«

»

Jun 30

Formandu 20 Hetan Certifikadu Husi Programa CA

Reporter; Tyfa & Elsio Jong

Natarbora – Ministeriu Agrikultura e Pesas (MAP) liu husi Diresaun Nasional Formasaun Teknika Agrikola servisu hamutuk ho Organizasaun Internasional FAO fo seminariu ba professors husi Eskola Tekniku Agriola Natarbora, Fuiloro no Maliana konaba Conservasaun Agrikultura, seminariu ne’e hala’o durante loron rua nia laran kompletu mos ho fahe certifikadu hafoin hala’o inseramentu ba Seminariu ne’e rasik. Serimonia inseramentu ne’e hala’o iha loron Kuinta (CA122/06) iha Salaun Bem Vindo Natarbora Manatutu.Topiku ba serimonia ne’e maka “Enseramentu iha Seminariu Inkorporasaun Material Conservasaun Agrikultura (CA) husi FAO Internasional inkorpora ba Kurikulu Eskola Teknika Agrikola Timor-Leste” hetan mos prezensa husi Secretariu Jeral MAP Cesar da Cruz, Diretor Nasional Formasaun Teknika Agrikola Hipolito da Costa, Diretor da Eskola Teknika Agrikola Natarbora Professor sira husi Eskola Teknika Agrikola Natarbora, Administrador Posto Administrativu Bariki ho mos estudantes sira husi Eskola Teknika Agrikola Natarbora nian rasik.

Tuir Secjen MAP Cesar Jose da Cruz hateten iha nia diskursu hato’o Seminariu katak buat foun ida ne’ebe ita hakarak implementa, entaun ita aprende atu hatene no hatene atu aplika, hakerek mos iha espanduk ne’eba katak, agrikultura forte maka CR1nasaun forte nune’e mos tenki pratika ba buat ne’ebe maka los.

Nia hateten, Agrikultura iha Jovem sira nia liman ou iha mos ema ida-idak nia liman atu hatene konaba saida maka Timor atu produs no saida maka Nasaun ida ne’e bele foba nia oan sira liu-liu iha nutrisaun. Politika ne’ebe maka Ministeriu Agrikultura Peskas (MAP) hala’o durante ne’e liu husi Diresaun Nasional Eskola Agrikola Natarbora, atu introdus de’it lia fuan ida ne’ebe maka hakerek katak inkorporasaun ou inkorpora, inkorpora katak hatama tan material balun ne’ebe maka koalia konaba konservasaun da Natureza ou konservasaun da Agrikultura.

“Uluk iha tinan atus ba atus liu ba ita nia avo sira kuandu halo to’os hotu na batar kain ne’ebe maka iha sira sunu fila fali, ne’e signifika katak la konserva, tanba ne’e maka seminariu ida ne’e atu inkorpora mai iha ita nia Eskola Teknika Agrikola ida ne’e, atu oinsa koserva Agrikultura sira.Tanba ne’e hau mos la haluha hato’o hau nia apresiasaun bo’ot ba Ruben Flamarique reprezentante husi  FAO ne’ebe maka kopera ho MAP durante ne’e, servisu ne’ebe maka FAO halo hamutuk ho MAP, no MAP mos apresia tebes tanba sira nia laos iha konservasaun agrikultura deit, maibe iha mos aspetu oi-oin konaba servisu agrikola ne’ebe maka FAO halo durante servisu hamutuk ho MAP”tenik Cesar.

Iha fatin hanesan Diretor Nasional Formasaun Teknika Agrikola Hipolitoda Costa hatutan katak, inisiativa ida ne’e kapas tebes, antes ida ne’e mos ami halo ona diskusaun ne’ebe maka klean tebes konaba CA hamutuk ho FAO iha MAP rasik, maske prosesu ne’e lao kleur ituan maibe realidade ita iplementa duni.CA2

Hipolito sublinha, Programa ida ne’e laos atu muda fali kurikulu ne’ebe ezisti, ami atu informa de’it katak programa ida ne’e hetan esforsu ida husi MAP nu’udar Ministeriu tekniku no Eskola Tekniku Agrikola sira, tanba ne’e maka ita nia Ministeriu tutela atu hatene mos oinsa konaba konservasaun agrikultura, ami halibur eskola ne’ebe maka MAP tutela atu tau atensaun mos ba material ne’ebe ezisti iha kurikulu Nasional ne’ebe maka ita implementa hamutuk,hodi sai hanesan kontestu ba muatan local.

Ida ne’e laos atu troka kurikulu ne’ebe maka ezisti ita mos sei buka tan materia ruma atu bele haforsa liu tan estudantes nia skill konaba konaba agrikultura en jeral liu-liu konaba konservasaun agrikultura ne’ebe MAP sente katak ne’e importante ba setor agrikultura iha futuru.

“Formasaun ne’e mos inklui tekniku profesores sira no estensionista balun, hau fiar katak formandu sira mos iha kapasidade naton ona katak liu husi seminariu ida ne’e bele implementa siensia ne’ebe maka iha relasaun ho Conservasaun Agrikultura ba area agrikultura nia iha future”.CR@

Iha oportunidade hanesan Diretor da Eskola Teknika Agrikola Natarbora Americo Pereira da Cruz apresia tebes tanba bele marka tan historia foun ida historia diak ida iha prosesu aprendijazen, programa konsevasaun Agrikultura ne’ebe MAP halo, koopera ho FAO Internasional ne’ebe implementa ona iha terenu ba dezenvolvimentu Agrikultura. Ministeriu hare ida ne’e positivu tamba ne’e mak hakarak substitui no hakarak inkorpora nafatin.

“Seremonia ida ne’e mos konvida Diretor eskola sira atu partisipa iha ne’e atu bele hare mos ba kirikulun ida ne’e, nune’e mos atu bele hetan imformasaun liu husi seminariu ne’ebe maka liu ona ba ne’e, atu bele intende didiak oinsa mak programa diak ida ne’e bele tama iha kurikulun atu nune’e bele habelar ba iha ita nia jerasaun sira.Ita nia estudante sira tinan ba tinan hakarak habelar ida ne’e diak ita atu konserva ne’ebe ami hanesan eskola Agrikultura Natarbora ami orgullhu ami hetan previlrgiu bo’ot ida atu foti fatin ida ne’e hodi sai hanesan fatin atu konsentra hamutuk hodi tau hamutuk hanoin kona ba kurikulun ida ne’e oinsa atu bele inkorkpora”katak Americo.

Entretantiu FAO, CA Team Leader Ruben Flamerique nebe fo apoiu ba seminariu ne’e, hatutan katak, iha seminariu ne’e sira koalia konaba teknolojia foun ne’ebe hanaran CA, teknolojia ne’e mos lao ona iha mundu durante tinan hatnolu, entaun FAO mos apoiu MAP hodi komesa halo peskiza iha Timor Leste.

“Iha tinan ha’at nia laran liu ba komesa fo ona formasaun konaba CA nian ba estensionista no mestri sira, entaun seminariu ida ne’e mestri sira husi Eskola Teknika tolu maka hanesan, Natarbora, Fuiluro no Maliana, iha seminariu ne’e laran hare liu konaba CA no iha mundu agora atu implementa ka lae? No oinsa maka atu implementa teknolojia foun ne’e iha to’os refere.Entaun CA iha vantajen liu se kompara ho tradisional ou tempu uluk nian ida ne’e maka koalia iha seminariu ne’e nia laran” Esplika Ruben.

Alende teoria, ami mos ba vizita diretamente to’os nain sira, no to’os nain sira kontenti tebes sira esplika katak CA diak liu kompara ho sistema tradisional, tanba produsaun batar a’as tebes, kompara ho tinan kotuk liu ba. To’os nain sira mos promote katak sira sei kontinua nafatin ho CA maske projetu ne’e remata.

Formandu Augusto Barros husi Eskola Teknika Agrikola Fuiloro sente apresia tebes ho seminariu ne’e tanba bele aprende teknolojia foun, koservasaun agikultura ne laos buat foun, maibe teknikamente atu halo konservasaun maka hanesan buat foun atu pratika iha Timor, liu-liu ba ita nia povu agrikultor sira, FAO nia programa ida ne’e mos diak tebes tanba bele ajuda ita nia povu agrikultor sira.