Elsio Jong
Ministério da Agricultura e Pescas halo sosializasaun Decreto-lei N.? 24/2016 de 29 de Junho konaba Regime Geral das Carreiras da Administração Pública no Decreto-Lei N.? 25/2016 de 29 de Junho konaba Regime dos cargos de Direcção e Chefia na Administração Pública ba Chefias no funsionario iha Salaun MAP- Comoro, 29/07/2016.
Tuir Diretór Rekursu Humanu, Pedro Barreto katak lei N.? 24/2016 de 29 de Junho ne’e sai tia’ona maibe husi Gabineti Juridico Ministério da Agricultura e Pescas iha inisiativa atu fo espelikasaun ba iha Diresaun Jeral sira no Funsionariu tomak konaba mudansa ba lei ida ne’e.
Direitu no funsaun maka bele uza hodi nomeia ou rekruta kargu chefia sira. Ohin espelika iha lei balun ho artigu balun ne’ebe maka la mensiona konaba direitus balun ne’ebe em geral funsionariu publiku sira hasoru hanesan direitus hetan grau ho direitus atu hetan eskalaun nune’e mós funsionariu lubuk ida ne’ebe serbisu iha Ministerio da Agricultura ne’e durante tinan 10 resin ona hosi UNTAET nia tempu i balun tinan 15 ho nivel ho grau ne’ebe maka hanesan nafatin entaun ida ne’e hanesan prekupasaun ida ne’ebe maka ami hato katak lei ne’ebe maka hasai hosi komisaun funsaun publika la mutiva funsionariu publiku sira ne’e para bele kreativu no serbisu diak liu tan. Tenik diretór
Tamba ho grau sira ne’ebe maka deside ona no mos ho relasaun ho salarial ne’ebe deside tena katak nia diferensia de escalao hanesan iskada 1 ho iskada 2 ne’ebe maka la hatudu ho diferensia ne’ebe makas, entaun la fo mutivasaun para ema serbisu badinas no kreativu hodi hetan eskalaun ne’ebe as.
Konaba Decreto-Lei N.? 25/2016 de 29 de Junho (Regime dos cargos de Direção e Chefia na Administração Pública) ida ne’ebe sei aplika iha tempu badak mai,
Diretór salienta liu katak tinan ne’e ita lao nafatin, mais tinan foun ho orsamentu foun ita bele hala’o ona lei ne’e, lei ida ne lei nasional konaba Funsaun Publiku nian no ema ne’ebe mak assume kargu Chefia sei aplika tuir lei nasional ba funsaun publiku nian.