«

»

Jul 07

Dezenvovimentu Agrikultura Munisipiu Manu-Fahi Lao Diak

Repoter; Tyfa & Rojer

dir.mnfhiManufahi – Diretor Ministeriu Agrikultura e peskas (MAP) Munisipiu Manufahi Aurelio Ximenes esplika katak Dezenvolvimentu  Agrikultura no hortikutura iha Munisipiu Manu-fahi presiza tan ekipamentus ruma atu bele ajuda tan Agrikultura sira iha to’os refere.
Dezenvolvimentu Agrikultura no Hortikultura iha Munisipiu Manufahi lao diak, maibe husi parte ida mos lao la dun diak tanba makina ou trator ne’ebe la favoravel atu atende nesesidade Agrikultura sira nian, katak Diretor MAP Munisipiu Manufahi Aurelio Ximenes foin lalais ne’e iha nia kna’ar fatin Munisipiu Manufahi.

“Maibe esforsu ne’ebe maka ami halo ho orsamentu ne’ebe limitadu ami halo hodi halo manutensaun ba ba to’os ki’ik ki’ik sira ne’e konsege ami atende ba populasaun sira ne’e no epoka tinan 2015 to tinan 2017 ne’e batar (1471,35) hektares ne’ebe maka koileta hotu ona no nia produsaun mos hatudu diak duni, no mos hare, iha Suku Betano mos hatudu produsaun ne’ebe maka diak tebes”Aurelio esplika.
Nia akresenta, Maibe iha Alas Fatuberlihu seidauk tama koileta ba tinan ne’e nian tanba tarde ituan iha kultivasaun, primeiru atraza de udan be’en, segundu ita nia makina ne’ebe maka espailha iha Fatuberlihu la sufisiente atu tende,tanba ne’e maka sira nia koileta tarde tebes.
“Ami mos bazeia ba intrusaun husi Nasional katak atu utiliza rekursu, liu-liu be no rai ne’ebe maka iha, agora dadauk iha Betano iha to’os hamutuk 400 hektares ne’e kompostu husi hare, fore-mungu no fore-keli, rai ne’ebe uza”Aurelio katak.
Nia informa, durante ne’e komunidade sira produs variedade sira maka hanesan, Batar Noi Mutin, Sele ho Nai, maibe komunidade sira prefere liu ba batar noi mutuin, maibe batar noi mutin no sele nia produsaun la dun do’ok malu maibe komunidade sira prefere liu ba iha batar noi mutin.No hare komunidade sira kuda variedade nakroma ne’ebe maka destribui husi Nasional maka mai, tanba nia rezultadu mos hatudu diak duni.

aktividade