Category Archive: Notisias Reguler

Oct 17

Seremonia Loron Aihan Mundial Tinan 2017

MAP11

Dili-Ministériu Agrikultura no Peska ho FAO hala’o seremonia loron Ai-han mundial ho tema “Investe iha Dezenvolvimentu Rural no Seguransa Aihan Hodi Muda Migrasaun Foin Sae Sira Iha Timor Leste” loron Segunda (16/10) iha edifisiu Auditoria Ministerio do Plano e finanças Aitarak laran Dili.

Tuir Ministru Agrikultura e Peskas (MAP) Estanislau Alexo da Silva hateten iha ninia entrevista katak Loron aihan mundial hanesan loron ne’ebe Nasoens Unidas deklara katak loron ne’ebe iha mundu tomak selebra no loron importante teb-tebes tanba iha mundo ne’e ema barak mak sei sofre tanba aihan la to’o ba sira.

“Tuir dadus ne’ebe iha hatudu katak ema 800 milions  iha mundu maka ohin loron sei hasoru problema ai-han, numeru ne’ebe maka iha sempre aumenta, iha tinan hirak liu ba ne’e ema 777 deit agora aumenta tan 815 milions, agora ita hotu-hotu hanoin ida ne’e problema ida ne’ebe mundo infrenta e mundo tomak presiza tau matan ba ida ne’e.” tenik Estanilau.

 

Nia hatutan, Ita nia rai mos iha problema konaba ai-han liu-liu ba kualidade ai-han ninian, ita nia populasaun han hahan ne’ebe la iha kualidade, ne’e duni presiza halo investimentu bo’ot husi Timor Leste  husi estado atu bele hare oinsa maka bele hare konaba aihan ne’ebe ita Timor iha atu ita nia populasaun sira bele hetan  asesu.

MAP22

Ministru MAP realsa, Ministério Agrikultura halo buat ne’ebe mak labele halo ho dezafiu barak, dezafiu bo’ot ida maka mudansa klimatika dala ruma ita bele halo buat hot-hotu, bele kuda, bele halai natar, udan be’en la iha ita atu halo nusa? ezemplu iha tinan kotuk ita halai Natar deit 11 mil hektares, ne’e oituan demais ita nia rai ne’e ita bele dehan  ita bele halai natar to’o numinimu 60 mil hektares, agora halai natar 11 mil hektares deit ne’e oituan demais. Pursentu husi hamlaha mas laos hamlaha ida para hahan la iha liu ne’e lae, hamlaha mais de kualiadade hahan e hahan mos ladun to’o, laos hamlaha mate ne’e laiha ema ida nunka mate hamlaha mais hahan la to’o ne kualiadade hahan mak la to’o.

Iha fatin hanesan Assistente Reprezentante AFAOR – FAO Paula Lopez Da Cruz hateten katak, tuir informasaun ikus husi relatoriu estado seguransa ai-han no nutrisaun iha tinan 2017 ninian relata katak iha por volta ema atus ualu resin maka sei infrenta hamlaha ne’ebe aumenta 38% husi tinan 2015 mai husi mundo tomak. barak liu huis Nasaun Afrika sira maibe iha Timor rasik mos hanesan ita hatene iha durante bai loro naruk tinan 2015–2017 ema barak liu mak konhesidu hanesan periodu El-nino ne’e mos relata katak uma kain 100 mil e tal uma kain maka hetan infrenta ba bailoro naruk  e kuda sira nia batar ka aifarina no produtu agrikula sira ne’ebe sira mos barak mak la konsege kolheta tanba enfrenta bailoro naruk.

“FAO nia serbisu maka atu kontinua apoiu tekniku prinsipalmente ba Governo iha area sira ne’ebe Governo hateten katak sai hanesan prioridade Nasional hanesan dadaun ne’e ami apoiu hela halo introdusaun ba teknologia agrikola. Produsaun agrikula pratika ida ne’ebe  bele responde ba problema bai loro naruk, ami serbisu ona durante tinan 5 nia laran hodi implementa programa konservsaun agrikultura  hanesan pratika ida ne’ebe hakarak atu konserva ita nia rai tanba ita labele halo produsaun ruma sequandu ita nia rai la bokur entaun konservsaun agrikultura hanorin oinsa ita bele kuidadu ita nia rai taka ita nia rai ho mulsa iha leten para hodi konserva be’e no kelembaban ou humidu hodi nune’e iha tempu ne’ebe udan be’en menus liu mos ita sei bele produs, tanba ita nia rai ne’e iha be’e ne’ebe konservadu.” Paula Informa ( Rozer Lopes)

Oct 16

Presiza Halo Manutensaun Ba Tratores Balun iha Munisipiu Manufahi

3

MAP presiza halo Manutensaun ba Tratores iha Municipiu Manufahi. Fotografia.Rozer Lopez/Info MAP

Manufahi- Hahu iha tinan 2008 Ministeriu Agrikultura e peskas (MAP) apoiu tratores unidade 35 ho marka Kubota no mos MF ba povu Agrikultura sira Manufahi, maibe oras ne’e dadauk tratores ferere balun avaria ona tanba ne’e presiza tebes atu halo manutensaun ba tratores refere.

Munisipiu Manufahi ita aloka tratores mai iha ne’e hamutuk 35 unidades kompstu husi marka Kubota no mos MF tratores hirak ne’e aloka mai iha tinan 2008 tratores hirak ne’e iha balun ne’ebe maka Governo tau osan ba sosa no balu hetan husi doasaun hateten Chefe Departamentu Mekanizasaun MAP Severino Sousa Costa iha loron Sexta (13/10) waihira hetan vizita husi Vice Ministro MAP ba iha Centru Peskiza Betano.

Nia akresenta, entre tratores 35 ne’e lima maka ita presiza halo prosesu ba lelaun tiha tanba nia kondisaun la diak los ona, maibe unidade 30 pronto atu bele serbisu tanba kondisaun mos diak hela.

Nia relata, Tuir relatoriu ne’ebe maka ami hetan iha enkontru rejional konaba mekanizasaun fila rai iha Munisipiu Manufahi por volta de 1500 hektares ba rai maran. Ita nia Agrikultor sira kuda maka hanesan batar fore mungu fore keli no mos ai horis sira seluk.

“Tuir dadus ne’ebe maka kada Munisipiu sira hatudu katak husi batar sira bele produs 3 toneladas por hektares bele mos liu, depende de’it ba klima ne’ebe iha.”tenik Severino

Entretantu Vice Ministro MAP Deolindo da Silva hateten katak nia objetivu ne’e maka atu lansa Fore mungu tuir ajenda nee’be maka iha, maibe nia mos fahe nia tempu ituan hodi vizita mos fatin mekanizasaun iha centru pekiza hodi hare ho matan rasik tanba oras ne’e dadauk tama ona ba iha epoka be kultivasaun.

“Ita hare mos konaba tratores sira ne’e nia disponibilidade ne’e oinsa, bele atu atende nesesidade ba ita nia Agrikultor sira ga lae? Iha tratores hamutuk tolunolu resin maka konsentra iha fatin ne’e maibe iha balu mos a’at ona, iha de’it ruanolu hanesan ne’e maka funsiona, tanba ne’e maka sei limita tebes ba ita nia Agrikultor sira, maibe ho buat ne’ebe maka ita iha ita bele atende uluk lai ita nia Agrikultor sira nia nesesidade. Tenik Deolindo

Nia sublinha, Ba tratores balun ne’ebe maka agora dadauk a’at, oras ne’e dadauk halo hela manutensaun, ba ami sei hare atu bele reforma ida ne’e maka diak liu atu bele asegura ita nia Agrikultor sira nia kondisaun. (Tyfa)

Oct 16

MAP Lansa Kuda Fore Mungu No Fore Keli Iha Munisipu Manufahi

Manufahi – Ministeriu Agrikultura e Peskas (MAP) liu husi Diresaun Nasional Agrikultura no Hortikultura hala’o lansamentu ba kuda foremungu ho 245 hektares no Fore keli 20 hektares iha irrigasaun Mota karau ulun Betano Munisipiu Manufahi. Seremonia lansamentu ne’e ofisialmente lansa husi Vice Ministru MAP Deolindo da Silva, iha loron Sexta (13/10).

Tuir Vice Ministru MAP Deolindo da Silva hateten iha nia entrevista katak, Konaba fore mungu no fore keli ne’ebe maka oras ne’e dadauk ita lansa, tanba iha hanoin ida atu labele husik de’it rai refere depois de koileta, maibe oinsa maka atu bele uza efektivu be’e ne’ebe maka Governo investe hanesan irrigasaun hirak ne’e, ho metodu foun ida ne’e ita hanaran katak rotasaun de kultivasaun alimentares.

Deolindo esplika, Kuandu sai husi sereais ita bele tama iha legumes, sereais maka hanaesan hare, legumes maka hanesan Fore Keli no Fore mungu, ninia abut serve para atu halo sinviosa atu bele habokur rai prosesa atu rai refere bele bokur fila fali.Tanba saida maka ita halo rotasaun de kultivu, tanba ita mos presiza proteina, fore keli bele produs ba susu be’en, tahu tempe, fore mungu, hanesan liu-liu ba inan isin rua sira oinsa maka bebe sira atu bele hetan saude ne’ebe maka diak.

1

Vice Ministro MAP Deolindo da Silva,koko hela ekipamentus Modernu hodi kuda Fore-Mungu. Fotografia.Rozer Lopez.Info/MAP

Nia informa, ida ne’e mos hanesan kadeia de valor ida a’as.Ezemplu iha super Merkadu nia presu kada kilo ne’e 80 centimos, nia presu a’as liu fali hare kulit, tanba ne’e maka kontinua halo nafatin rotasaun kultivu atu labele husik rai ne’e abandonadu entaun ita implementa fali metodu ida ne’e.

Deolindo akresenta, Irrigasaun ne’ebe maka iha hanesan iha mota karau ulun ida ne’e ninia tarjeitu ba to’os ou natar ne’e iha mill e trinta hektares, maibe agora foin maka elabora ou funsiona 400 hektares tanba kuda dala rua, ida uluk 200 hektares no agora 200 hektares, tanba ida ne’e mos hare ba ita nia Agrikultor sira nia kbi’it.Ba fore mungu ne’ebe maka atu kuda sei atinji to 254 hektares no fore keli 20 hektares ida ne’e maka sai hanesan tarjeitu ba maluk tekniku no Agrikultor sira ne’ebe maka agora dadauk implementa.

2

“Ami mos hala’o servisu diak hamutuk CLN Timor Global no kompania ida naran klotilda FU, sira ne’e maka sosa oinsa atu produs fali ba susu be’en no animal nia aihan atu bele habokur animal. Ami iha mos Diresaun Nasional ida atu bele buka kompradores sira atu bele mai sosa sasan refere.” Katak Vice MAP

Entretantu Estensionista Munisipiu Manufahi João Constancio Bonaparte hateten katak, Atividades ida ne’e kontribui atu bele haadia rai tanba ne’e maka ita kuda ona batar ou hare nia kontinuasaun ami kuda fali fore Mungu ou fore keli atu bele sai hanesan legume hodi bele hadia nafatin rai hirak ne’e.

“Ba kultivasaun fore mungu no fore keli ida ne’e ami uza mos ekipamentus modernu ne’ebe ho naran lesider no sapsider ami uza ekipamentus hirak ne’e atu bele redus osan ba selu ema no mos tempu. Tanba ekipamentus refere lalais liu. Ekipamantus hirak ne’e hetan apoiu husi Ajensia FAO rasik, tanba atividades ne’e mos ami implementa iha programa ida naran konservasaun Agrikultura. Oras ne’e dadauk ne’e dadauk iha aldeia hitu maka envolve iha atividades ida ne’e kuda fore mungu no Fore Keli ida ne’e.” tenik João (Tyfa)

Oct 10

MIRT Fo Treinamentu Planeamentu, Finansas No Aprovisionamentu Iha Ragiao I

1

Baucau- Ministry’s Institutional Reform And Transformation project (MIRT) fo treinamentu ba Diretor no chefe departementu Munisipiusira kona baFinansas no Aprovisionamentu atu bele ezekuta ou halao programa ne’ebe mak pleanedu ona iha parte Leste Regiao I ne’ebe mai husi Manatuto,Baucau,Viqueque no Lospalos, treinamentu ne’e hala’o iha edifisu MAP Baucau loron sexta-feira (06/10)

Read the rest of this entry »

Oct 09

PDHJ No KFP Halao Seminariu Boa Governasaun Ho MAP

IMG_1Dili- Provedoria Direitus Humanus da Justisa (PDHJ) no Komisaun Funsaun Publiku (KFP) hala’o seminariu ho Tema “Prevene no kombate korupsaun hodi promove Governasaun diak proteje Direitus Humanus iha servisu Administrasaun publiku nian“ seminariu ne’e hala’o iha loron Tersa (04/10), iha Salaun MAP Comoro Dili,

Prezidente KFP Faustino Cardoso Gomes, Provedor PDHJ Siveiro Pinto Baptista koalia konaba disiplina ou atitudes ba kada Fusionariu publiku sira atu nune’e bele iha Governasaun ida ne’ebe maka diak. Seminariu ne’e loke diretamente husi Secretariu Jeral MAP César Jose da Cruz no hetan partisipasaun Masimu husi Diretores Jeral no Diretor Nasional husi Ministeriu Agrikultura e Peskas (MAP).

Read the rest of this entry »

Oct 02

MAP Lansa Trator Unidade 12

eDili- Ministeriu Agrikultura e Peskas (MAP) lansa tan tratores unidade 12 ho marka Kubota 9540 ne’ebe maka manan husi kompania Timor oan ida ho naran Ponte Unipessoal Lda.

Tratores refere ofosialmente lansa husi Ministru Agrikultura e Peskas (MAP) Estanislau Aleixo da Silva akompanha mos husi lia nain balun no tratores refere hetan mos bensaun husi Nai lulik, Seremonia lansamentu ne’e hala’o iha loron Segunda feira (02/10) iha resinto MAP Comoro Dili.

Tuir Ministro Agrikultura e Peskas (MAP) Estansilau esplika katak,Tratores sira ne’e manan husi kompanha Timor oan naran Ponte Unipesoal Lda. sira mak manan konkursu hodi sosa tratores hirak ne’e, trator refere kada unidade ida ho folin 38 mil dolares Americano total orsamentu 500 mill dolares Americano.

Portanto tratores refere Ministeriu sosa mai diak tebes tanba marka KUBOTA hanesan trator sira ne’ebe maka ita nia Agrikultor sira uza bebeik ona, ita nia tratorista sira mos konhese ona, ne’e duni sira mos sei halo servisu ne’ebe maka diak liu tan.

“Trator hirak ne’e sei distribui atu konsentra iha irigasaun bo’ot ne’ebe ita

reahabilita tia ona hanesan Oebaba, Raibere, Bluto, Bebui, maibe trator sira ne’e sei la hela iha fatin ida, ami sei halo mobel bainhira municipiu ruma presiza ami lori trator sira ne’e sei ba halai ou fila sira nia to’os no natar. Para trator sira ne’e fo kobertura nasional para depois bele uza trator sira ne’e ho diak e uza tuir sira nia kapasidade maximu”hateten Estanislau.

Tratores refere sei fila rai ho gratuitamente maibe ikus mai mak sei hare, saida maka bele halo, para depois ne’e ho tempu ne’e bainhira situasaun diak oituan ona oinsa maka agrikultor bele fo kontribuisaun maibe ne’e laos agora.

Tuir mai ami mos sei tau tan orsamentu atu bele sosa tan tratore sira maibe laos ba trator bo’ot deit maibe sei sosa mos trator ki’ik. Tanba objetivu ita nia mak ne’e oinsa maka maximiza utilizasaun ba sistema irigasaun ne’ebe iha atu hodi aumenta produsaun bele hamenus dependensia ita nia rai ba importasaun aihan ninian.

Estanislau akresenta, Antes ne’e iha mos tratores 52 ne’ebe maka destribui ona, maibe agora avaria los ona labele uza, ami halo ona levantamentu hamutuk ho patriomoniu estado nian agora atu halo lelaun. Tanba trator sira ne’e balu at liu ona atu hadia mos la diak maibe trator rua (2) bele foti nia pesa bele tau iha ida bele hadia trator ida sai diak.

Entretantu Xefe Departementu Mecanizasaun MAP Severino Sousa Costa klarifika katak, tratores unidade 12 Ne’e kompanha barak mak mai kompete, maibe liu husi prosesu aprovizionamentu ministerio nian loke konkursu publiku, hot-hotu mai kompete iha ne’e. Ne’e duni iha kompanha barak mak mai, maibe iha 5 mak pasa ba prosesu Verifikasaun ba dokumentus, the best one the best two maibe kompanha ponte Lda. mak hanesan The Best One mak manan tender hodi fornese trator ne’e mai Ministeriu Agrikultura no Peska.

“Tratores refere ho kulidade ne’ebe maka diak tebes, marka KUBOTA no nia iha power ne’ebe maka bo’ot kompara ho tratores uluk ne’ebe maka destribui ona, tratores refere sei halo servisu movel sei la permanenete iha fatin ida”tenik Severino (Rozer & Tyfa)

 

 

 

 

Oct 02

MAP Lansa Projetu SAPIP

 

b

Lautem- Ministeriu Agrikultura e peskas (MAP) liu husi projetu SAPIP halao lansamentu ba projetu Hasa’e Produtividade Agrikultura Sustentavel, projetu ne’e tuir palnu hala’o iha Munisipiu hat, Ainaro, Oecuse, Bobonaro no Lautem. Total orsamentu ba projeitu ne’e hamutuk 21 Millioes finansia husi Banku Mundial.

Projeitu Hasa’e Produtividade Agrikultura Sustentavel ne’e ofisialmente lansa husi Ministro Agrikultura e Peskas, Estanislau Aleixo da Silva iha Suka Daudere Raumoco Munisipiu Lautem, Sexta (29/09).
Tuir Ministro Agrikultura e Peskas MAP Estanislaun hateten iha nia entrevista katak, Projeitu lansamentu ida ne’e, nia negosiasaun kleur ona , ami aselera oh negosiasaun, uluk tau de’it ba mota ulun rua hanesan Raumoco ho Loes, maibe iha V Governo Konstitusional habelar liu tan ba fatin ha’at, ne’e duni ida ne’e maka ohin halo lansamentu, projeitu ne’ebe maka sei servisu liu iha Agrikultura integrada, maibe hare liu ba mota ulun sira nia basia Hodrografika ne’e hare liu ba fatin sira ne’ebe maka mota halai tun mai presiza atu halo agrikultura ida ne’ebe maka diak no pratika Agrikultura ida ne’ebe maka diak.
Nia akresenta, Alienede ne’e laos hare de’it ba kuda aihan, maibe hare mos ba kuda ai horis atu nune’e bele kaer metin rai atu mota bele iha be’e tinan tomak, ao mesmo tempu introdus mos teknolojia foun atu oinsa maka bele aumenta produsaun Agrikultura nian iha ita nia rai laran. Depois sei fo mos kapasitasaun treinamentu ba ita nia Agrikultor sira atu sira bele halo jestaun ba sira nia servisu no produsaun.
Nia sublinha, Projeitu ida ne’ebe agora dadauk ita halo lansamentu Posto Administrativu Lautem Suko Luro maka hanesan nain ba projeitu ne’e, sira maka implementa MAP mai fo apoiu tekniku liu husi PMU superviziona no munitoriza projeitu ne’e nia lalaok.
Iha fatin hanesan Administrador Munisipiu Lautem Zeferino dos Santos Siqueira hatutan katak, Ba projeitu ida ne’e Ministeriu Agrikultura e peskas rasik maka halo negosiasaun e ita hetan tan fundus husi Banko Mundial, ida ne’e mos atu bele fo kapasitasaun liu ba membru Grupu Agrikultura sira atu nune’e sira mos bele iha kapasidade diak liu tan konaba vida agrikultura nian. Atu nune’e liu husi apoiu sira ne’e sira mos bele hamri’ik mesak hodi hare ba nesesidade moris lor-loron nian.
“Ami kontente tebes hakarak servisu hamutuk hodi fo apoiu tomak, tanba antes ne’e ami mos estabelese ona projeitu balun ne’ebe maka iha, ne’e duni ami sei kontinua nafatin programa ne’e ba oin, inklui servisu Munisipal Agrikultura nian atu nune’e sira iha terenu mos bele fo apoiu especial ba estensionista sira”Zeferino apresia.
Entrtantu Country Representative World Bank nian Macmilan Anyanwo hateten iha nia diskursu katak Timor Leste halo tiha ona progresu agrikultura sustentavel ne’ebe hahu nanis kedas iha tempu independensia, maibe sei nafatin hasoru dezafiu signifikate sira. Produsaun produtu besik tun, ho inseguransa alimentar sesoanal no taxa malnutrisaun ne’ebe sae no afeta espesialmente inan no labarik sira. Proditividade agrikola bele hadiak liu tan ho pratika jestaun, liu-liu konaba jestaun rai no be’e.
“Ami haksolok tebes atu apoiu Ministeriu Agrikultura e Peskas MAP Timor Leste nian, atu lori mudansa significate no efisiensia no impaktu ba programa agrikultura sira hosi ajuda ou hatan hatan ba nesesidade komunidade Agrikultores nian iha pais ida ne’e.” tenik COUNTR Representative World Bank Macmilan Anyanwo. (Tyffa).

Sep 15

MAP – ADB SEI HADIA KUALIDADE KAFÉ IHA TL

Ministru Agrikultura no Peskas Estanislau  Aleixo da Silva  partsispa workshop ne'eb maka MAP - ADB hallao konaba kafe iha TL, loron kinta-feira iha salaun MAP Komoro Dili. fotografer Roger/ info-MAP

Ministru Agrikultura no Peskas Estanislau Aleixo da Silva partsispa workshop ne’eb maka MAP – ADB hallao konaba kafe iha TL, loron kinta-feira iha salaun MAP Komoro Dili. fotografer Roger/ info-MAP

Dili – Ministeriu Agrikultura e Peskas (MAP) ho Parseiru Internasional Asean Development Bank (ADB) hala’o Workshop konaba Suporta ba Preparasaun Dezenvolvimento Nasional no hadia kualidade iha Seitór Kafé iha Timor-Leste tanba kafé hanesan kultura ida ne’ebe importante.

Tuir Ministru Agrikultura e Peskas, Estanislau Aleixo da Silva, iha workshop Kafé ne’ebe maka hala’o iha salaun MAP Komoro Dili hateten katak, Ita hakarak dezenvolve no hasae produsaun no kualidade kafé iha Timor ita sei iha plano iha seitór ida.

Iha whorkshop ida ne’e tau ema sira ne’ebe serbisu iha asosiasaun kompradores produtór sira ho kooperativa kafé sira tau hamutuk ita aprezenta plano dezenvolvimento setorial oinsa ita bele dezenvolve ita nia kafé ne’eba oin.
Familia barak iha rai laran barak maka depedente deit ba produsaun kafé neduni oinsa ita at dezenvolve kafé sai diak liu tan presija planu ida ne’ebe mak diak oinsa mak bele hare osan hira sei presija iha area kafé nian no medida saida mak guvernu sei foti para bele fasilita ita nia produtór sira bele asesu ba kreditu para bele halo investe iha seitór kafé nian maibe importante mos tenki iha ligasaun ba merkado aumesmo tempu iha rejiaun.

Nia mos realsa katak, Iha komprimisiu boot tebes iha tinan kotuk governu tau osan ba halo rehabilitasaun 500 hektares ba kafé ninian, tinan ne’e halo rehabilitasaun ba 400 hektare tuir lolos hanesan ita sei halo liu tan halo to’o mil hektares maibe lakonsege tanba osan la to’o, neduni ita hein katak governu foun mai sei tau osan barak para iha agrikultura partikularmenten tau osan oituan para apoiu nafatin serbisu ne’ebe ministerio agrikultura e peskas halo, durante ne’e produtór kafé halo rehabilitasaun ba kafé iha fatin sira henesan, Ermera, Lolotoe, Laclubar, Turiscai, Ainaro, Aileu, Manufahi no Liquiça fatin hira ne’e mak ita iha plantasaun kafé.

“ Kafé hanesan produtu reprezenta exportasaun bo’ot liu iha ita nia raIN, kafé hanesan agrikultura maka sai baze hanesan ekonomia, ita hotu hatene ita nia agrikultura seidauk atinze dezenvolvimentu ne’ebe ita hotu hakarak, kuda para han kuda ba faan iha merkado, kuda ba han ida ne’ebe resin ona maka ita ba faan iha merkado, vida agrikultura ita haknaok hodi buka moris ida ne’e situsaun ida ne’ebe ita hare iha rai laran. Sirbisu ida nebe iha planu ida konkretu para hare investementu nian dala ruma ema koalia dehan tau osan ba agrikultura nian, muinto bem amenta osan ba halo saida, e hein rezultadu saida no bainhira produs tia e produs ne’e atu halo saida, bainhira produs diak nia ligasaun merkado ne’e oinsa, buat sira ne’e hotu lakoi mensiona buat barak- barak, hau hakarak fo agradese ba ADB fo apoiu serbisu iha area oin-oin parseiro sira ne’e mos fo apoiu iha area insentifika de intervensaun hanesan japaun, liu-liu Amerika auSAID ADB, ne’ebe iha tinan barak fo apoiu hodi estabelese kooperativa kafé iha timor laran tomak “ . Teknik Estanislau Aleixo da Silva

Ba oin kooperativa kafé iha Timor oras ne’e maioria assosiasaun alende kafé sira mos hare ba produsaun sira selseluk hanesan mos pimenta metan ne’e buat ida diak para atu bele promove.

Desde uluk kafé sai prioridade iha primeiro governo, kafé ne’e iha area prioritariu, antes hau husik governo iha 2007 fo apoiu auSAID – ADB nian ita halo tia ona estratejia dedikasaun de kafé, iha tinan 2005 ne fo apoiu AuSAID ADB ita dezenvolve planu estratejia katak inportasaun e plantasaun kafé niniann laos deit hare ba kafé maibe oinsa maka hare ba suptituisaun ba ita ninia ai mahon sira ba kafé estratejia mos iha ona ne’e programa ne’ebe hala’o ona so que felismente depois prioridade seluk governu foun sira ne’e balun husik.

Iha fatin hanesan, Evangelino Monteiro Soares nudar Prezidente Assosiasaun Empreja Exekutivu mos informa, Assosiasaun hanesan buat foun ida ne’ebe foin moris iha Timor Leste iha tinan 2016 ne’ebe mai kolabora ema hot-hotu iha Timor Leste iha industria kafé ninian portantu husi produtores industria kafé lozas kafé baristas ne’ebe maka inklui iha seitores kafé ninian aktividade sira ne’e hotu realiza no suporta husi governu , ADB, MDF, no Uniti, e agradese ba doadores sira ne’ebe inportante nudar asosiasaun para bele lao hodi hadia refetalisa atu kria ninia visaun no misaun.

Mutual dezelvolve mos ita nia marka kafé Timor – Leste ba iha mundo Internasional katak koalia konaba kualidade kafé, e aumesmu tempo asosiasaun ne’e mos bele fo kapasitasaun ba ninia membro sira hotu portantu produtores, no sira ne’ebe maka prepara kafé ba ema hemu para nune’e bele hadiak liu tan kafé organiku, .
Total memebru assosiasaun kuaze mai husi kompaiña hotu ne’ebe maka iha Timor portanto 10 resin mai husi produtór sira mai husi munisipiu 7 hanesan, Ermera, Liquiça, Aileu, Same, Ainaro, Bobonaro,no Mos Manatuto, sira ne’e hotu atu bele servisu hamutuk.

Alende ne’e, Lucio Marçal Gomes nudar Reitor East Timor Coffee Institu (ETCI) Munisipiu Ermera hatutan, Ita hotu hatene Timor – Leste katak ninia rikusoin rua mak ita presija kuidadu rikusoin ida mak Gas no mina ida maka rikusoin iha seitór Agrikultura sai hanesan ekomnomia tanba seitór agrikultura ne’e iha ninia liña lima maka seitór lima mak ita tenke hare maka primeiru plantas industriais kafé, seguransa alimentar, pekuaria, Floresta no ikus liu maka peskas, agora produtu ida ne’ebe maka lori ona Timor nia naran sai ba mundo maka Kafé.
Produtu agrikultura ida ne’ebe maka fo ona ninia rendimento ou ekonomia ba ita nia agrikultór sira iha Municipiu, Aileu, Ainaro, Manufahi, Ermera, Liquica, Bobonari, no munisipiu sira seluk mos iha oituan-oituan, kafé boot liu ne’e iha munisipiu 7, entaun ita hare katak iha munisipiu 7 ne’e maka iha produsaun kafé nia sustenta ona 80% komunidade iha Munisipiu 7 ne’e ninia moris ne’e mudansa ona, entaun ita presija halo dezenvolvementu.

ohin parseiru sira mai koalia konaba kualidade kafé no istoria konaba kafé nia orijinal ne’e mai husi ne’ebe, Kafé ne’e iha fase tolu (3) mak hanesan, fase primeiru iha tempo portuques sira maka kuda, iha tempo indonesia mai ku’u, depois iha ukun a’n ne’e maka iha liafuan ida deit mak avo maka kuda maromak mak hakiak depois jerasaun foun mai ku’u deit tanba maibe iha tinan tinan ta nunka hadia nia produs maibe ema ba ku’u deit tanba ne’e maka ami hakarak hatete, ermera kuandu nia ku’u kafé ne’e buat hot-hotu ne’e rezolve hotu kedas, exemplu hanesan ba halo lia ou ba hola feto tanba kafé la tau kestaun ida ne’e hanesan osan ida iha banku.

Governu hare ona katak kafé ne’e mos sai hanesan seitór ida presija tau atensaun, entaun atraves ministerio agrikultura serbisu hamutuk ho ADB hamutuk ho ONG Internasional sira sira konvida ema sira ne’ebe maka atu sosa kafé, ita labele koalia deit imaibe ita tenke tau atensaun ba ida ne’e.

Ohin workshop ne’e prepara planu estratejia espesial ba kafé oinsa para atu dezenvolve kafé ne’e ba futuru, agora ita koalia konaba halo prevensaun ou halo intervensaun ba futuru ne’e oinsa, tanba ne’e maka presija halo planu estratejiku ida ne’ebe maka diak, hodi halo dezenvolvimentu kafé iha munisipiu 7 refere para atu bele garantia ninia sustentabilidade kafé.

Nia akresenta, Kafé ninia produsaun tun iha buat oin 3 maka afeita primeiru maka kafé ne’e tuan, segundu ninia mudansa klimatika agora ne’e konaba produsaun kafé ne’e tun, tanba kafé ne’e presija udan be’en ne’ebe diak no terseiro ita nia agrikultór sira la tau atensaun ba manutensaun kafé hanesan la hare du’ut, la hamos du’ut, la tau adubu, entaun ida ne’e mos afeita hotu, hanesan mos ita ema la han ka hemu vitamina diak ita isin tun ou krekas, ai horis saida deit sira presija tau vitamina no protein ida ne’ebe maka diak para sira bele moris diak , agora dadaun ita presija transforma mentaliza agrikultór sira e kompaiña sira tenke fo apoiu no governu mos fo apoiu para ita bele hasae hadia kualidade kafé entaun iha fase rua, primeiru maka halo rehabilitasaun ba kafé tuan ne’ebe maka iha ona, segundo maka halo replantin kuda foun fali kafé ida ne’ebe maka iha suptitui kafé sira ne’ebe maka iha ona ne’e bele fo produsaun ida ne’ebe maka diak.

Planu ba futuru ne’e tenki hare’e didiak kualidade produsaun kafé para ita bele garantia katak ninia sustentabelidade kafé.(Roger)

Sep 12

MAP SEI DETERMINA FOLIN FINI

Diretor Jeral Agrikultura, Hortikultura e Extensaun halao enkontru ho Konsellu fini nasional. Fotografer Elsio Jong/Info MAP

Diretor Jeral Agrikultura, Hortikultura e Extensaun halao enkontru ho Konsello fini nasional. Fotografer Elsio Jong/Info MAP

Dili- Ministeriu Agrikultura e Peskas (MAP) liu husi Diresaun Nasional Agrikultura Hortikultura E Extensaun hala’o ekontru ho ekipa konsello fini Nasional hare konaba folin fini hanesan Hare, Batar no fore rai.

Diretór Nasional Agrikultura Hortikultura e Extensaun, Amaro Ximenes iha nia entrevista sesta –feira (8/09) iha salaun MAP Komoro Dili katak, objetivu enkontru atu bele formula ideia ruma konaba folin fini ne’ebe maka garikultór sira produs sira bele eleva sira nia nivel Ekonomia iha future liu husi produsaun ne’ebe maka sira iha.

Agora dadauk MAP sei hare konaba folin fini nian atu nune’e ita nia agrikultor sira mos bele hetan subsidiu husi Estadu.

Iha estrutura Fini Nasional nian Ministru Agrikultura mak sai presidenti iha konsello fini nasional nian no hau rasik mak sai sekretario neduni iha ne’e atu hare problema ida mak konaba presu fini tanba durante ne’e agrikultór sira faan sira nia fini karung liu fali fini importasaun neduni orasa ne’e dadaun MAP iha estratejia ida hodi oinsa mak bele hare folin refere, sekundo ita hatun folin fini entaun ita tenki iha kustu de operasaun. Nia akresenta.

Ekipa ne’ebe servisu ba area ne’e hanesan, Akademia Universidade Nasional Timor Lorosae, Asosiasaun ANSA, HASATIL, Departamentu Fini, Departamentu Estensaun no Departamnetu Produsaun Alimentar hamutuk ho Diretór Jeral Agrikultura Hortikulta no ohin ekipa ne’e mos aprejenta katak batar no hare presiza fa’an duni ho folin 1.50 kada kilgograma maibe presiza hasa’e fore rai nia folin ituan tanba ita nia Agrikultór sira sente lakon.
Entretantu Acacia da Costa Guterres Xefe Departamentu Agronomia UNTL hanesan mos membru iha konselho fini Nasional ne’e hatutan katak, konsello Fini Nasional determina konaba folin Fini ne’e importante tebes atu ita bele hare ba Agrikultór sira atu produs buat ruma entermus de negosiasaun atu sira mos bele hetan rendimentu diak ba sira nia moris.

Nia realsa folin fini iha buat rua maka importante tebes, Ida maka halo kalkulasaun ba kustu produsaun, no ita mos halo ita nia estimasaun ba iha produtividade ne’ebe ita koalia konaba rendimentu. Husi faktor rua ne’e hafoin ita halo fali nia kalkulasaun ida kuandu ninia kustu produsaun ne’e bo’ot liu rendimentu maka ita nia agrikultór ida ne’ebe fa’an ne’e labele hetan osan, tanba ne’e maka ita tenta nafatin atu hadia nia rendimentu bo’ot liu iha produsaun.(Tyfa)

Sep 06

Treinadór 20 Husi Xina Sei Fo Treinamentu Ba Agrikultór No Funsionariu Balun

Diretor Jeral Floresta Manuel Mendes hamutuk ho Formador husi nasaun Xina. Fotografer Elsio Jong/Info MAP

Diretor Jeral Floresta Manuel Mendes hamutuk ho Formador husi nasaun Xina. Fotografer Elsio Jong/Info MAP

Dili- Ministeriu Agrikultura no Peskas liu husi Diresaun Jeral Floresta simu formadór husi nasaun Xina hamutuk ema nain 20 ne’ebe sei fo treinamentu konaba oinsa atu tesi ka poda kafe ne’ebe mak idade tuan ona ba agrikultór husi Munisipiu sira inklui funsianariu balu husi diresaun nasional Café Plantas e Industria.

Diretór jeral Floresta Manuel Mendes hateten katak, koopresaun servisu entre MAP ho Guvernu Xina diak liu tanba agora dadaun sira mai atu fo treinamentu oinsa mak kapasita agrikutór no funsionario balun iha area kafé .
Treinamentu ne’e ne’e sei hala’o iha sentru treinamentu Munisipiu Ermera durante fulan ida tanba atu hare liu kona ba oinsa prosesu koilleta kafé no oinsa rehabilitasaun ou poda kafé ne’e lao oinsa, informa Manuel Mendes, iha loron tersa-feira(05/9 ) iha salaun MAP Komoro Dili.

Nia mos realsa, fiar katak durante fulan ida agrkultór no funsionario sira tuir trienamentu bele hetan material ne’ebe mak sira hanorin atu nune’e sira bele transfere sira nia matenek ba fali ema seluk ou agrikultór sira seluk iha Munisipiu ne’e rasik.

Entretantu reprejentante husi Ministeriu Komersiu povu Republikano Xina, DU hateten katak, eventu ne’e hanesan onra boot ida mai ami atu fo treinamentu ba agrikultór no funsionario husi MAP Timor Leste nian konaba koilleta kafé no rehabilita kafé nian.

Hau espera katak treinamentu ne’e sei fo benifisiu ba sira no ajuda sira iha dezenvolvimentu industria kafé Timor Leste no hadia diak liu tan produktividade kafé nian ne’ebe mak sei fo benifisiu boot ba povu Timor Leste, tenik DU.

Iha tinan lima kotuk Xina mos fo treinamentu ba tekniku sira inklui ofisial Ministeriu agrikultura nian no ministeriu sira seluk ne’ebe foka liu konaba area ekonomia, Turismu, Saude no jestaun ba guvernante nian.

Ekipamentus ne’ebe mak treinadór sira uja maka hanesan, livru matadalan, kateri oinsa tesi ka poda kafé no makina oinsa halo kafé atu hemu, iha treianmentu ne’e partisipante sira sei hetan teoria no pratika diretamente iha kampu.(Tyfa)

Older posts «