«

»

May 03

Resulatado investigasaun atividade peska industria husi kompañia Hong Long/China ne’ebe investe iha Timor-Leste.

Konferensia Pers

Reporter: Tyfa, Celcia, Sonia & Elsio Jhon

Dili-Ministeriu Agrikultura no Peskas (MAP) liu husi Diresaun Peskas  hala’o konferensia Pers.Hodi fo sai resultadu Inspesaun no investigasaun ba ikan Tubaraun ne’ebe kaer husi kompania Hong Long Fisheries Lda iha Tasi Timor. Konferensia Pers ne’e hala’o iha loron Segunda (24/04) iha Salaun MAP Comoro.

Tuir Porta vos Grupu Investigasaun Konjunta Lourenco Reis Amaral hateten katak,sira hakarak publika no fo sai informasaun ne’ebe relasiona ho investigasaun ne’ebe maka hala’o liu liu kona ba atividade peska industria ba iha kompañia Hong Long ne’ebe mak halo investimentu iha Timor-Leste.

“Ami haharak hato’o mos resultadu inspesaun no investigasaun ba ikan Tubaraun ne’ebe kaer husi kompania Hong Long Fisheries Lda iha Timor-Leste. Ekipa ida ne’e forma ho ninia baze fundamental maka ida mai husi Despaisu sua Excelencia Primeiru Ministru ninian ne’ebe hodi indika no hodi forma ekipa ne’ebe ke kompostu husi ema nain sia husi varios instituisaun husi Ministerio Interior ne’e mai husi Policia Investigasaun Kriminal husi Imigrasaun no mos husi Policia maritima” tenik Lourenco.

Nia relata, Husi parte defesa ninian mai husi komponente Naval, husi parte finansas ninian husi alfandega nain ida nomos mai husi ministru Agrikultura kompostu husi ema nain tolu mai husi diresaun peskas,Inspesaun no mos Kuarentina ninian.

“Hakarak atu informa mos katak  liga ba aktus ne’ebe maka hala’o  husi kompania Hong Long Fisheries Lda ekipa ne’e konforme resultadu husi investigasaun hatudu katak prezensa kompania iha Timor-Leste ,sira mai tuir prosedimentu legais ne’ebe mak iha, sira laos mai halao aktividade peskas ilegal.”nia dehan

Nia akresenta, dala ida tan sira nia prezensa iha ne’e lao tuir prosedimentu legal ne’ebe mak iha Ministeriu Agrikultura e peskas iha , bazea ba dekretu lei numeru 6/2004, ne’ebe sira nia prezensa iha ne’e los duni durante fulan tolu sira halao aktividade peskas iha tasi Timor-leste,sira ninia tarjeitu espesies laos ba ikan Tubaraun,  maibe sira nia espesies algo mak ikan Demersiais.

Nia informa, durante ne’e iha mos informasaun balun katak Ministeriu Agrikultura e Peskas ou Governu fo lisensa hodi kaer Tubaraun, maibe bazeia ba nia ekipa investigasaun ami hakarak publika  katak sira nia  tarjeitu espesies laos ba ikan Tubaraun, maibe sira nia espesies algo mak ikan Demersiais, ba ikan Tubaraun ne’ebe maka ne’e hanesan insidental, akompanha mos ba iha sira nia obserasaun kaer ikan.