«

»

Apr 30

JESTOR NUDAR MODELU SUBORDINARIO ATU BANATI

Rekursu Humanu nia serbisu mak oinsa halo jestaun ba rekursus humanus ka funsionariu sira ne’ebé hala’o knaar iha Ministeriu Agrikultura, ami halo ona prosesu ne’e afeita liu ba jestaun.

Iha 2011 halo prosesu rekrutametu ba 33 vagas (11 vagas temporario, 22 vagas permanete) prosesu ne’e sentraliza ona iha Secretariadu Komisaun da Funsaun Publika no oras ne’e prosesu ladauk hotu.

Serbisu seluk ne’ebé afeita ba Rekursus Humanu mak prosesu avaliasaun Desempeñu ne’ebé ba dala III hahu uluk iha tinan 2009 ne’ebé avalia emquadramentu ba tinan 2008 depois iha fase segundu iha 2010, 2011 tama ba III fase ne’ebé ho nia kuantidade ne’ebé la hanesan tanba momentu ne’eba vaga mamuk sei barak ne’ebé iha 2010 halo prosesu avaliasaun ba funsionario no ajente hamutuk 1.371 tantu numeru ne’e atu aumenta ou la aumenta, iha 2011 aumenta 5% husi numeru ne’ebé iha, informa Xefi departamentu Rekursus Humanu Dominggos Monis iha nia servisu fatin MAP Comoro Dili iha 15/9/2011.

Sistema rekrutametu klaru katak wainhira ita prepara termu da referensia iha ne’eba nia kriteria pakote ona, ema ne’ebé ita presija atu mai prienxe posisaun refere, nia kriteria tenke klaru, ita haree fali ba partisapasaun ka haree tuir ba gender, kandidata ne’ebé mai prienxe tuir kriteria ka lae? Ita presija ema nia matenek, ita laos presija haree deit husi ema nia generu.

Sr. Domingos esplika katak, iha susesu barak mak atinje desde Departementu ne’e hari’i iha tinan 2004 to’o abril 2009 tanba Ministerio Agrikultura e Peskas liu- tuir Lei Organico 18/2008 19 Juñu obriga membru Governu iha Ministerio ne’e atu forma estrutura hodi hala’o kna’ar iha Dirasaun ida-idak tuir mandatu ne’ebe mak iha. Portantu iha momentu ne’eba forma ona Departementu sira tuir nesesidade servisu no Departemento Rekursu Umanu nia servisu mak hala’o Jestaun no implementa lei portantu koalia konaba lei ema hotu-hotu tenke iha konxiensia diak se koalia lei ita rasik lakohi aplika no hein ema seluk mak obriga entaun ita sei la atinje objetivu ho diak. Koalia konaba failansu klaru katak iha failansu barak maibe nudar ema tanto ho kargu maibe labele esplika klaru katak nudar nasaun iha instituisaun nia regras servisu no iha orden servisu rua katak orden ida mai ho orden demokratik no orden ida fali orden administrativu katak orden ida ne’ebe mai ho iskrita atu orienta servisu ne’e ho los no orden demokratik ne’e mai kualker tempu ne’ebe nia risku nemos bot tebes katak halo no lahalo sala entaun nudar funsionario publiku iha dever atu kumpri tanba ne’e orden ne’eb’e husi superior ba ita ne’ebé suburdinario sira atu hala’o atu los ka sala ita hala’o depois mak ita haree nia konsekuensia ne’e to’o iha ne’ebé ida ne’e ema hotu nia responsabilidade.

Sr. Domingos Moniz hatutan liu tan katak, Bainhira serbisu atu lao diak fó kompetensia ba dirasaun ka instituisaun ida-idak no ba ema ida-idak atu hala’o serbisu tuir kna’ar tuir tarefas ne’ebe iha ho lian seluk dehan ita estabelese ema nia deskrisaun kna’ar nune’e ema ne’e bele hala’o serbisu ho efisiensia no efikaz se lae nunka bele hadia sistema serbisu ho sistema tenke diak entaun Jestór mak tenke hala’o servisu ho diak iha fleksibilidade ba funsionariu hotu-hotu atu servisu tuir konxiensia atu aplika saida mak sai nudar ejijensia husi jestaun no ejijensia husi sistema ka oinsa mak bele aplika lei hirak ne’ebe vigora ona iha administrasaun publika. Entaun ema hanesan jestor nia mak tenke halo bainhira funsionario atu banati jestor tenke hatudu uluk no halo uluk sai hanesan modelu atu nune’e subordinario sira bele halo tuir.@@Qel& Asala@@