Elsio Jong, Norberto Felipe
Manatuto – Irigasaun nudar faktor importante, ba sector agricultura, tanba ho irigasaun ne’ebe diak bele ajuda agricutor sira hodi produs ai han ne’e ho nia kualidade no kuantidade boot.
Iha loron 21/07/2016, Ministru Agricultura e Pescas (MAP), hala’o vizita ba Municipio Manatuto, Posto Administrativu Laleia, Aldea Ralan Hatu laliu, hodi rezolve problea rai ba uma Asosisaun Agricultura ne’ebe infrenta konflitu ba rai.
Vice Ministru, Marcos da Cruz, ne’ebe mak partisipa iha fatin ne’ebe refere hodi hare direitamentu problema ne’ebe akontese no kria dialogu ho komunidade oinsa buka solusaun.
Tuir vice Ministru, Marco da Cruz katak, rezolve problema rai atu halo uma Asosiasaun da Agricultura no utiliza be irigasaun ba natar.
“iha probelam ida impedemento hosi rai nain, ne’ebe agora dadauk ami buka fali rai foun, hodi halo uma asosiasaun. Ho problema ida ne’e, ami rezolve tiha ona no rai foun hosi komunidade entrega fali ona rai seluk ho medidak 20×30 M”. Esplika Marcos da Cruz.
Marcos da Cruz, hatutan liutan katak rai ne’e hetan ona solusaun no agora entrega ona ba kontraktor konsultan, hodi komesa halo servisu. Liu hosi surumut ida ne’e, Vice Ministru mos hala’o enkontru kona ba jestaun irigasaun, ne’ebe hetan apoiu hosi Japaun, ho orsamentu $4 miloens dolar Amerikan, ho item ida mak halo uma ba agricultor nian.
Vicente dos Ramilios de Sousa, nudar rai nain iha aldea Ralan, ne’ebe oferese rai ba MAP, esplika katak nudar rai nain, hodi entrega rai ba MAP, laos kestaun buat seluk maibe komunidade persija los be ba natar no halo uma asosiasaun da agricultura. Ho ida ne’e mak ami entrega rai.
“Ami iha ne’e problema mak bee ba natar, tan ne’e mak ami entrega rai ho medida 20x30M. Ba hau laiha problema kona ba rai ne’e, tanba rai ne’e komunidade Laleia nian, ne’ebe ezizensia ami nian ne’e laos atu ezizi ba MAP atu selu ka apoiu buat ruma, maibe ami nia preokupasaun mak bee ba natar nian”. Esplika Vicente
Jul 27