Zevonia Vieira
Dili – Embasador Korea, Kim Ki-Nam hasoru malu ho Ministru Agricultura e Pescas (MAP) no Ministru Estadu Asumtu Ekonomiku (MECAE), hodi koalia kona ba koperasaun governu Korea no governu Timor-Leste, kona ba programa agricultura e pescas.
Tuir Embasador Korea, iha salao enkontru, loron 13/06/2016, hateten katak governu Korea hakarak halo investimentu iha Timor-Leste, kona ba agricultura, Peskas no pekuaria.
Ministru Estanislau da Silva, esplika katak koperasaun ida ne’e nudar atividade positivu. Ba embasador Korea, Ministru Estanislau da Silva hateten katak, agricultrua no pescas, nudar programa ne’ebe importante. MAP nia politika katak, oinsa atu hametin agricultura sustensavel no hasae produtu rai laran hodi kompete iha merkadoria,
“ami kria hortikultura hanesan fehuk ropa, koto, modo, forumungu, batar no seluk tan, oinsa atu haburas oiutan parte agrikultura nian, ho kualidade ne’ebe diak liutan”. Tenik Estanislau da Silva
Ministru Estanislau da Silva mos, hato’o katak iha parte pescas nian, MAP halo ona esforsu hodi dezenvolve coral, dezenvolve ikan, hodi bele faan iha merkado.
Ministru Estanislau hatutan liutan katak iha parte industria nian hanesan fan manu, hakiak fahi no animal sira seluk, ne mos parte importante ida iha Timor-Leste . Tuir Estanislau katak sei promove makas liu kona ba Agricultor crocodilo (nain ba lafaek, red)