«

»

Jul 10

MAP, MACAE Konvoka Reuniaun Ho Organizasaun Internasional, Koalia Konaba Politika Mekanizasaun Agrikultura

Reporter: Tyfa & Elsio Jong

Dili- Ministeriu Agrikultura e Peskas (MAP) no (MCAE) hala’o reuniaun ho Organizasaun Internasional FAO hodia koalia konaba esbosu politika mekanizasaun ne’ebe maka lao iha ita nia rai laran. Reuniaun ne’e loke diretamente husi Ministru Agrikultura e peskas ,Estanislau Alexo da Silva.

Reuniaun ida ne’e Ministeriu Agrikultura e peskas ho MCAE Maka konvoka atu hare konaba oinsa maka atu hetan kontribuisaun husi ita ninia tekniku,  ajensia Internasional ,ONG Nasional balun no iha mos setor balun atu bele hare sira nia hanoin konaba oinsa maka atu halo mekanizasaun iha ita nia rai laran. Katak estanislaun Aleixo da Silva ba Jornalista sira iha loron Sexta (07/07/17) iha Hotel Timor Dili.HT2

Nia hatutan, ne’e hanesan asaun ida ne’ebe ohin loron ema hotu koalia konaba mekanizasaun agrikultura, maibe mekanizasaun laos atu halo arbiru, hanesan fahe trator ki’ik ou bo’ot, maibe mekanizasaun ne’e ita iha politika atu prepara programa hodi halo mekanizasaun ba saida de’it maka presiza.

“Ezemplu ita halo mekanmizasaun ba hare, uluk nanain ita tenki hare lai ba natar sira ne’e, kaber ona ka lae, purtantu mekanizasaun mos tenki hare mos ba irigasaun, atu atualiza ekipamentu saida no atu hahu husi ne’ebe, ita mos tenki hare ita nia formasaun ba ita nia agrikultura. atu bele hare konaba manutensaun trator portantu ida ne’e servisu ida nebe integradu” tenik Estanislau.

Ht1Estanislau informa, Meknizasaun laos iha hare de’it, ita halo mekanizasaun mos hortikultura, durante ne’e merkanizasaun lao hela, maibe sei iha problema barak tanba hatama tratores ita la iha sistema de munitorizasaun ba tratores. Tinan tinan halo konkursu no dalaruma mos konkursu sai tarde no halo manutensaun mos tarde no trator sira ne’e mos hadia la kleur a’at fali ona.

“Ohin loron ita iha tratores barak maka a’at, ami mos agora halo ona aprovizionamentu hatama tan trator balun, maibe ami sei la sosa trator barak atu destribui, se kuandu seidauk hare didiak konaba manutensaun ba tratores refere. Hare mos ba tratores ki’ik oan balun ne’ebe maka uluk ami fahe la iha kriteriu, no oinsa maka atu utiliza no halo manutensaun, entaun tratores sira ne’ebe maka fahe balun a’at ona, balun mos la iha ona Grupu refere nia liman, balun mos iha ema ida de’it nia liman tanba grupu ne’ebe maka formadu ne’e sira la tau osan hamutuk atu hadia tratores refere”Estanislau afirma.

Nia akresenta, Oras ne’e dadauk tratores bo’ot ne’ebe diak hodi utiliza ne’e kuaze atus rua iha teritoriu Timor laran tomak, tratores balun a’at ona hadia mos labele ona. Ba agrikultor sira ne’ebe maka presiza tratores, presiza halo pedidu hafoin Ministeriu aprova atu bele atende, se kuandu iha Munisipiu ida sira halo kanalizasaun ne’ebe diak ami hare fali ba Munisipiu seluk ne’ebe maka utiliza la ho diak entaun ami lori fali trator iha Munisipiu ida ba fali Munisipiu seluk oferese gratuitamente.

Estanislau informa, Tinan tinan Governu sempre tau osan atu halo manutensaun ba tratores refere, maibe manutensaun ne’e la dun diak, tanba ema hadia maka la dun diak no osan ne’ebe maka Governu tau la dun sufisiente atu halo manutensaun ida ne’ebe diak liu ba tratores hirak ne’e. agora dadauk ami mos sei hare hela atu bele hadia sistema ida ne’e. Durante ne’e Ministeriu mos halo kontrola no hare katak agora dadauk ne’e iha mudansa diak ituan ona.

Reuniaun ne’e loke diretamente husi Ministru MAP Estanislau Alexo da Silva, iha mos aprezentasaun esbosu politika Mekanizasaun husi Raby Rasaily, Mechanition Specialist, husi FAO no Augusto da Silva National Policy Consultan, ao mesmo tempu reuniaun ne’e hetan enseramentu diretamente husi Diretor Geral Agrikultura MAP Deolindo da Silva.