Elsio Jong
Ministreriu da Agrikultura e Pescas (MAP) liu husi Diresaun Nacional Administrasaun no Finansas (DNAF) aprezenta prosedur standar operasional no relatoriu ezekusaun orsamento estadu tinan fiskal 2016. Iha Salaun MAP Comoro, 4/8/2016.
Antonio Araujo da Costa, Diretór Nasional Administrasaun no Finansan Interinu iha nia esplikasaun katak ezekusaun ba Salariu no Vensimento hahu fulan Janeiru to’o fulan Jullu 2016: atinji ona 51%. Ezekusaun Bens no Servisu hahu fulan Janeiru to’o Fulan Jullu 2016: atinji ona 21%, obligasaun atinji ona 30% no komitmentu atinje ona 15%. Capital Minor nia ezekusaun hahu fulan Janeiru to’o Fulan Jullu 2016 atual atinji 3%, obligasaun atinji ona 62% no komitmentu atini ona 27%. Kapital Dezenvolvimentu nia ezekusaun hahu fulan Janeiru to’o fulan Jullu 2016: atual seidauk, obligasaun seidauk no komitmentu atinji ona 87%.
Orsamentu ne’ebé atinji ona ne’e ba atividade area Floresta nian hanesan rehabilitasaun kafé, atividade hortikultura nian konaba sintura. Orsamentu ne’e iha tempu badak foti ona para iha semana oin bele implementa. Ami nafatin mantein orsamentu ne’ebé aprovadu ona iha Parlamento Nacional (PN), maibé ejekuta to’o deit dia 15 de Dezembru, agora dadauk ne’e ezekuta orsamentu tinan fiskal 2016 nian. nia seplika.
Aprezentasaun relatoriu ne’e ba Vice Ministru, Sekretariu Jeral, Diretór Jerais no Diretór Nacional para oinsa ezekusaun ba oin ne’e bele aumenta no bele aselera lalais orsamentu ne’ebé mak sai tiha ona para sira hatama relatoriu atu nune’e bele iha advense tuir mai. Tenik Antonio.
Ami mós hetan difikuldade konaba adiatamentu nian tamba iha tinan ne’e tuir dekreto lei la fo dalan atu ejekuta osan atividade liu husi adiatamentu nune’e ejekusaun la sae i tenta ona halo karta ba Ministeriu Finansas (MF) para halo pagamentu ba ami nia adiatamentu sira ne’e.
Ho kestaun ne’e hato’o ba Ministeriu depois ministeriu hato’o ba Konselho Ministru (KM) para hodi altera tiha lei artigu 22 konaba adiatamente, nue’e bele fo dalan ba ezekusaun orsamentu liu husi adiatamentu.
Tuir Chefi Ezekusaun Orsamentu DNAF, Adelaide Pereira de Jesus katak ezekusaun orsamento 2016 hahu husi fulan Janeiru to’o fulan Julhu MAP atinje ona 47%. Husi 47% ne’e ba iha Salariu, Atividades, Capital Minor no Capital Dezenvolvimento.