. 000 Baucau
8 3-04-2012 Aileu 1. 000 Baucau
9 4-04-2012 Covalima 2. 000 Baucau
10 3-04-2012 Manufahi 1. 000 Baucau
11 Oecusi 1. 000 Oecusi
12 Bobonaru 1. 000 Bobonaru
13 Ainaru 0
Total 15.000
Basilio da Silva Pires nu’udar responsavel ba Official Habarak Fini SOL Distrito Baucau hateten katak , fini ne’ebé prepara ne’e suporta husi governu Australia ne’ebé servisu hamutuk entre Ministeriu Agrikultura e Peskas ho SOL ka programa fini ba moris
Basilio realsa katak nia servisu hamutuk ho seeds of life hahu tinan 2005 to agora senti kontente tanba progama ne’e diak no liu – liu bele ajuda toos ka natar na’in sira atu bele produs rasik fini iha sira nia fatin.
husi parte Extensionista sira apoiu agrikultór hodi habarak fini rasik no habelar fali fini hare variedade nakroma ne’e maluk agrikultór sira seluk ne’ebé maka seidauk hetan fini ferere.
Objetivu distribui fini ne’e laos atu hapara fini importasaun mai husi rai liur maibé parte Seeds of Life (SOL) so hamenus de’it fini importasaun balun.
Basilio hatutan tan katak , Fini ne,ebe ami husi MAP/ SOL distribui ona hanesan hare nakroma ne’e ami halo peskisa no koko hamutuk ho variedade seluk hare nakroma sempre fó produsaun ás no bele tahan moras no bailoron ka udan ben menus.
iha tinan 2012 ami kontinua habarak fini hare 10 ha ,ne’ebe kobre Baucau laran tomak inklui iha Sub distrito Laga,Baucau Vila ho Venilale, nomos ba Batar ho forerai (Utamua) ho ida nee mos prepara nafatin fini ba tinan 2013
agora dadaun fini iha Armazen Baucau kontinua aumenta fali ona tanba sira komesa prepara fini batar sele tama fali ona iha armazen no iha armazen laran mos kompletu ho makina kona ba makina hodi hamos fini,makina hodi habai fini iha tempu udan,makina pres plastic fini ,Silo hodi rai fini.
Wainhira ita presisa fini diak no kualidade diak presija servisu hamutuk natar nain ou toos nain , atu nune’e ita mós bele hetan fini ne’ebe mak diak antes atu lori fini ba armezen primeru ita sei halo espesaun ikus depois mak bele lori ba armazen .
husi responsavel seeds of life iha sentral atu halo espesaun ba batar fini , forerai ho hare nebe foin kuda, depois espesaun hotu mak atu desidi bele uza fini ga lae , entau bain hira desidi hotu maka atu bele lori fini ba iha armazen . fini tama iha armazen maka presija testu kadar air ( koko be % iha Fini ) depios ita habai no mamos maka ita organiza rai iha silo laran to tempu kuda fali.hatutan Basilio da Silva Pires iha distritu Baucau.@@