Elsio Jong
Dili – Ministru Agricultura e Pescas no Ministru Coordenador Assunto Economico, Estanislau Aleixo da Silva, saliente katak estudante sira ne’ebe formadu ona husi Eskola Agricolas Dom Bosco, Fuiloro estudante nain 4, Maliana nain 4, Natarbora nain 6 no UNTL nain 6 hetan esperiensia foun iha aulas, aprende pratika buat balun, sira mos hasae tempu hamutuk mos ho ema agricultor sira, ne’ebe serbisu hela iha ne’eba no sira servisu hanesan ema bolu On the job training, red. Estudante hirak ne’e mos manan osan, tuir kontrastu ne’ebe sira simu.
“hau hakarak hateten sira ba ne’e bileti aviaun sira rasik mak selu ho osan ne’ebe sira manan, osan sira simu ne’e ba sira han ho inpostu ne’ebe sira iha,epois sira sei rai tan osan ne’ebe sira lori mai hau kontenti tamba wainhira sira fila mai, sira dehan vida laos fasil ne’ebe sira hotu hatete iha esperiensia foun ida para aprende ida ne’ebe mak dezafiu boot e sira konsege aguenta”. Esplika Estanislau
Tuir Ministru Estanislau, iha salao enkontru MAP, iha loron 29/7/2016, hateten katak dala ruma sira serbisu to oras 10, maibe serbisu liu oras ne, sira simu mos osan liu oitoan hanesan over time, red.
“hau kantenti katak sira mane fahe ketak-ketak maibe feto nain 4 hela hamutuk iha fatin ida ne buat ida diak teb-tebes”.
Tuir informasaun ne’ebe rekolha katak estudante hirak ne’e sei halo planu hamutuk, hodi perpara kona ba saida mak sira bele kontribui ba nasuan ida ne’e. Tuir Ministru Estanislau nian esplikasaun katak aseita proposta iha fulan Agusto, hodi nune’e bele servisu hamutuk no saida maka MAP bele fo apoiu.
Tuir politika husi MAP nian ne’ebe enkoraza joventude sira atu bele servisu iha sektor agricultura, hodi bele dezenvolve ekonomia sustentavel ne’ebe diak liu iha futuru. Tuir Ministru Estanislau importante mak sira aprende no hetan esperiensia foun hanesan serbisu hosi dadersan to lorokraik, disiplina serbisu ho ida ne’e sira bele transmiti no bele organiza sira nia an hanesan grupo ka hanesan individual karik ba oin ninian.
“Ami agora serbisu hamutuk ho instisoins eskolah Dom Bosco Fuiluru, Natarbora, Maliana no UNTL oinsa maka haruka fali sira joven timor oan ho idade labele liu 30 anos e agora sei prosesu ba rekrutamento para haruka ema 30 pessoas ba tan iha israel”. Hateten Estanislau
Estudante sira ne’e aprende liu iha area Agricultura, iha aula kada semana iha loron 1 ba teoria no loron 4 serbisu iha kampo. Teoria hahu husi oras 10.00 – 04.00 lorokraik ho materis hanesan Biolojia, Fiolojia planta nia, oinsa utliza fertilizantes hanesan pupuk, rai ho irigasaun, struktura agrikulas ho teknologia agrikulas, meter teknika, kontrolu moras ho pesti, aqikultura, oinsa kuda aifunan ninian, oinsa kuda uvas no seluk-seluk mak relasiona ho agricultura nian.
Sira ba ne laos estudante timor oan deit maibe nasaun seluk mos hola parte hanesan Indonesia, Thailandia, Vietnam, Amerika Latina no nasaun sira seluk-seluk.
Diretór DNFTA, Ipolito da Costa ,salienta katak Primeiru grupu ba iha tinan kotuk, ministeriu serbisu hamutuk ho embaixada Singapura liu hosi AICAT – the Arava Internasional Center Training for Agricultural Trainees nian iha Arava regiaun durante tinan 1. Iha tinan kotuk ita haruka Joventude hamutuk nain 20 feto 6 no mane 14, kompostu husi UNTL- Fakuldade Agricultura nain 6 no seluk husi graduadu Agrikolas Natarbora, Maliana no Fuiluru
Diretór Ipolito, hatutan liu tan katak Atividade ne’ebe sira halo iha AICAT hanesan On the Job Training Programa, red iha area agricultura no estudante fahe ba ida-idak nia gropu hanesan agricultura, horticultura, Animal nian no Aifuan nian.
“Praktek ne’e dala ruma liu oras 8 nia laran mais gracas adeus ohin ita rona hosi alin sira senti susar, maibe sira mos agradese hetan buat balun ne’ebe positivu lahalimar tenki displina, serbisu makas no serbisu “One Time”, ne’e sira nian sentimentu e ohin sira hato ba Sr. Ministru ba buat sira aprende ne bele mos kontribui ba ita nia nasaun liu hosi sira nia prezensa. Hateten Ipolito.