Ministru da Agrikultura e Peskas Mariano Asanami Sabino lansa programa Radio Guvernu liu husi Centru Radio Komunidade (CRC)foin lalais iha 13/03/2013 iha Balide.
Programa Radio ne’ebe lansa husi Ministro Agrikultura ho objetivu atu harmoniza informasaun husi governu iha komunidade nia le’et, asegura kualidade informasaun ba komunidade ho intrepretasaun ne’ebe los no fortifika servisu linha ministeriais iha programa dezeminasaun informasaun.
Ho nune’e programa radio ne’e diak tebes tanba ema la presija atu ba haree no la presija le’e maibe bele rona de’it iha idak-idak nia fatin. Tanba ne’e mak “ha’u bele dehan instrumentu radio importante tebes ba komunidade atu bele foin formasaun konaba prosesu dezenvolvimentu ne’ebe mak lao iha ministerio hotu-hotu, instituisaun estadu, atu nune’e Timor oan hotu bele hola parte iha prosesu dezenvolvimentu,nune’e bele fokritika no monitoria konstruksaun estadu hodi nune’e ita bele rona hanoin hotu-hotu husi komunidade ne’e importante, informa Ministru Mariano Asanami Sabino.
Ohin loron ha’u mai presta politika jeral ministerio agrikultura e peskas nian pensamentu oinsa ministeriu agrikultura ka filosofia ministeriu nian iha tanba iha karakter prosesu dezenvolvimentu iha iha rai hotu-hotu ne’e iha seitór agríkula tanba seitór ida ne’e maka implementa filosofi, idelogia estadu ou nasaun nian ihaTimor-leste.
Maske nune’e agrikultór sira maka servisu atu asegura seguransa ai-han dalaruma ita mos loke kampo servisu ba agrikultór sira e atu aumenta rendimentu agrikultór hasa’e sira nia moris diak tanba dalaruma iha rai sosialista sira agrikultór sira mak servisu ba estadu tanba estadu mak rai na’in no estadu mak halo gestaun ba hahan no estadu mak fahe fila fali hahan ba nia povu sira maibe iha Timor –leste guvernu hakarak povu mak hetan e ita fo apoiu tan ba povu atu nune’e povu sira bele moris diak, realsa Ministru Agrikultura.
Hanoin ministeriu hotu-hotu nia prenzensa mai iha Centru Radio Comunidade ida ne’e sei fo informasaun ne’ebe naton atu nune’e inan-aman sira bele hatene no komprende liu-liu iha involvement inan-aman sira nian iha prosesu dezenvolvimentu.
Iha fatin hanesan Sekretario do Estado Komunikasaun Social Nelio Izac esplika, iha programa radio guvernu ne’ebe servisu hamutuk ho Centru Radio Comunidade ami husu de’it Sekretario Estado no Ministerio balun de’it maka tama iha programa ne’e tan ba tuir ami nia survei no obsevasaun iha area rurais katak komunidade sira presija informasaun konaba asesu seguransa, edukasaun, saude no siencia agrikultura informasaun ne’e ita nia komunidade sira presija duni atu rona no komprende.
Program ne’e hala’o kuaze loron – loron iha semana tan ba entre ministerio hanesan ministeriu Agrikultura e peskas, edukasaun, saude, solidaridade social no sekretariu estadu sira hanesan sekretario estadu seguransa, sekretariu estadu dezentralizasaun administrasaun inklui sekretariu estadu promosaun iqualidade hirak ne’e mak loron-loron hodi troka malu hato’o atividade ka programa guvernu nian iha studio sentru radio komunidade ida ne’e. esplika Nia
Program ne’e agora dadaun ita komesa ho radio komunidade maibe ba oin ita sei hadia, ne’e duni programa ne’e sei halo liu husi Radio Televisaun no Radio privado sira atu nune’e informasaun hirak ne’e bele hato’o ba komunidade hotu-hotu bele rona program guvernu ka atividade ne’e be mak durante tinan ida ministeriu ou sekretario estadu sira hala’o.