«

»

May 09

Aprovasaun Final no Global Lei de Investimentu Privadu

Ministru Koordenador Asuntu Ekonomiku no Ministru da Agrikultura e Peskas Estanislau Aleixo da Silva, Aprovasaun Lei de Investimentu final global ne’e sei hahu implementa iha 2018. Sesta, (28/04) iha salaun MAP Comoro-Dili.

Ministru hateten katak Parlementu Nasional aprova ona lei investimentu ho aprovasaun unaminidade ho votus 52 ne’ebé boot tebes “ tamba  ita aprova lei tinan ne’e mós iha asuntu balun ligadu ba impostu nune’e ita labele halo implementasaun agora tamba iha impaktu ba  reseitus ne’ebe atu tama Governu no  bainhira ita nia lei atributaria  aprova nune’e la afeta ba lei ne’e liu-liu konaba impostu“.

Nia informa Lei Investimentu Privadu ne’e iha artigus 40 parese final ne’e kuaze 52 artigus tamba aumenta tan  artigu balun “hau kontenti ho  lei ne’ebé aprova ona no sira halo mós restrusaun hanesan ema ne’ebé sertifikadu no investimentu ne’e ba de’it kompaña ne’ebé hakarak halo investimentu espesifiku hanesan Agrikultura, Peskas, Operadores Turismu no  Industria manufaktura”.

Lei ida ne’e governu mós sei  tau iha munisipiu Baucau tamba bainhira ema halo investimentu iha ne’eba sira mós bele hetan insentivus balun  hanesan munisipiu sira seluk. tenik Estanislau.

Nia relata Lei Investimentu Privadu  ne’e ida deit ba investor nasional ho estranjeiru, kapital minimu ba Nasional agora  $50 mil  ba investor Estranjeiru um miliaun quinentos nian.  Maibé  hare ba pratika katak ohin loron iha rai  barak  Rejiaun  Asia ne’e investimentu kapital minimu ema la preokupa ona no ema preukupa liu maka bainhira halo investimentu kria  empregu no  investe iha sasan ne’ebé foun hodi aumenta produsaun produtividade atu  sira bele kompete ho rai seluk.

“Ohin loron iha rai barak  kapital minimu ne’e laiha ona depois minimu 5.000 nee todan  maka  desidi elimina hasai tiha ona tamba rekomendasaun husi fundamental internasional, Banku Mundial no mós husi  peritu sira iha Asean nian”. tenik Ministru

Reporter: Celcia, Sonia.