Elsio Jong, Norberto Felipe
Manatuto – Ministeriu Agricultura e Pescas (MAP), kontinua hala’o servisu maka’as ba iha area pekuaria nian. Tuir politika governu, liu hosi MAP katak, hodi luta kontinua ba dezenvolvimentu sustentavel iha area agricultura e Pescas.
Iha loron 23/07/2016, MAP, liu hosi dirasaun jeral Pecuaria e Veterinaria (DGPV) hala’o lansamentu pastagen communal iha Municipio Manatuto, Suku Cairui, hodi bele hasa’e hahan animal nian iha sektor pecuaria
Ministru Agricultura e Pescas no Ministru Estadu Koordenador ba Asumtu ekonomiku, Estanislau Aleixo da Silva, liu hosi abertura esplika katak lansamentu ida ne’e mos hola parte iha MAP nian,
“prioridade MAP tau orsamentu ba atividade tenke hala’o tanba ita nia karau Timor komesa menus ona. Kuda hahan ba karau, tanba ida ne’e importante iha ita nia rai ne’e. laiha abitu kuda hahan ba karau, para hasa’e hahan animal nian iha sector agrpecuaria. Tanba ne’e mak halo lansamentu hodi dezenvolve hahan karau nian iha ita nia rain”. Tenik estanislau da Silva
Komunidade Cairui entrega rai hamutuk 12 hektares, ema ou grupu hamutuk 50 pessoas no orsamentu aloka ba servisu hira ne’e hamutuk $10.800 dolar Amerikanu.
Liu hosi lansamentu ida ne’e, Ministru Estanislau, hato’o nia obrigado wain ba komunidade iha Cairui ne’ebe fo rai no tenke kria abitu ida para ema kuda ai han sira ne’e, iha ninian kintal, hodi fo han karau.
“Bainhira fo han karau iha luhan, bele evita ona ita nia karau, bainhira tama ema nia to’os. Kuda ai han ba karau, ne’e mos prioridade ida iha sector pecuaria, hodi hasa’e produsaun pecuaria iha rai laran”. Esplika Estanislau
Iha parte sorin, Director Jeral Pecuaria e Veterinaria (DGPV), Drh. Antonio do carmo, hato’o katak prioridade iha dirasaun pecuaria e veterinaria nian katak atu fo prioridade ba area 3, katak melhoramento genetika, hadia hahan animal no saude animal.
Tuir esplikasaun Drh. Antonio katak, hadia animal nia hahan mak sai preokupasaun boot, tanba ida ne’e mak pastajen communal, ne’ebe implementa program aba prioridade ida ne’e.
“bainhira ita halo lansamentu ba pastajen communal ne’e sei integradu ba dirasaun nasional rua ne’e hotu nia laran”. Esplika Drh. Antonio do Carmo
Iha tempu hanesan, Director DNP, Domingos Gusmao, hato’o nia palestra katak lansamentu ba pastajen communal hanesan kuda ai han animal, iha sucu Cairui, katak ida parte hosi programa nasional, ne’ebe tama iha planu asaun ba orsamentu 2016 nian, ne’ebe mak dirasaun nasional pecuaria hala’o iha suku Cairui, ida ne’e reprezenta municipio Manatuto.
“komunidade iha suku Cairui, ho nia limitasaun kona ba ai han animal no mos hare ba problema El-nino nian katak animal mate barak. Oinsa mak bele perpara ai han animal nian iha tempu bailoron naruk, hodi bele fo han animal. Tanba problema ne’ebe agora iha katak pastajen agora dadauk du’ut fuik oras ne’e afeita ona ita nia pastajen ka du’ut ba animal.
Programa MAP, liu hosi dirasaun pecuaria, sei kontinua implementa programa kuda ai han ba animal iha municipiu 12 tomak, inklui regiaun otonumu Oe-cusse.
Alende ne’e iha municipio Lautem iha ona hectares 2, Manufahi hectares 2, Covalima hectares 2.
Drh. Domingos Gusmao, mos ekspresa nia hanoin katak, ho programa ne’ebe implementa no ba oin sei implementa sistema agricultura integradu.