«

»

May 15

CAAKUB, Hala’o Lansamento Ba Fos Hare Nakroma

Rep.Celcia,Tifa

Centru Antendimentu Agrikola Kuda Ulun Bobonaro (CAAKUB), hala’o lansamentu promosaun produtu fos rai, ho variedade Nakroma ba Funsionariu Ministeriu Agrikultura e Peskas (MAP) iha loron Sexta (12/05) iha Resintu MAP Comoro.

Tuir Vice Ministru Agericultura, Marcos da Cruz iha nia entrevista katak, Ohin ita halo lansamentu produtu fos ba to’os nain sira no fos ne’e mai husi Maliana,  fos rai ne’e produs husi Agrikultor sira iha Maliana sosa husi koperativa ida bolu naran Centru Atendimentu Agricola Kuda Ulun Bobonaro  (CAAKUB) no programa ne’e ita halo atu bele promove ita nia produtu rasik.IMG_4006

Nia hatutan, produtu fos husi ita nia rai atu ema hotu bele hatene no ema hotu bele senti katak iha Timor ita produs duni fos  no ita prosesa ona   ho nia  kualidade. Fos rai ne’ebe agora dadauk iha ne’e ho kualidade ne’ebe maka diak tebes, uluk ita koalia dehan povu kuda governu sosa agora parte ki’ik husi buat ida povu kuda governu sosa ne’e mak ita bele dehan ne’e implementasaun  maka ida ne’e.

 “Ohin sira lori toneladas tolu maka mai fa’an iha ne’e, importante ba ita maka agora dadauk ita mos iha ona programa  ne’ebe organizadu hodi sosa produtu ne’e, tanba ne’e hau apelu ba Funsionariu sira atu bele mai sosa fos refere atu nune’e bele dezenvolve ita nia produtu sira.” Tenik Marcos

Iha fatin hanesan prezidente CAAKUB Dementino dos Reis hatutan katak programa  ne’e diretamente sira sosa hare  husi to’os nain sira, depois husi sentru rasik maka halo prosesamentu sai fos hodi halo paking hahu husi kilo 1, 3, 5 no kilo 10, kada preso tuir nia tabela maka hanesan kg1 $1.50, kg3 $4.00, kg5  6.00, no kg10 $11.00. Resultado husi programa ne’e Centru rasik konsege halo produsaun hamutuk tonelada tolu,  no agora dadaun centru (CAAKUB) halao hela  nia promosaun hodi faan fos iha Edificio Ministerio da Agriculutra e Pescas, ho nia durasaun fulan ida, hahu husi 12 de maio -31 de junho 2017, Karik resultado husi aktividade ne lao ho susesu ba oin husi Centru, hanoin mos atu estende/habelar  nia programa faan fos hanesan ba iha Ministerio seluk no Centru mos hanoin oinsa bele distribui hodi faan iha loza faan fos nian.IMG_3980

Proghrama nee hetan apoio husi JICA serbisu hamutuk ho Ministerio da Agricultura e Pescas liu husi Diresaun Nasional Agrokomersio, ho nia objetivo  hasae rendimentu Agricultor, fo apoiu tekniku hodi reforsa hasae produsaun hare. Lansamentu ne’e , loke diratemente husi Vice Ministro da Agricultura e Pescas, Marcos da Cruz.