«

»

Apr 30

Seremonia Tomada de Posse ba DN, DDistritu No CD ba nivel nasional no distritrital

Ministru Agrikultura e Peskas, Mariano “Assanami” Sabino hamutuk ho Prezidente Komisaun Funsaun Publiku, Liborio Pereira fo Tomada de Posse ba funsionariu sira ho kargu nudar Direktor Geral, Inspektor Geral, Direktor Nasional, Direktor Distritu no xefi Departamentu hamutuk 125 pessoas iha loron Quinta 16 / 06 / 2011 iha edifisiu MAP Comoro.

Prezidente Funsaun Públika Liborio Perreira , tomade de pose tuir estatutu Funsaun Públika hanesan aktu ida ne’ebé funsionário ida iha administarasaun públika foti hodi promete nia an ba argaun tomak ne’ebé administrasaun públika fó nia partikularmente iha ministerio agrikultura laiha ema ida atu politisa fali maibe so ema matenek iha seitor agrikultura maka bele assume kargu nudar direktor no xefi departamentu sira hotu iha ministerio ida ne’e.

Prezidenti Funsaun Públika mos informa liu tan, Ba sira ne’ebe simu ona tomada de pose ne’e liu husi prosesu ida laos ema foun iha ministériu ida ne’e , ema sira ne’ebé mak hala’o ona nia serbisu iha tinan barak katak iha desijaun hateten momos katak extensaun da kargu ba funsaun servisu kontinua ho fiar profesional nian atu servisu tomak ne’ebé maka guvernu programa ona atu hala’o iha ministeriu agrikultura bele lao tuir duni prinsipiu profesionalismu, prinsípiu atu manan interese públiku, interese nasaun nian diak ba ita nia povu.

Ministru MAP Mariano “Assanami” Sabino esplika, ohin ita simu pose iha tinan rua nia laran ne’e lakleur deit hotu tiha ona ida ne’e laos sai problema ida ba ita, maibe sai problema mak saida mak ita sei halo oiha ita nian funsaun ne’e atu nune’e bele dezenpeña lolos ba ita nia servisu.

Atu hatudu katak iha ita nia istoria ministeriau nian katak ita pernah kaer funsaun ida hanesan direktur jeral ka nasional importante funsaun hirak ne’e mak tenke moris tanba funsaun sira ne’e iha siknifika, funsaun sira ne’e iha duni valor ba povu agrikultur sira bainhira ema ida-idak kaer funsaun ne’e hamoris e halo funsaun ne’e lao.

Ministru mos husu ba direktur no xefi departamentu hotu katak imi hotu mak sei fo orguillu iha ministeriu ida ne’e, nudar funsionariu públiku ne’ebé maka servisu iha instituisaun ministerio agrikutlura e peskas atu servi povu kiak no mukit sira neduni ita hotu-hotu tenki fó ita nia tempu ho responsabilidade ne’e hanesan todan ida ba imi nia kabas katak fó imi nia tempu atu servisu ministeriu ne’e.

Wainhira simu Tomada de Posse ba dala uluk Galliene da Costa Galhos nudar Direktor Servisu Agrikultura Aileu hateen nia kontente ho fiar ne’ebé fó ona ba nia. “Ho idade 33 anos hetan ona fiar husi Ministeriu no mós Funsaun Públiku, ba oin hau sei asegura fiar ne’ebé fó ,hau sei lao tuir mandatu ka kna’ar nudar direktór nian, hau mak sei jere sai hanesan jestór ba servisu agrikultura iha Distritu Aileu”.

Direktór ne’e mós hatutan katak “Vizaun no missaun ne’ebé ami sei halao bazeia ba missaun no vizaun Ministeriu Agrikultura e Peskas , tamba ami hetan nomeasaun iha tinan klaran ona (2011), saida maka ami atu hala’o, ami sei kontinua buat ne’ebé maka direktór anterior seidauk hala’o, ba oin ami kontinua lao tuir buat ne’ebé traxa tiha ona iha Planu asaun annual ne’ebé aprova ona, hakarak ka lakohi ami tenki implementa ba to’o iha fim do ano 2011 ne’e”.

Alen de Direktór Servisu Agrikultura Aileu ne’ebé ba dala uluk simu pasta nudar Direktór Distritu iha mós Direktór balun ne’ebé simu pasta nudar Direktór Nasional ba periodu II hanesan, Calisto Varela ne’ebé ba dala rua simu Tomada de Posse nudar Direktór Nasional Pekuaria e Veterinaria, nia hateten katak “Konfiansa ne’ebé mak ita nia superior sira iha Ministeriu ne’e fó nafatin mai hau, tau fiar mai hau hodi asume kargu nudar Direktór ba Periode II nian, ida ne’e hanesan todan boot ida ne’ebé tula nafatin mai hau nia kabas, embora todan ida ne’e atu todan hanusa hau sei tane nafatin hodi hala’o dezenvolvimentu liu-liu iha area Pekuaria e Veterinaria ba futuru , fiar-an nafatin no hametin tan konfiansa ne’ebé ita hetan ba oin”. Calisto Varela hatutan katak, hare husi area pekuaria nian, sira nia vizaun maka oinsa atu promove agrikultór sira iha areas rurais hodi eleva sira nia kapasidade atu hakiak sira- nia animal no atividade loro-loron nune’e bele alkansa objektivu nasional hanesan liga liu ba iha area pekuaria hanesan konsume proteina liu-liu ba iha na’an, manu tolun, susu been, nemak Diresaun ne’e nia vizaun ba oin.

Partisipa iha seremonia ne’e maka, Ministru Agrikultura e Peskas, Secretario Estado Pekuaria, Secretario Estado Agrikultura e Arborikultura, Secretario Estado Meio Ambiente, Secretario Estado Dezastre Naturais, Presidente Komisaun Funsaun Públiku, Amo Paroquia, Ajensia Internasional no Funsionariu MAP.@@@Ekipa Info@@