Category Archive: Uncategorized

Apr 21

PROGRAMA TOMAK SEI HADIA SEGURANSA AIHAN NO NUTRIUSAUN IHA TIMOR LESTE

Reporter:Tyfa & Elsio Jong

Dili-Ministeriu Agrikultura no Peskas (MAP) hala’o enkontru ho Agensia Australia Aid liu husi programa To’os ba Moris Diak (TOMAK) ne’ebe finanasia liu husi guvernu Australia kulia konaba hasae produsaun mos nutrisaun hodi povu ida bele hetan aihan ne’ebe maka kualidade.

Enkontrune’e hala’o iha loron Kuarta (12/04) iha Salaun MAP Comoro.

Objetivu husi programa TOMAK iha komponente rua, ida maka seguransa aihan no hadia nutrisaun no komponente segundu atu hadia no muda agrikultor husi substensia ba komersial programa .

Programa TOMAK   hanesan programa foun ida ne’ebe   mak troka ajensia Fini ba Moris ka seed of life iha Timor-leste ne’ebe mak remata ona nia servisu. Ajensia Tomak sei servisu hamutuk ho Ministeriu Agrikultura no Peskas durante tinan lima mai neduni programa ne’e hahu ona komesa fulan Juñu tinan kotuk.

Tuir Secretariu Jeral MAP César Jose da Cruz iha nia entrevista katak, MAP liu husi planu estratejiku Nasional no mos politika Ministeriu ninian ne’ebe maka servisu hamutuk ho ajensia sira, nune’e mos projeitu balun ne’ebe maka mai husi Australia sira ne’e hare liu ba saude seguransa alimentar no nutrisaun inklui oinsa atu dezenvolve merkadu no rendimentu ba povu ida ne’e.

Nia hatutan, parte teknika nian ne’ebe presiza hala’o hamutuk ho Ministeriu maka kapasitasaun no oinsa maka envolve joven, jéneru feto no mane sira ne’ebe servisu iha area agrikultura.

Iha fatin hanesan reprezentante husi programa “Tomak” Modesto Lopez hatutan, programa ne’e rasik nia fundus mai husi Governu Australia no hatutan mos ho programa ne’ebe uluk habarak fini ba moris maibe iha mos diferente uituan tanba programa ida ne’e hare liu ba nutrisaun no seguransa aihan.

 

 

Apr 21

Politika Oceano Nasional sei proteze rekursu tasi Timor Leste.

Reporter: Tyfa, Celcia Allus

Dili- Ministeriu Agrikultura e Peskas (MAP) liu husi Diresaun Nasional Peskas hala’o enkontru ho Ministeriu relevante sira ne’ebe maka iha ligasaun ba tasi, hodi koalia konaba Politika Oceano Nasional, Enkontru ne’e hala’o iha loron Kinta (20/04) iha Salun MAP Comoro.

Diretor jeral Peskas Acacio Guterres hateten iha nia entrevista katak, objetivu husi reniaun ne’e hanesan kontinuasaun husi semana rua nian liu ba, enkontru ne’e koalia kona ba politika Oceania Nacional ne’ebe maka koalia konaba vida moris ka animal moris iha be laran.

Acacio esplika, artigu numeru 14 iha ne’eba koalia konaba konserva uza sustentatabilidade Oceano tasi rekursus peskas nian ne’ebe sustentavel tamba ita mos hola parte iha ONU ita mos presiza prepara ita nia politika oceano oinsa mak ita bele harmoniza politika.

Nia fo sai katak iha dia 5 ho dia 9 de Junho Timor Leste mos sei partisipa ba iha ONU konaba selebrasaun Mundial ba Oceanu nian, tanba ne’e maka ita presiza prepara ita nia dokumentus refere hodi bele koalia mos iha Enkontru Jeral ne’e.

 

Enkontru Jeral ne’e rasik sei koalia tema 7 ne’ebe maka importante, tanba ne’e presiza membru nain hitu maka atu ba partisipa, maibe ita nia Embaxada iha ne’eba autoriza nain tolu de’it maka ba tanba depende ba orsamentu.

Iha fatin hanesan Fonseca dos Santos Pereira hanesan reprezentante husi ministeriu Negosiu Estranjeiru E Cooperasaun (MNEC) husi nia parte nia sente katak reuniaun ne’e importante tebes tanba atu halo politika ida konaba Oceanu Timor-Leste nian.

“Programa ne’e ne’e hau hanoin diak tebes tanba bele defini politika ida ne’ebe maka diak, liu-liu konaba Oceanu tasi ho nia rekursu hotu-hotu hodi bele fefini lolos nune’e bele iha regulamentu ida ne’ebe maka klaru atu proteje ita nia Oceanu” Fonseca hatete.

Enkontru ne’e MAP rasik maka realiza no hetan mos partisipasaun husi Meiu Ambiente,Recursus Minerais,Ministru Negosio Estrangeiru sei hamutuk mak ba,tamba ida ne’e mak relesaun direita ba tasi nian.

 

 

 

Dec 20

DNAHE FO Treinamento TOT no SL ba Grupo Agricultores iha Munisipiu Covalima, Ainaro, no Manufahi konaba Mol (Mikro Organisme Lokal) no Adubus organiku

dgRozer.Lopes
Ainaro – Ministeriu Agrikultura no Peskas liu husi Diresaun Nasional Agrikultura Hortikultura e Extensaun fo treinamentu ka Training of Treiner (ToT) ba grupu agricultures atu oinsa halo Mol Mikro Organisme Lokal ba Adubus Organiku iha Munisipiu tolu (3) mak hanesan Manufahi, Covalima no Ainaro.
Liliana Amena Lopes nudar Official Implementador Programa ToT, SL (Sekolah Lapang) iha DNAH-MAP esplika katak Treinamentu ne’e halao tamba Servisu hamutuk ho Peritus husi Universidade Brawijaya Malang – Indonesia hanesan programa Integradu ka Integrated Farming Area (IFA).
Pograma treinamentu ne’e implementa iha munisipiu tolu ne’e hare liu ba skema Irigasaun boot tolu hanesan Irigasaun Fernando LA SAMA Raibere, Skema irigasaun Oebaba ho Naran Kay Rala Xanana Gusmão, no Irigasaun Manufahi Karau Ulun.
Objetivu treinamentu ne’e atu kapasita grupu agrikultores ne’ebe durante ne’e hetan ona Hand Tractor ka trator liman hodi fila rai, atu nune’e oinsa mak sira bele utiliza sira nia rai ho diak atu hasae sira nia produsaun.
Treinamentu ne’e hahu identifika grupu, depois identifika area no terseiro dinamika grupo katak grupo ne’ebe mai ona oinsa sira bele iha vontade no inspirasaun atu tuir treinamento ida ne’e.
Treinamento ida ne’e tama ona iha 50% katak ami fo treinamento ka hanorin ona grupo agrikultores sira no ami mos identifika ona rai ida ne’ebe mak bokur no rai ida ne’ebe mak krekas, rai ne’ebe mak krekas treinador sira sei fo treinamento ba sira konaba Mol (Mikro Organisme Lokal ) ne’e ba iha sira nia area rasik sira labele ba sosa iha loja no maibe adubus Organiku ne’e iha sira nia Area rasik hodi halo MoL pupuk Organiku.

Iha fatin hanesan Lorenço Fereira husi Municipiu Covalima Postu Administrativu Zumalai Suco Raimea Aldeia Oebaba mos hateten katak, Iha Treinamento ne’e extensionista sira hanorin Oinsa maka bele hatene rai ne’ebe krekas bele sai rai bokur, oinsa mak ita bele hakiak animal no oinsa mak ita kuda hare.
Estadu fila ami nia rai gratuita maibe rai ne’e ami kuda hare ou batar la fo produsaun ne’ebe diak tamba rai ne’e krekas ona entaun extensionista sira ho Peritus husi Universidade Indonesia ne’e mai fo treinamneto ba ami atu halo Adubus Organiku husi material lokal mak hanesan Karau ou bibi nia ten ne’e foti tau iha balde, kahur hamutuk ho gula Merah, terasi, fos be’en, nu’u be’en, du’ut morin abut, du’ut manulain, au abut. Depois nia abut sira ne’e ita tetak-tetak tau ba iha jerigen litru 5, kahur halo hanesan ita hein to’o loron 14 bele uja no sai ona adubus. Ita mos bele uja adubus ne’e ba fo han animal no ikan.
Ami orguilho tebes tamba bele uja ita nia adubus rasik ba hare no aihan ne’ebe ita kuda. Adubus organiku ne’e ita halo fasil teb-tebes maibe ita la hatene atu halo, ho prezensa tekniku sira husi Indonesia maka ohin loron ita nia extensionista sira fo fali treinamento ba ami atu halo adubus rasik. Ne’e duni ami grupo agricultores ba oin sei produs hahan ho kuantidade as tamba ami bele halo rasik ona adubus organiku ne’e.
Celestino Fereira husu ba estado liu husi Ministerio Agricultura atu iha kontinuasaun ba programa ida ne’e tamba programa ne’e diak tebes ba grupo agrikulores sira hodi hasae produsaun iha ita nia rai laran. Ema husi Nasaun seluk bele ita mos bele hodi hasae produsaun ho kualidade no bele garante iha kuantidade.

Alende ne’e, Marcos de Araujo Koordenador Extensionista Munisipiu Ainaro informa katak, MOL ne’e aban bainrua ita uja ba ai horis Hare, wainhira hare moris ladun diak ita uja MOL ka rumen litro ida ho be’e litro sanulu ba tenki ida hodi rega, wainhira hare ne’e menus nutrisaun tamba rai bokur menus entao ita bele lori MOL ka adubus ne’ebe ita prepara tia ona, ne’e mak ami hala’o treinamento ba agrikultor sira.
MOL Adubus organiku agora ita prepara hela Fulan Janeiro mak ita sei hoban hare atu viveirus, iha viveirus ba transplantasaun katak ita muda husi fatin ki’ik ba fatin bo’ot. Ita prepara hela MOL depois ita kuda hare ita hare nia moris ka saude ne’e diak ou la diak, hare ne’e saude ne’e diak entaun ita la presiza rega, hare ne’e saude la diak entaun ita bele uja MOL Adubus be’en ne’ebe ita prepara tia ona.
Formasaun ida ne’e Ministerio Agricultura no Peska liu husi Diresaun Nasional Extensionista serbisu hamutuk ho Dosente Universidade Brawijaya Malang – Indonesia tamba sira sai hanesan Assessor ba Ministerio Agricultura hodi habelar informasaun ba komunidade Raibere, Cassa no Bonuk iha Munisipiu Ainaro.
Treinamento ne’e hala’o iha fatin 3 implementa iha area 100ha, iha Raibere implementa 40ha, Bonuk 30 ha, no iha Cassa 30ha. Rezultadu primeiru ami kolheta ona, atu kontinua implementa programa ida ne’e maka ita sei prepara hela adubus sira ne’e depois ita tama ba Janeiro 2017 hahu fila fali aktividade ne’e
MOL adubus organiku ne’ebe ita halo bele uja ba ai horis sira hanesan modo, hare, batar no bele mos fo hemu ba animal sira hanesan bibi, manu, karau, no fahi.

Nov 03

MAP Partisipa Enkontru Kona ba Coral, Species no Seguransa Alimentar

Zevonia Vieira

img_2834Papua New Guinea - Governu Timor-Leste, liu hosi Ministeriu Agricultura e Pescas, partisipa enkontu kona ba Coral, peskas no seguransa alimentar, ne’ebe organiza hosi Coral Triangle Initiative (CTI)

 

Enkontru loron ba da uluk nian, iha loron 31/10, foka liu ba iha servisu grupu, atu hare no saida mak bele rekomenda ba Coral  Triangle Initiative, liu-liu ba iha area tasi nian.

Iha sesaun enkontru grupu nian, hare kona ba grupu teknikal, grupu governasaun, dezenvolve no promove sustanibilidade turismo natura, dezenvolve kapasidade tekniku, forum feto lideransa no lrede governu local.

 

Obketivu hosi enkontru servisu grupu ida ne’e atu hare progresu ne’ebe lao ona, hanesan tasi no species sira ne’ebe hetan risku iha tasi laran, hare progresu servisu ho governu iha kada nasaun ba asumtu tasi no dezenvolvimentu kapasidade ekipa teknika nian, oinsa atu fo prioridade ba asumtu coral, species, tasi no meio ambiente tasi nian.

 

Enkontru ida ne’e hala’o iha Papua New Guine, hahu hosi loron 31 Outubru to loron 3 Novembru. Nasaun ne’ebe partisipa iha Coral Triangle Initiative, mak Papua New Guinea, Salomon Island, Indonesia, Malaysia, Filipna no Timor-Leste.

 

Ekipa hosi Ministeriu Agricultura e Pescas, Timor-Leste, mak Director Jeral Pescas, Acacio Guterres, Director Jeral Admintistrasaun no Finansas, Ervina Pinto, Director Nasional Aquicultura no Pontu fokal ba CTI, Horacio Amaral no Komite Koordenasaun Nasional ba Kooperasaun Regional ATSEA, PEMSEA, CTI.

Dec 02

Reuniaun konaba hamenus Insiguransa alimentar no Nutrisaun iha paizes CPLP

FOTO CPLPReuniaun konsellu siguransa CPLP ne’e hare liu ba siguransa alimentar no oinsa atu hamenus Insiguransa alimentar iha paizes CPLP nian. (25/11/2015 iha CCD)
Ministro de Estado, Coordenador dos Assuntos Económicos e Ministro de Agricultura e Pescas, Estanislau Aleixo da Silva hateten konsellu siguransa CPLP nudar topiku ne’ebé iha tempu ne’eba nasaun Moçambique apronva depois iha tinan kutuk ita timor rasik fó kuntinuidade katak SIGURANSA ALIMENTAR nee topiku ne’ebé bot teb-tebes iha ajenda CPLP, nune’e reuniaun ohin ita kompri ita nian mandatu hodi halo reuniaun extraordenariu. Tuir lolos reuniaun extraordenariu ne’e halao iha tinan kutuk maibé tamba tempu mak lato’o, nune’e ohin ita halo reuniaun extraordenariu ho prezensa ministru sira mai husi rai seluk.
Entertantu Ministru mós hateten, reuniaun ne’e mós sei aprova dokumentasaun barak konaba estratejiku seguransa alimentar, hare mós konaba nusa atu involve seitor privadu tamba pela primeiravez iha reuniaun nee ita bolu seitor privadu AGRO Alimentar hodi hola parte iha reuniaun ne’ebé halao iha domingu (22/11/15) iha Hotel Novo Torismu ho assuntu hakarak diversifika alimentasaun ita nia populasaun nian. Pur exemplu ita labele han deit fos ita mós bele han buat seluk hanesan batar, atu ita nia populasaun bele hetan asessu ba ihan sira nee, no mos aihan nebe konstrutivu, depois hare mós hodi bolu atensaun ba politiku no governu sira katak siguransa alimentar nee hola parte iha direitus humanus iha populasaun CPLP. (Ekipa Informasaun)

Aug 06

MAP KOMEMORA TINAN SOLO MUNDIAL 2015

Foto solo mundial

Ministerio Agricultura e Pescas liu husi Diresaun Nasional Servisu Peskiza e Epesializadu hala’o Konferensia Solo Nasional hodi Komemora Tinan Solo Mundial 2015.

Konferensia ne’e ho nia objetivu Hasa’e kuiñesimentu fundamental husi utilizasaun rai ba nesesidade humanu (Asegura Aihan, Animal, peskas no seluk-seluk tan) no Sensiblija peskizador, academikus no pesoal floresta sira ba utilizasaun no koserva rai husi degradasaun ne’ebe bele afeta ba funsionamentu rai ( Erosaun ne’ebe mak Halakon Rai Bokur iha Top Soil Kontaminado ho Material Kimiku no Residu husi Utilizasaun Adubu Kimiku no Pestisida), koferensia hala’o iha loron sesta-feira 31/7/2015 iha salaun Esperenz Elemloi Dili.

 

May 03

Ekosistema Tasi/Ikan

Ekosistema tasi/Ikan katak prosesa roda moris (Siklus) nebe presisa ba malu ka relasaun kada ida ho sasan moris seluk nebe iha ambiente ida que moris bá. Ekosistema mak iha area pesca mak maioria ita “Kuidadu” iha Timor Leste mak hanesan ; Aiparapa (Mangrove), du’ut tasi (Sea grass) no Ahu ruin (Coral Reef). Iha edisi journal ida ne’e sei koalia liu kona bá AHU RUIN (Coral Reef) ka lian Bahasa Indonesia Terumbu Karang nebe sai fatores/assunto importante iha periode ida ne’e iha mundo, nebe halibur an iha relasaun internacional mak hanaran Coral Triangle Initiative (CTI) kompostu husi nasaun nen (6) hanesan Indonesia, Malaysia, Philippine,
Papua New Guinea, Salomon Island no Timor Leste. Coral Triangle Initiative (CTI) nebe deklara tia ona hosi lieader kada nasaun idak-idak “Leader Declaration” iha Manado Indonesia fulan Maio 2009. Ho razaun katak iha nasaun nen nebe tama iha regional ne’e potensial ba Ahu Ruin (Coral Reef) moris ho buras/diak maioria, no bele fo benefisio boot ba iha area Tourismo no Pesca sustentavel. Razaun seluk katak iha mundo rekursu ba Ikan tinan ba tinan indikasaun tun/menus drastis (Presaun), ema barak tokon ba tokon nebe utiliza tasi sai hanesan buka moris/hatutan moris no ekonomikamente maioria iha mundo mai hosi rekursu tasi. Tamba Ahu Ruin (Coral Reef) mak sai hanesan haburas no habarak biodiversidade iha tasi laran. Funsaun hosi Ahu Ruin (Coral Reef) mak hanesan tuir mai ne’e : Fatin ba ikan moris, fatin ikan tolun, fatin haboót an, fatin (armagem) hahan ba ikan, fatin protégé an hosi predator, Fatin protesaun hosi ondas no arus/korenti, fatin ba Biodiversidade animal tasi, fatin tourismo, fatin hodi halao peskija scientifiko. Ho aportunidade ida neé oinsa ho Vantagem no Desvantagem hosi Ahu Ruin (Coral Reef);
Atu prevene estragus hirak ne’e Direcção Nacional de Pesca e Aquicultura (DNPA) iha ona Base Legal, Decreto Lei Governo No.6/2004 (21 de Abril de 2004), Artigo 81. Proteksaun Ambiente Aquatica, Artigo 85. Proibidu halibur ka hasai Ahu ruin (Coral Reef), nomos artigo balu koalia kona ba Equipamentos de Pesca (Proibidu) hanesan Rede Arastu. Nomos parte tekniko nian oinsa atu protégé, konserva no reserve ba rekurso hirak neé, atu nune bele ejisti nafatin, buras bá oin Ministério de Agricultura e Pescas (MAP) – Direcção Nacional de Pesca e Aquicultura (DNPA) kolabora hamutuk ho programa Regional no Bilateral mak hanesan Coral Triangle Initiative (CTI) iha Timor Leste Coral Triangle Initiative Support Partnership (CTSP) Timor Leste (Parque Nacional Nino Koni Santana/NKS Lautem no Oecussi) , Partnership Environment Management of the Sea East Asia (PEMSEA) (Manatuto,Liquiça) , Arafura Timor Sea Expert Forum (ATSEF – ATSEA) Tasi Timor, Coral Triangle Initiative Pacific (CTI-Pacific/ADB) Batugade, Atauro, Area costeiro parte norte – weste no Food Agriculture Organization (FAO).

May 02

Quarentena Australia (AQIS) no Quarentena Timor-Leste (DNQB) halo survey hamutuk ba saude plantas iha TL

Bazeia ba Nota Kooperasaun Servisu (MoU) bilaterais entre Ministeriu Agricultura e Pescas no Departemento Agricultura, Florestas e Pescas no Australia iha areia saude plantas.
Iha loron 7-15 Marsu 2011 foin liu ba ekipa sientista Entomologist (peritus pragas nian) no Plant Pathologist (peritus doensas plantas nian) nain 4 husi Australian Quarantine and Inspection Service (AQIS) halo survey hamutuk ho ekipa saude plantas husi Departamento Quarentena Plantas no Protesaun Plantas, Ministeriu Agricultura e Pescas iha Timor-Leste.
Hanesan Chefe Departemento Quarantena Plantas, Sr. Valente Quintao esclarese katak, Tarjetu survey ne’e ba komiditi importante, tamba sira hanesan hortikultura no vegetais (fehuk roupa, modo, tomato, fore keli, koto, nst) iha Distrito Ainaro, florestal (aiteka, kaizu, aikameli, kamii, nuu, aina, nst). iha Suai alimentar iha Maliana (hare, batar, aifarina nst) no plantas industrial iha Ermera (kafe no plantas seluk tan) no iha Dili laran ba komiditi agrikultura seluk ne’ebé atu esporta ba rai liur iha armajen sira hanesan kafe, nuu maran, kamii, foremunggu no produtu importasaun mai husi estranjeiru hanesan foos no produtu seluk.
Sample doensas plantas no ervas (gulma) nomós pragas insectu ne’ebé hetan durante halo survey iha Distritu hirak ne’e halo tuir padraun saude plantas mundial nia regra. Katak sample sira ne’ebé foti hanesan evedensia ida ne’ebé tenke hakerek iha livru survey nian no tau label tuir International Standard Phytosanitary Measures/ISPM no 6 (Standar Internasional ba Medidas Saude Plantas nian). Iha ISPMs ne’e hateten katak nasaun ida-ida iha obrigasaun atu halo lista no ninia sample hodi asigura iha laboratoriu ida, purejemplu nasaun mitra merkadoria ho TL presija lista moras kafe nian no husu evedensia, entaun ita aprezenta lista no evedensia sira ne’e ba sira hodi nune’e merkadoria lao diak tuir akordu mundial konaba merkodoria (SPS-WTO).
Objetivu survey ne’e atu halo lista pragas, doensas no ervas no kontinua up date ninia status lista sira ne’ebé establese ona, , tenik Quintao.
Depois survey ne’e remata, equipa rua ne’e continua halo identifikasaun no analiza iha laboratoriu MAP Comoro hahu dia 17 até 22 de Marco de 2011. Atividade ne’e realiaza bazeia ba MoU ne’ebe acordu husi governu Australia liu husi AQIS ho Ministerio Agricultura e Pescas liu husi Direcção Nacional Quarantena e Biosiguranca. Identifikasaun no analiza iha laboratoriu MAP Comoro remata ohin no equipa DNQB akompaña AQIS halo despidida ba Ministro interino Agricultura, Sr. Marcos da Cruz, iha oportunidade ne’e mos peritu entimologista Australia Sr. Glenn Bellis hateten katak, nia agradese tebes tamba MAP liu husi Quarantena e Biosiguranca hakarak kolabora no konsisten tebes ba implementasaun atividade survey no analisa laboratoriu ne’e, iha fulan Maio tinan oin mai (2012) ami sei mai visita fali Timor-Leste tuir akordu ne’ebe hakerek ona iha MoU.
Ministro interino MAP Sr. Marcos da Cruz hateten katak, survey ne’e importante tebes ba Quarantena atu kria no estabelese lista peste no moras plantas nian tuir estandarte SPS. No mos la haluha hato’o mos obrigado wain ba governo Australia, liu-liu AQIS ne’ebe suporta maka’as ba atividade survey no trinamentu ba funcionariu Quarantena no funcionariu protecão plantas MAP, hanoin ba futuru ita espera katak relasaun ne’e bele diak liutan atu bele kapasita funcionariu sira sai profesiol.
Iha loron hanesan, Quarantena halo rotasaun premeiru ba funcionariu DNQB iha porta de entrada Batugade, bazeia ba resultado encontro ho Secretario do Estado Pecuaria iha Ministerio da Agrikultura e Pescas foin lalais ne,e katak movimento atividade negosiante iha area liña fronteira Batugade maka’as husi loron ba loron durante 24 oras nia laran. Tamba ne,e mak Institusaun Governo tomak ne’ebe iha ninia knar loron-loron iha area refere sempre hasoru problema oin-oin mai husi kompanha ka kliente. Problema hirak ne’e dala barak mosu konaba prossesu dokumentus no matadalan seluk ne’ebe estado Timor Leste kria ona ba ema hotu atu la’o tuir regra no moris ho disiplina iha nasaun ida nia laran. Hodi nune’e bainhira ema hotu moris tuir regra nasaun nian, siknifika katak nia mos partense kontribui ona ba asunto dezenvolvimento iha ninia nasaun rasik. Perkupasaun husi Secretario do Estado Pecuaria ne’e hamosu iniasiativa Director DNQB hodi deside no koloka fungsionariu no ajente DNQB nain 4 husi edificio NDQB central Aeroporto Comoro Dili ba halao knar loron-loron nudar Inspector Quarentena iha fronteira Batugade, durante fulan 6 nia laran, hahu husi dia 21 de Marco 2011. Drh. Rui Daniel de Carvalho, Director Nacional Quarantena esclarese katak iha Posto Fronteira Batugade hasoru duni limitasaun Staf atu halao servisu tuir Standar, tamba iha posto Batugade ita iha deit fungsionariu 1 no ajente 1 atu fo atendemento, ne’e ladun sufisiente. Ne,e duni hahu ohin ita aloka ona Staf nain 4 husi edificio central Dili ba fali iha Batugade hodi haforsa servisu inspesaun Qarantena loron-loron iha fatin refere hodi bele hamenus perkupasaun bara-barak ne’ebe kompañia sira sempre rekere ba responsabilidade servisu. Tuir Director Nacional Quarentena Sr Drh. Rui Daniel de Carvalho, katak alokasaun Staf ne’e mai husi politika iha Diresaun Nacional Quarentena rasik atu haforsa servisu iha area fronteira Special fronteira Batugade. Tamba iha area refere movimento atividade negosiante maka’as, maibe parte atendemento husi fungsionariu Quarentena sei menus. Tamba ne’e liu husi alokasaun Staf nain 4 ne’e pelemenus bele ona halo kma’an servisu Inspector atu atende kliente ho diak no kualidade. Agora dadaun iha tan posto foun ida iha Tunubibi area Distrito Bobonaru, ne’e duni ita mos muda Staf ne’ebe iha ona esperensia konaba halo Inspecsaun hanesan Sr, Paulo Fereira husi Batugade ba fali fatin foun Tunubibi, no ninia fatin sei ense husi Inspector Sr. fransisco no Jose no mos ita aumenta tan Inspector foun ba fatin refere mak Sr. Jaimito no Agusto Soares, tenik tan drh. Rui.

Prepara husi
Direcção Nacional Quarantena e Bio-Sigurança (DNQB)
Departemento Informação Geral Quarentena
1. Aleixo Lay, Chefe Departemento Informação Geral (7240195)
2. Manuel Madeira, Resp. extencão comunitaria
Rua: Aero Porto Inter. Nicolau Lobato Comoro Dili

May 02

MAP LANSA PROGRAMA FDCA 2011

Ministerio Agrikultura e Pescas liu husi Diresaun Nasional Apoiu Dezenvolvimentu Comunitaria Agrikola, Departamentu Fundus Dezenvolvimentu Comunitaria Agríkola lanca programa FDCA 2011 iha 22/06 iha edifisiu MAP Comoro.

Fundus ne’e sei fo apoiu ba grupu benifisiariu hamutuk 92 la inklui distritu Oe-Cusse ho total orsamentu $. 5.00.000 mill dolares americano ho orsamentu ne’e grupu benifisiariu idak-idak sei implementa program agrikultura integradu.

Iha serimonia lansamentu ne’e Sekretario estadu pecuaria Sr. Valentino Varela iha deskursu hateten, fundus ne’e hahu iha tinan 2006-2007 nia rohan ema barak maka simu fundu ida ne’e maibe fundu ida ne’e uluk ho agora nia karakteristiku lahanesan katak fundu uluk aloka ba suku hotu iha teritorio tomak hodi hala’o atividade loke kios no loke barberia (salon tesi fuk) no seluk-seluk i balun lori osan ne’e ba estranjeiru hanesan ba Irlanda no Inglatera maibe la hala’o ekonomia agrikultura iha rai laran nian.

Intesaun estdau nian atu halo atividades solutiva iha ita nia rain hodi bele elava kualidade moris ema idaidak nian iha seitor agrikultura no iha seitor seluk. Tinan ne’e fundu aloka deit ba iha dezenvolvimentu seitór agrikultura espesífika liu fundu ne’e atu ajuda inan-aman sira atu bele implementa projetu agrikultura Integradu iha distritu ida-idak nian.

Xefi departamentu FDCA Mariano Malik aprejenta mós relatorio konaba fundus ida ne’e, estadu responsabilidade promosaun moris di’ak social no ekonamia no mós kualidade vida populasaun nian espesial liu ba ema hirak ne’ebé la hetan protesaun hanesan planu estratejia ba dezenvolvimentu sustentavel tamba ne’e mak iha tinan ne’e MAP hetan orsamentu transferensia públiku ho montante $. 5.00.000 mill dolares Americano hodi hamosu fundu ida hanaran fundu dezenvolvimentu komunitaria agríkula sai mos hanesan fundus especial ida ne’ebé mak fo apoiu ba grupu agrikultór organizadu sira ne’ebé hela iha area rurais.

Lourença monica liliana Cardozo nudar Grupu benifisiariu husi Distritu Covalima –Suai hateten katak sira senti kontenti tamba ami nudar grupu benifisiarius ne’ebé moris iha area rurais hetan fundu ida ne’e neduni ho programa minisuteriu agríkultura ne’ebé mak fó ami sei utiliza osan ne’e ho di’ak tuir planu tekniku ne’ebé mak iha.

Iha serimonia lansamentu ne’e partisipa husi Sekretariu Estadu Pecuaria, Directur Jeral MAP,Inspektur Jeral internu Ministerio Finanças, diretór nasional no xefi departamentu sira hotu inklui grupu benifisiariu husi distritu -11 ne’ebé maka hetan apoiu fundus ne’e.

May 02

MAP conduzir o workshop de Iniciação Nacional para Implementação da estratégia de desenvolvimento sustentável para os mares da Ásia (SDS-SEA) em Timor-Leste 2011-2012. (Versaun Portugues)

Este workshop pode realizer porque a Direcção Nacional de Pescas de trabalho com a Ásia Parceria em Gestão Ambiental para o Mar do Leste da Ásia (PEMSEA desde governação anterior ate administração atual.

Entrevista com o Director Nacional de Pescas Sr. Agusto Fernandes Explicou, sobre o sucesso das actividades em 2011 Workshop de Iniciação é muito importante para PEMSEA, como a gestão de proteger as zonas costeiras, para proteger o ambiente, tanto a riqueza está no mar, por isso este trabalho junto com outros 11 países, incluindo Timor-Leste. Esta colaboração foi iniciada desde o governo anterior até agora e portanto ja só fiz dois projetos, em dois distritos, como o distrito de Manatuto e Liquisa particularmente a vida alternativos, mesmo que destrutivas de pesca Mangrof mas eles podem pensar em outras coisas para preencher suas vidas.

Portanto, este Workshop de Iniciação Acompanha pelo PEMSEA de Pilipino com a Indonésia para mais olhar sobre o que ja fizemos e o que é que vamos fazer em futuro, incluindo os problemas que enfrentamos hoje, a fim de criar um plano que vai ser uma prioridade para comunidade que vivem em áreas praia.

Workshop de Iniciação foi realizado durante dois dias, a partir de dia 12-13, mas esta data é uma Workshop interna entre os funcionários e chefes dos departamentos, incluindo as Directores para reavaliar a sua implementação, sera que a execução foi bem ou não, portanto workshop que realizada em dia 13 que envolveria nível interministerial para recolher as ideas para fazer planos no cinco anos próximos na áreas costera como replantação e de reabilitação para o mangrof inclui fazendo a aproximação com a instituição, para suportar a nível distrital, assistência técnica para ajudar quando o projecto será executado, diz o Director da Pesca.

Ele explicou mais que, Os resultados de Seminário de dois dias para criar um Plano de Acção que adecuado, que concorda com a situação, especialmente os dois Distritos que implementou dois projectos-piloto e outros projetos que dependem de Oportunidade e apoio orçamental pode se possivel expandir para outros lugares.@@@asala@@@

Older posts «