«

»

Jul 26

MSS Aprezenta Lei regime kontributivo seguransa social ba MAP

Reporter:Tyfa,Elsio

Dili- Ministeriu Agrikultura e Peskas (MAP) liu husi Diresaun Rekursus Humanus konvida Ministeriu Solidariedade Sosial (MSS) liu husi Diresaun Jeral Proteção Sosial e dos Assunto dos combatentes da Libertasaun Nasional hala’o sorumutu ho Diretor Jeral no Diretor Nasional sira husi MAP nian rasik atu hare konaba Lei ne’e rasik. Sorumutu realiza foin lalais ne’e iha

IMG_8923

Salaun MAP Comoro Dili.

Tuir Diretu Jeral Proteção Sosial e dos Assunto dos Combatentes da Libertasaun Nasional, Eugénio Joao Amado de Maria Soares hateten iha nia entrvista katak, Lei regime kontributivo seguransa social ne’e lei ida ne’ebe estabelese ona ho estudu nebe’e mak klean tebes ne’ebe maka  ita hala’o durante tinan barak nia laran ona hahu iha tinan 2008 to 2016.

“Ita iha ekipa de trabalho nebe kompostu husi Ministeriu hotu-hotu ho nia ponto vokal sira ne’ebe diskuti kona ba direito no deveres ne’ebe ita atu hare kona ba siguransa social  iha ita nia  konstitusaun  artigu 56 ponto 2 estadu iha obrigasaun atu halo estabelese sistema siguransa sosial ba sidadaun hotu inklui ita nia funsionario publiku no mos seitor privado ba empresa sira ho trabalhador sira iha teritorio Timor laran tomak.” katak Eugenio

Nia sublinha, ida ne’e sei fo benefisio ba ita atu hare oinsa mak ita sei hetan ita nia pensaun iha aban bain rua quando ita atinji ona idade reforma pelo menus 60 anos ba leten ne’e ita bele hetan direito atu simu ita nia pensaun rasik.

Nia hatutan, ida ne’e mos hanesan seguransa sosial ne’ebe halo iha mundu tomak, ita iha Timor foin mak komesa ne’e duni iha  Estudu komparativu ne’ebe menus, MSS halo no mos husi parte ida Funsaun Publiku hala’o ona iha Brasil, Portugal, no mos bens CPLP inklui mos iha regiao Asia atu hare atu oinsa mak ita bele hetan formula ida nebe mak diak atu ita halo ita nia seguransa Sosial rasik.

Nia akresenta, Estudu hala’o iha 2008 ita iha 4 governo konstitusional halo ona iha kontribuisaun no kolaborasaun ideas hotu husi pontu vokal , balun husi Ministru sira tau sira nia Diretor rasik ba tuir iha grupo trabalho ne’ebe kordena husi Ministerio Sosial ne’ebe komesa iha 2008 maibe iha 2016 foin aprova iha ona promulgasaun sai ona iha jornal Republika Lei ne’e ita tenki kumpri, se ita la kumpri mos iha sansaun nebe bolu inkumprimentu atu ita bele hare ba empregador sira ne’e fo multa hira.

“Iha lei ida seguransa sosial ba seitor publiku ho seitor privado ne’e sistema uniku, sistema ne’e hatur ba seitor privado no seitor publiku no estadu mak hanesan ajente kontrolador atu hare oinsa mak lei ne’e lao, quando lei ne’e la lao mak ita iha ispesaun jeral estadu ne’ebe iha kumprimentu ispesaun do estado mak se sei hola medida hodi selu koima/multa ne’ebe atu aplika ba impreza sira ne’e.” DG Eugenio

Entretantu Diretor Rekursus Humanus Pedro Barreto hatutan tan katak, Aprezentasaun ne’e diak tebes atu hato’o informasaun mai iha Ministeriu Agrikultura e Peskas (MAP) liu-liu ba Diretor Jeral no Diretor Nasional sira hotu atu intende didiak konaba lalaok lei ne’e nian rasik, Lei ne’e  maka no 12/2016 14 de Novembro Lei ne’e konaba REGIME Lei regime kontributivo seguransa social ba Funsionariu Publiku no mos Funsionariu Emprezariu sira ne’ebe maka iha Rekursu ba sira atu bele servisu ba atu bele fo sira nia kontribuisaun ba Lei ne’e rasik.

“Aprezentasaun ne’e hanesan buat foun ida, maibe emprinsipiu hau hare diak tebes, tanba atu bele fahe mos informasaun konaba lei ne’e rasik, atu nune’e labele kria imex husi husi Funsionariu sira seluk, afinal lei ne’e diak tebes, tanba tuir Lei ne’e katak Funsionariu sira tau 4% Governu tau 6% hamutuk 10% ne’e atu prepara ba idade ne’ebe maka avansadu liu ona, karik iha mos Funsionariu ruma ne’ebe maka mate derepenti karik bele itiliza de’it osan ne’ebe maka ita kontribui tiha ona, atu Governu bele jere didiak fali atu bele fo fali kontribuisaun ba sobrevivensia ou ema sira ne’ebe maka husik hela.”informa Pedro

Tuir aprezentasaun husi MSS ne’e katak Lei ne’e sei aplika iha dia 1 de Agosto.