Marquita Soares

Author's details

Name: Marquita Soares
Date registered: October 3, 2013
URL: http://www.maf.gov.tl

Latest posts

  1. MAP – ADB SEI HADIA KUALIDADE KAFÉ IHA TL — September 15, 2017
  2. MAP SEI DETERMINA FOLIN FINI — September 12, 2017
  3. Treinadór 20 Husi Xina Sei Fo Treinamentu Ba Agrikultór No Funsionariu Balun — September 6, 2017
  4. MAP- CCITL Hala’o Diskusaun Meja Kabuar konaba oportunidade Negosiu iha area Agrikultura — September 5, 2017
  5. Delegasaun Ministeriu Agrikultura Indonesia Hasoru Malu Ho MAP TL — September 5, 2017

Author's posts listings

Sep 15

MAP – ADB SEI HADIA KUALIDADE KAFÉ IHA TL

Ministru Agrikultura no Peskas Estanislau  Aleixo da Silva  partsispa workshop ne'eb maka MAP - ADB hallao konaba kafe iha TL, loron kinta-feira iha salaun MAP Komoro Dili. fotografer Roger/ info-MAP

Ministru Agrikultura no Peskas Estanislau Aleixo da Silva partsispa workshop ne’eb maka MAP – ADB hallao konaba kafe iha TL, loron kinta-feira iha salaun MAP Komoro Dili. fotografer Roger/ info-MAP

Dili – Ministeriu Agrikultura e Peskas (MAP) ho Parseiru Internasional Asean Development Bank (ADB) hala’o Workshop konaba Suporta ba Preparasaun Dezenvolvimento Nasional no hadia kualidade iha Seitór Kafé iha Timor-Leste tanba kafé hanesan kultura ida ne’ebe importante.

Tuir Ministru Agrikultura e Peskas, Estanislau Aleixo da Silva, iha workshop Kafé ne’ebe maka hala’o iha salaun MAP Komoro Dili hateten katak, Ita hakarak dezenvolve no hasae produsaun no kualidade kafé iha Timor ita sei iha plano iha seitór ida.

Iha whorkshop ida ne’e tau ema sira ne’ebe serbisu iha asosiasaun kompradores produtór sira ho kooperativa kafé sira tau hamutuk ita aprezenta plano dezenvolvimento setorial oinsa ita bele dezenvolve ita nia kafé ne’eba oin.
Familia barak iha rai laran barak maka depedente deit ba produsaun kafé neduni oinsa ita at dezenvolve kafé sai diak liu tan presija planu ida ne’ebe mak diak oinsa mak bele hare osan hira sei presija iha area kafé nian no medida saida mak guvernu sei foti para bele fasilita ita nia produtór sira bele asesu ba kreditu para bele halo investe iha seitór kafé nian maibe importante mos tenki iha ligasaun ba merkado aumesmo tempu iha rejiaun.

Nia mos realsa katak, Iha komprimisiu boot tebes iha tinan kotuk governu tau osan ba halo rehabilitasaun 500 hektares ba kafé ninian, tinan ne’e halo rehabilitasaun ba 400 hektare tuir lolos hanesan ita sei halo liu tan halo to’o mil hektares maibe lakonsege tanba osan la to’o, neduni ita hein katak governu foun mai sei tau osan barak para iha agrikultura partikularmenten tau osan oituan para apoiu nafatin serbisu ne’ebe ministerio agrikultura e peskas halo, durante ne’e produtór kafé halo rehabilitasaun ba kafé iha fatin sira henesan, Ermera, Lolotoe, Laclubar, Turiscai, Ainaro, Aileu, Manufahi no Liquiça fatin hira ne’e mak ita iha plantasaun kafé.

“ Kafé hanesan produtu reprezenta exportasaun bo’ot liu iha ita nia raIN, kafé hanesan agrikultura maka sai baze hanesan ekonomia, ita hotu hatene ita nia agrikultura seidauk atinze dezenvolvimentu ne’ebe ita hotu hakarak, kuda para han kuda ba faan iha merkado, kuda ba han ida ne’ebe resin ona maka ita ba faan iha merkado, vida agrikultura ita haknaok hodi buka moris ida ne’e situsaun ida ne’ebe ita hare iha rai laran. Sirbisu ida nebe iha planu ida konkretu para hare investementu nian dala ruma ema koalia dehan tau osan ba agrikultura nian, muinto bem amenta osan ba halo saida, e hein rezultadu saida no bainhira produs tia e produs ne’e atu halo saida, bainhira produs diak nia ligasaun merkado ne’e oinsa, buat sira ne’e hotu lakoi mensiona buat barak- barak, hau hakarak fo agradese ba ADB fo apoiu serbisu iha area oin-oin parseiro sira ne’e mos fo apoiu iha area insentifika de intervensaun hanesan japaun, liu-liu Amerika auSAID ADB, ne’ebe iha tinan barak fo apoiu hodi estabelese kooperativa kafé iha timor laran tomak “ . Teknik Estanislau Aleixo da Silva

Ba oin kooperativa kafé iha Timor oras ne’e maioria assosiasaun alende kafé sira mos hare ba produsaun sira selseluk hanesan mos pimenta metan ne’e buat ida diak para atu bele promove.

Desde uluk kafé sai prioridade iha primeiro governo, kafé ne’e iha area prioritariu, antes hau husik governo iha 2007 fo apoiu auSAID – ADB nian ita halo tia ona estratejia dedikasaun de kafé, iha tinan 2005 ne fo apoiu AuSAID ADB ita dezenvolve planu estratejia katak inportasaun e plantasaun kafé niniann laos deit hare ba kafé maibe oinsa maka hare ba suptituisaun ba ita ninia ai mahon sira ba kafé estratejia mos iha ona ne’e programa ne’ebe hala’o ona so que felismente depois prioridade seluk governu foun sira ne’e balun husik.

Iha fatin hanesan, Evangelino Monteiro Soares nudar Prezidente Assosiasaun Empreja Exekutivu mos informa, Assosiasaun hanesan buat foun ida ne’ebe foin moris iha Timor Leste iha tinan 2016 ne’ebe mai kolabora ema hot-hotu iha Timor Leste iha industria kafé ninian portantu husi produtores industria kafé lozas kafé baristas ne’ebe maka inklui iha seitores kafé ninian aktividade sira ne’e hotu realiza no suporta husi governu , ADB, MDF, no Uniti, e agradese ba doadores sira ne’ebe inportante nudar asosiasaun para bele lao hodi hadia refetalisa atu kria ninia visaun no misaun.

Mutual dezelvolve mos ita nia marka kafé Timor – Leste ba iha mundo Internasional katak koalia konaba kualidade kafé, e aumesmu tempo asosiasaun ne’e mos bele fo kapasitasaun ba ninia membro sira hotu portantu produtores, no sira ne’ebe maka prepara kafé ba ema hemu para nune’e bele hadiak liu tan kafé organiku, .
Total memebru assosiasaun kuaze mai husi kompaiña hotu ne’ebe maka iha Timor portanto 10 resin mai husi produtór sira mai husi munisipiu 7 hanesan, Ermera, Liquiça, Aileu, Same, Ainaro, Bobonaro,no Mos Manatuto, sira ne’e hotu atu bele servisu hamutuk.

Alende ne’e, Lucio Marçal Gomes nudar Reitor East Timor Coffee Institu (ETCI) Munisipiu Ermera hatutan, Ita hotu hatene Timor – Leste katak ninia rikusoin rua mak ita presija kuidadu rikusoin ida mak Gas no mina ida maka rikusoin iha seitór Agrikultura sai hanesan ekomnomia tanba seitór agrikultura ne’e iha ninia liña lima maka seitór lima mak ita tenke hare maka primeiru plantas industriais kafé, seguransa alimentar, pekuaria, Floresta no ikus liu maka peskas, agora produtu ida ne’ebe maka lori ona Timor nia naran sai ba mundo maka Kafé.
Produtu agrikultura ida ne’ebe maka fo ona ninia rendimento ou ekonomia ba ita nia agrikultór sira iha Municipiu, Aileu, Ainaro, Manufahi, Ermera, Liquica, Bobonari, no munisipiu sira seluk mos iha oituan-oituan, kafé boot liu ne’e iha munisipiu 7, entaun ita hare katak iha munisipiu 7 ne’e maka iha produsaun kafé nia sustenta ona 80% komunidade iha Munisipiu 7 ne’e ninia moris ne’e mudansa ona, entaun ita presija halo dezenvolvementu.

ohin parseiru sira mai koalia konaba kualidade kafé no istoria konaba kafé nia orijinal ne’e mai husi ne’ebe, Kafé ne’e iha fase tolu (3) mak hanesan, fase primeiru iha tempo portuques sira maka kuda, iha tempo indonesia mai ku’u, depois iha ukun a’n ne’e maka iha liafuan ida deit mak avo maka kuda maromak mak hakiak depois jerasaun foun mai ku’u deit tanba maibe iha tinan tinan ta nunka hadia nia produs maibe ema ba ku’u deit tanba ne’e maka ami hakarak hatete, ermera kuandu nia ku’u kafé ne’e buat hot-hotu ne’e rezolve hotu kedas, exemplu hanesan ba halo lia ou ba hola feto tanba kafé la tau kestaun ida ne’e hanesan osan ida iha banku.

Governu hare ona katak kafé ne’e mos sai hanesan seitór ida presija tau atensaun, entaun atraves ministerio agrikultura serbisu hamutuk ho ADB hamutuk ho ONG Internasional sira sira konvida ema sira ne’ebe maka atu sosa kafé, ita labele koalia deit imaibe ita tenke tau atensaun ba ida ne’e.

Ohin workshop ne’e prepara planu estratejia espesial ba kafé oinsa para atu dezenvolve kafé ne’e ba futuru, agora ita koalia konaba halo prevensaun ou halo intervensaun ba futuru ne’e oinsa, tanba ne’e maka presija halo planu estratejiku ida ne’ebe maka diak, hodi halo dezenvolvimentu kafé iha munisipiu 7 refere para atu bele garantia ninia sustentabilidade kafé.

Nia akresenta, Kafé ninia produsaun tun iha buat oin 3 maka afeita primeiru maka kafé ne’e tuan, segundu ninia mudansa klimatika agora ne’e konaba produsaun kafé ne’e tun, tanba kafé ne’e presija udan be’en ne’ebe diak no terseiro ita nia agrikultór sira la tau atensaun ba manutensaun kafé hanesan la hare du’ut, la hamos du’ut, la tau adubu, entaun ida ne’e mos afeita hotu, hanesan mos ita ema la han ka hemu vitamina diak ita isin tun ou krekas, ai horis saida deit sira presija tau vitamina no protein ida ne’ebe maka diak para sira bele moris diak , agora dadaun ita presija transforma mentaliza agrikultór sira e kompaiña sira tenke fo apoiu no governu mos fo apoiu para ita bele hasae hadia kualidade kafé entaun iha fase rua, primeiru maka halo rehabilitasaun ba kafé tuan ne’ebe maka iha ona, segundo maka halo replantin kuda foun fali kafé ida ne’ebe maka iha suptitui kafé sira ne’ebe maka iha ona ne’e bele fo produsaun ida ne’ebe maka diak.

Planu ba futuru ne’e tenki hare’e didiak kualidade produsaun kafé para ita bele garantia katak ninia sustentabelidade kafé.(Roger)

Sep 12

MAP SEI DETERMINA FOLIN FINI

Diretor Jeral Agrikultura, Hortikultura e Extensaun halao enkontru ho Konsellu fini nasional. Fotografer Elsio Jong/Info MAP

Diretor Jeral Agrikultura, Hortikultura e Extensaun halao enkontru ho Konsello fini nasional. Fotografer Elsio Jong/Info MAP

Dili- Ministeriu Agrikultura e Peskas (MAP) liu husi Diresaun Nasional Agrikultura Hortikultura E Extensaun hala’o ekontru ho ekipa konsello fini Nasional hare konaba folin fini hanesan Hare, Batar no fore rai.

Diretór Nasional Agrikultura Hortikultura e Extensaun, Amaro Ximenes iha nia entrevista sesta –feira (8/09) iha salaun MAP Komoro Dili katak, objetivu enkontru atu bele formula ideia ruma konaba folin fini ne’ebe maka garikultór sira produs sira bele eleva sira nia nivel Ekonomia iha future liu husi produsaun ne’ebe maka sira iha.

Agora dadauk MAP sei hare konaba folin fini nian atu nune’e ita nia agrikultor sira mos bele hetan subsidiu husi Estadu.

Iha estrutura Fini Nasional nian Ministru Agrikultura mak sai presidenti iha konsello fini nasional nian no hau rasik mak sai sekretario neduni iha ne’e atu hare problema ida mak konaba presu fini tanba durante ne’e agrikultór sira faan sira nia fini karung liu fali fini importasaun neduni orasa ne’e dadaun MAP iha estratejia ida hodi oinsa mak bele hare folin refere, sekundo ita hatun folin fini entaun ita tenki iha kustu de operasaun. Nia akresenta.

Ekipa ne’ebe servisu ba area ne’e hanesan, Akademia Universidade Nasional Timor Lorosae, Asosiasaun ANSA, HASATIL, Departamentu Fini, Departamentu Estensaun no Departamnetu Produsaun Alimentar hamutuk ho Diretór Jeral Agrikultura Hortikulta no ohin ekipa ne’e mos aprejenta katak batar no hare presiza fa’an duni ho folin 1.50 kada kilgograma maibe presiza hasa’e fore rai nia folin ituan tanba ita nia Agrikultór sira sente lakon.
Entretantu Acacia da Costa Guterres Xefe Departamentu Agronomia UNTL hanesan mos membru iha konselho fini Nasional ne’e hatutan katak, konsello Fini Nasional determina konaba folin Fini ne’e importante tebes atu ita bele hare ba Agrikultór sira atu produs buat ruma entermus de negosiasaun atu sira mos bele hetan rendimentu diak ba sira nia moris.

Nia realsa folin fini iha buat rua maka importante tebes, Ida maka halo kalkulasaun ba kustu produsaun, no ita mos halo ita nia estimasaun ba iha produtividade ne’ebe ita koalia konaba rendimentu. Husi faktor rua ne’e hafoin ita halo fali nia kalkulasaun ida kuandu ninia kustu produsaun ne’e bo’ot liu rendimentu maka ita nia agrikultór ida ne’ebe fa’an ne’e labele hetan osan, tanba ne’e maka ita tenta nafatin atu hadia nia rendimentu bo’ot liu iha produsaun.(Tyfa)

Sep 06

Treinadór 20 Husi Xina Sei Fo Treinamentu Ba Agrikultór No Funsionariu Balun

Diretor Jeral Floresta Manuel Mendes hamutuk ho Formador husi nasaun Xina. Fotografer Elsio Jong/Info MAP

Diretor Jeral Floresta Manuel Mendes hamutuk ho Formador husi nasaun Xina. Fotografer Elsio Jong/Info MAP

Dili- Ministeriu Agrikultura no Peskas liu husi Diresaun Jeral Floresta simu formadór husi nasaun Xina hamutuk ema nain 20 ne’ebe sei fo treinamentu konaba oinsa atu tesi ka poda kafe ne’ebe mak idade tuan ona ba agrikultór husi Munisipiu sira inklui funsianariu balu husi diresaun nasional Café Plantas e Industria.

Diretór jeral Floresta Manuel Mendes hateten katak, koopresaun servisu entre MAP ho Guvernu Xina diak liu tanba agora dadaun sira mai atu fo treinamentu oinsa mak kapasita agrikutór no funsionario balun iha area kafé .
Treinamentu ne’e ne’e sei hala’o iha sentru treinamentu Munisipiu Ermera durante fulan ida tanba atu hare liu kona ba oinsa prosesu koilleta kafé no oinsa rehabilitasaun ou poda kafé ne’e lao oinsa, informa Manuel Mendes, iha loron tersa-feira(05/9 ) iha salaun MAP Komoro Dili.

Nia mos realsa, fiar katak durante fulan ida agrkultór no funsionario sira tuir trienamentu bele hetan material ne’ebe mak sira hanorin atu nune’e sira bele transfere sira nia matenek ba fali ema seluk ou agrikultór sira seluk iha Munisipiu ne’e rasik.

Entretantu reprejentante husi Ministeriu Komersiu povu Republikano Xina, DU hateten katak, eventu ne’e hanesan onra boot ida mai ami atu fo treinamentu ba agrikultór no funsionario husi MAP Timor Leste nian konaba koilleta kafé no rehabilita kafé nian.

Hau espera katak treinamentu ne’e sei fo benifisiu ba sira no ajuda sira iha dezenvolvimentu industria kafé Timor Leste no hadia diak liu tan produktividade kafé nian ne’ebe mak sei fo benifisiu boot ba povu Timor Leste, tenik DU.

Iha tinan lima kotuk Xina mos fo treinamentu ba tekniku sira inklui ofisial Ministeriu agrikultura nian no ministeriu sira seluk ne’ebe foka liu konaba area ekonomia, Turismu, Saude no jestaun ba guvernante nian.

Ekipamentus ne’ebe mak treinadór sira uja maka hanesan, livru matadalan, kateri oinsa tesi ka poda kafé no makina oinsa halo kafé atu hemu, iha treianmentu ne’e partisipante sira sei hetan teoria no pratika diretamente iha kampu.(Tyfa)

Sep 05

MAP- CCITL Hala’o Diskusaun Meja Kabuar konaba oportunidade Negosiu iha area Agrikultura

Dili- Ministeriu Agrikultura no Peskas ho Camara Comercio Industria Timor leste (CCITL) hala’o diskusaun meja kabuar ho Emprejariu inklui Banku iha Timor –leste hodi diskuti konaba oportunidade Negosiu iha area Agrikultura, Peskas, no Agro-Negosiu ho eskema garantia Kreditu.

Tuir Ministru Agrikultura e Peskas no Ministru koordenadór Assuntu Ekonomiku (MECAE) Estanislau Aleixo da Silva hateten katak, Diresaun Jeral tolu iha Ministeriu Agrikultura Aprejenta atividade agrikultura ihan area idak-idak ba CCITL no emprejariu tanba durante ne’e emprejariu sira seidauk investe masimu iha area agrikultura, peskas, pekuaria no floresta.

“Seitór agrikultura ne’e baze ekonomia importante tebes atu halo diversifikasaun ekonomia nian, agora ita presija hatene baze ekonomia investimento ne’e iha ne’ebe, hau kontenti tebes tanba ita nia Timor oan balun ne’ebe iha seitor privadu komesa hahu ona partisipa iha dezenvolvimentu agrikultura nian.”informa Estanislau wanhira partisispa diskusaun CCITL, Banku sira inklui emprejario hamutuk ho Ministeriu Agrikultura, iha segunda-feira (28/08) salaun MAP Comoro- Dili.

Nia Subliña, ho inisiativa ida ne’e CCITL mos hakarak proveita oportunidade ida ne’e atu hahu eskema de garantia bankaria bele asesu ba kreditu ne’e ho juru ne’ebe diak, atu bele loke oportunidade fo koñesementu ba Timor oan sira iha investementu saida maka atu halo iha area agrikultura, floresta, peskas, pekuaria.

Priveiraves iha ita nia rain governu hari’i iha eskema ida ho garantia bankaria ne’ebe serbisu hamutuk husi gabinete koordenasasun no gabinete primeiro Ministro ho mos banku sentral , ohin ita hare’e mos banku sentral mos iha koperasaun ida diak tebes, ne’ebe governu tau osan aprova liu husi parlamento hamtuk $. 4 Miliaun dolares, fiar katak governu foun bele tau tan osan hodi loke ou habelar kreditu ba ita nia seitór privado ki’ik no empreza sira ho taxa juru ne’ebe kiik.

Iha fatin hanesan prezidente CCITL, Oscar lima hatutan katak, diskusaun koalia konaba garantia kreditu konaba agrikultura no peskas, buat sira ne’e ami hanoin halo nusa atu bele halo meza redonda ida diskuti hodi rona husi ema tekniku sira apropiadus atu ami bele sosializa fila fali ba ami nia emprezario sira atu nune’e emprezario sira bele iha vontade atu bele tama iha eskema ida ne’e.

“Tuir CCITL nia hare Durante ne’e emprezario sira ne’ebe involve iha parte Agrikultura, Floreta, Peskas no Pekuaria ne’e ho numeru ne’ebe minimu tebes, la barak tanba buat ida ne’e mai husi osan no hanoin oinsa maka bele iha retornu iha area ne’e, area ne’e mos sei menus iha kreditu, hau hanoin no espera katak sira barak sei dedika atensaun tanba ida ne’e ba ita tenke estuda ita halo oinsa maka ita bele halo ida ne’e. Ita mos presiza iha osan atu bele halo investe, se ita la iha osan oinsa maka ita atu halo investe.” Dehan Oscar lima.

Iha diskusaun meza de ronda sei espera katak it a bele hetan rezultadu ne’ebe diak, hau optimista kualker emprezario lansa ona no dedika ona atensaun ba ida ne’e nia sei buka rezultadu ne’ebe diak , kuandu rezultadu la diak tenke buka hanorin malu para oinsa nia iha rezultado diak tanba ida ne’e responsavelidade ba ami moralmente laos ami maka responsaveliza ba osan ne’ebe sira kredit maibe moralmente ami mos responsaveliza.

Entretantu Governadór Banku Sentral Abrão Vasconcelos sublinha tan katak, iha fulan Maio liu ba Governo aprova tia Dekretu Lei ida sobre sistema garatia ba kreditu ba pequena mediu empreza e iha fulan Jullu Presidente da Republika promulga e agora publika tia ona iha Jornal da republika no dekretu lei ne’e agora Vigor.
Diskusaun meja redonda hanesan agora dadaun CCITL organiza ida ne’e parte ida atu prepara implementasaun e banku Sentral finaliza tia ona proposta regulamentu ida, prosesu konsulta mos halao tia iha inisio fulan agusto ne’e e prosesu konsulta rasik kompleta.

Agrikultura nuudar seitór prinsipal ida ne’ebe mak hanoin atu implementa uluk. Tamba ne’e mak diskusaun meja redonda CCITL ho Ministeriu agrikultura hamutuk konvida banku sentral atu aprezenta sistema garantia ba kreditu ne’e oportunidade saida ba seitór agrikultura laos deit agrikultura mais iha mos seitor industria, turismu e seitor tolu ne’e mak banku sentral hare hela oinsa atu implementa.

Seitór pekuaria ninia implementasaun kompleksu uituan tanba laos deit involve ema, maibe presija hare ekosistema ida ka Value Chain, Laos deit hare husi hakiak animal maibe hare husi animal nia hahan, transporte inklui merkaduria, ida ne presija hare hotu tanba entaun diskusaun sira hanesan ne’e banku sentral hanoin importante promove para intende didiak agora parte banku komersial sira ohin hare banku hotu-hotu marka presenza iha ne’e.
Importante ba banku komersial sira para sira tenke intende lolos eskema ne’e atu funsiona halo nusa tanba sira mak orsida parte ida atu finansia inisiativas sira husi seitór privadu ne’e banku komersial sira.

Sistema garantia ba kreditu ne rasik hanesan instrumentu atu garantia ba emprejariu sira atu bele hafasil sira atu oinsa bele apoiu sira iha sira nia atividade emprejaria nian.(tyfa)

Sep 05

Delegasaun Ministeriu Agrikultura Indonesia Hasoru Malu Ho MAP TL

Visita Delegasaun  Ministeriu Agrikultura Indonesia  mai MAP TL/Fotografer Roger/Info MAP

Visita Delegasaun Ministeriu Agrikultura Indonesia mai MAP TL/Fotografer Roger/Info MAP

Dili – Delegasaun Ministeriu Agrikultura husi Nasaun Indonesia hasoru malu ho Ministru Agrikultura e Peskas (MAP) Estanislau Aleixo da Silva Hodi koalia konaba kooperasaun servisu entre Indonesia ho Timor – leste iha area Agrikultura nian.

Ministru Agrikultura no Peskas, Estanislau Aleixo da Costa Iha nia entrevista hateten katak, objetivu vizita delagasaun Ministeriu Agrikultura Indonesia ne’e foka liu konaba area agrikultura oinsa mak produs lis mean no iha area pekuaraia konaba prosesamentu duut funan mutin sai silajen ba hahan karau iha Timor-leste.

Vizita delagasaun ne’e atu kontinua MoU ne’ebe mak asina entre MAP Timor –Leste ho Ministeriu Agrikultura Indonesia momentu iha tempu presidenti Susilo Bambng Yudiono iha tinan rua kotuk 2015 oinsa atu hametin liu kooperasaun no halo revisaun ba servisu ministeriu rua ne’e.

Iha sorumutu ne’e ministru Estanislau mos husu ba delegasaun sira katak sira iha esperiensia no posibilidade sira bele mai Timor atu fo treinamentu ba ita nia agrikultor sira iha area agrikultura no pekuaria nian, iha loron segunda –feira (28/08) iha salaun MAP Comor Dili.
Nia mos realsa, Agora dadaun Ministeriu Agrikultura servisu hamutuk ho Indonesia diak tebes liu-liu Nusa Tenggara Timur(NTT), oinsa maka atu prosesa duut funan mutin kahur ho aihoris sira seluk bele sai silajen hodi fo han ba karau.

Iha fulan Setemebru tinan ida ne’e MAP Timor sei hasoru malu ho delegasaun Ministeriu Agrikultura Indonesia iha fronteira Malaka atu kulia klean liu tan kona ba kooperasaun servisu ida ne’e.(Tyfa)

Aug 24

Staff Departamentu IT no ALGIS tuir Treinamentu konaba programa Joomla

Staf Dept. ALGIS no IT tuir treinamentu konaba programa Joomla iha MAP. foto Doc MAP.

Staf Dept. ALGIS no IT tuir treinamentu konaba programa Joomla iha MAP. foto Doc. MAP.

Staff Diresaun Nasional Peskiza Estatistika e Informasaun Geográfika liu husi departamentu rua hanesan IT no Algis liu-liu ba Unidade Informasaun tuir treinamentu konaba oinsa utiliza no upload informasaun atividade Ministeriu nian iha website MAP ne’ebe mak kria liu husi programa ka aplikasi Joomla.

Treinamentu ne’e durante loron tolu hahu iha loron 17 ate 21 fulan agustus iha Ministeriu Agrikultura no Peskas.
Xefi departamentu IT, Gilberto da Costa iha nia intrevista kuarta- feira loron 23/8/2017 iha nia servisu fatin Departamentu IT MAP hateten katak, objetivu treinamentu ba staff departamentu rua oinsa maka atu halo manutensaun no redesaing fali website Ministeriu nian ne’ebe mak uja programa ou aplikasi joomla atu nune’e bele troka template balun iha website ne’e rasik.

Nia mos hatutan, durante treinamentu ne’e parsipante laos hetan de’it teoria maibe sira mos pratika direitamente oinsa mak atu edit no muda hafoun artigu ka Notisia iha web ne’e rasik.

Gilberto mos realsa tan, Treinamentu ne’e iha planu atu hala’o iha kada tinan tanba aplikasi ka programa kada tinan sempre iha mudansa maibe depende mos ba planu orsamentu Diresaun nian.

Treinamentu ne’e hetan apoiu husi parseiru Ministeriu Agrikultura SAPIP no Durante loron treinamentu ne’e lao diak, iha tempu badak Sapip mos sei entraga website foun ne’e ba Departamentu Algis liu-liu ba parte Informasaun nian.(Tyfa,Elis)

Aug 24

MAP SEI UTILIZA EKIPAMENTUS MODERNU IHA PROSESU SENSU AGRIKULTURA 2018

Diretor Nasional DNPIEG, Claudino N. Nabais hala'o enkontru entre Linas Ministerias, iha Hotel Timor-Dili. Fotografer Elsio Jong/Info MAP

Diretor Nasional DNPIEG, Claudino N. Nabais hala’o enkontru entre Linas Ministerias, iha Hotel Timor-Dili. Fotografer Elsio Jong/info MAP

Dili – Ministeriu Agrikultura no Peskas (MAP) liu husi Diresaun Nasional Peskiza Estatistika e Informasaun Geografika (DNPEIG), Departamentu ALGIS konvoka enkontru ho Liña Ministeriais hanesan Sekretariadu Estadu Terras e Propriedades, Instituisaun Petroliu no Gas no JICA hodi fahe esperensia servisu rasik konaba oinsa utiliza ekipementus modernu iha pilotu sensu Agrikultura.

Sensu agrikultura ita foin maka atu implementa primeira ves iha Timor Leste ne’ebe ninia legalidade ne’ebe maka liu tiha ona husi rezolusaun Governo nian ne’ebe aprova iha fulan Maio liu ba katak Timor Leste sei implementa sensu agrikultura ba dahuluk iha Timor Leste. Tuir Diretór Claudino Ninas Nabais iha nia deskursu iha enkontru entra liñas ministerial ho ajensia MAP, loron kinta-feira (10/08/17) iha Hotel Timor Dili.

Nia mos hatutan, MAP servisu hamutuk mos ho Ministeriu Finansas ne’ebe iha Diresaun Jeral Estatistika maka sai hanesan Diresaun tekniku ne’ebe suporta ba impplementasaun ida ne’e suporta mos husi ajensia Internasional FAO nian ne’ebe ita halo tiha ona preparativus lobuk ida komesa husi tinan 2016 nian eskenariu ba implementasaun oinsa maka atu implementa sensu agrikultura ida ne’e.

Maske primeira vez atu implementa, maibe ita koko atu bele implementa ho diak, tanba ita mos iha tiha ona estimasaun ba gastus ne’ebe maka ita sei presiza durante implementasaun sensu ne’e rasik, implementasaun sei iha faze rua Primeiru faze maka ita hanaran pilotu no segundu maka sensu agrikultura lolos, pilotu ita mos sei implementa iha fulan Novembro tinan ida ne’e no ba sensu Agrikultura lolos ita sei implemeta ita tinan 2018 .
Iha fatin hanesan, reprezentante husi Secretariu Estadu Terras e propriedades Paulino da Cruz esplika katak, hanesan Instituisaun Estadu ne’ebe halo jestaun kona ba pedidu rai iha Timor-Leste iha kestaun tekniku tolu maka hanesan primeiru kestaun Administrasaun rai, kestaun tekniku levantamentu no terseiru kestaun Lejislasaun rai nian.

Nia subliña, Iha Ministeriu Finansas mos estabelese tan servisu ida hodi halo levantementu konaba mapamentu, servisu ne’e agora finaliza tiha ona no nia rezultadu oras ne’e dadauk entrega ona ba Ministeriu Finansas. Ida ne’e maka modelu sistema informasaun oinsa atu foti dadus depois halo ninia sistema informasaun Tamba ne’e sujestaun ba sensu Agrikulturan ita bele kria mapa ortografia ou satelite, bele mos uza GPS ne’ebe avansadu liu ou tablet ba terenu hodi foti dadus ho mapa ne’ebe ita print out.

Entretantu Diretór Instituisaun Petroliu no Gas, Osorio Xavier da Costa hatutan katak, objetivu prinsipal Institusaun IPG maka atu halo peskiza sobre Geologia iha Timor Leste, Identifika petroleu no Gas no distribui minarais iha ita nia rai laran no mos halo estudu kona ba risku jeolojia ida ne’ebe atu hatene kona ba area ne’ebe mak potensia ba rai nakdoko, rai halai, inundasaun no mos deskobre be’e iha rai okos.

Osorio X. da Costa mos salienta, Liu husi institusaun iha mos devizaun Geo Information no Baze de dadus ne’ebe mak ninia papel importante maka atu maneza dadus parsial jeolojia, geo Siensia nian no kria sistema data base ou Baza de dadus. Atu kria sentru informasaun jeolojia no utiliza teknolojia Moderna hanesan GIS iha ne’eba ami ba liu iha ESRI-RGIS no liga ba buat sira ne’e hotu ami refere ho bazea ba dekretu Lei ne’ebe maka governo Aprova iha 34/12 entaun tuir duni politika ne’ebe mak iha Ministeriu MPRM nian.

Nia mos realsa, Tinan rua kotuk Governu investe ona iha projetu LIDAR ne’ebe mak ninia objetivu prinsipal atu utiliza ba plano espasu teritoriu tomak, Ministerio MPIE maka sai nain ba projetu liu husi Ministeriu Finansas.
Utilizasaun dadus teknolojia LIDAR no Foto Aero ne’ebe mak ita iha, bele uza ba kualker area ba Ministeriu Relevante mak hanesan agrikultura, area minerais ajuda suporta identifika rikeza iha ita nia rai laran, entaun ida ne’e importante hotu mos ba iha defesa e Siguransa, Teras propreidade tamba ninia rezulusaun diak teb-tebes.

Iha ne’e teknologia LIDER ita uza Aero foto ba iha sensu agrikultura ita hare kona ba area potensia agrikultura iha Timor ita bele hatene ona luan natar entaun ita bele utiliza teknolojia ida ne’e para halo sensu lalais mais fasil e depois ita bele dehan efisiensia no efikasia tamba uza teknologia ne’ebe mak Governu Investe ona.

Kona ba Drone, institusaun seidauk utiliza Drone maibe ninia konseptu no teknolojia Drone ne’e institusaun iha rekursu hatene hela tamba ba teknolojia LIDAR rua ne’e atu hanesan, ida seluk uza pilotu ida seluk lae, mas em termus de akurasaun iha duni diferente uituan ida ne’e mak ita hakarak ba oin teknolojia ne’e bele suporta ita nia servisu hotu.

Bazeia ba espresia no lalaok servisu iha IPG konaba ekipamentus ne’ebe sei uja iha sensu agrikultura sira sujere atu utiliza dadus produtu LIDAR ba projeitu sensu ne’e rasik, GPS hanesan ekipamentus ne’ebe atu suporta servisu iha kampo no verifika area agrikola no Drone utiliza wanhira mudansa iha terenu ou bele ,os prosesu updating informasaun ne’ebe espesial inkus liu maka Satelite imaje uja wanhira ministeriu relevante hakarak potensia solo ba agrikultura ne’ebe detallu. (TYFA)

Aug 24

MAP Lansa Fore Keli Hektare 4 iha Munisipiu CovaLima

Foto Ministru MAP Estanislau  Aleixo da Silva, Lansa fore keli Hektares 4 iha Oebaba-Covalima. Fotografer Roger.

Foto Ministru MAP Estanislau Aleixo da Silva, Lansa fore keli Hektares 4 iha Oebaba-Covalima. Fotografer Roger/Info MAP.

Covalima-Ministeriu Agrikultura no Peskas liu husi Diresaun Nasional Agrikultura no Hortikultura e Estensaun lansa tan fore keli 4 hektares ho objetivu atu produsaun fore keli no aumnta redimentu ekonomiku joven ne’ebe involve iha vida agrikultura.

Fore keli 4 hektares 4 ne’e ofisialmente lansa husi Ministru Agrikultura e Peskas Estanislau Aleixo da Silva, foin lalais ne’e iha Suku Raimea Posto Administrativu Zuamalai Munisipiu Covalima.

“Hau sente kontente tebes tanba grupu ne’ebe maka kuda fore keli ne’e mesak joven de’it ne’e hatudu katak joven sira mos hakarak atu envolve iha area Agrikultura nian, tanba ne’e Ministeriu Agrikultura sei fo apoiu nafatin.”tenik Estanislau Aleixo da Silva.

Nia hatutan, MAP iha programa ida fo ba joven sira tanba ne’e maka atividade sira hanesan ne’e hola parte mos ba iha joven sira, fiar katak Governu foun mai sei iha kompremisiu ou atensaun masimu ba area agrikultura liu-liu ba joven sira oinsa atu kontinua envolve a’an iha vida Agrikultura nian.

“Hau husu ba Agrikultor sira kontinua nafatin hala’o sira nia kna’ar, Governu mos sei hare oinsa maka atu bele fo apoiu ba sira, Governu sei kria kondisaun atu produsaun ne’ebe maka sira hetan ita mos sei hetan iha merkadu, husi parte Ministeriu Agrikultura sei koordena atividade diak ho Centru logistiku atu sira bele sosa produtu lokal wainhira agrupu agrikultor no grupu joven sira produs sira nia produsaun atu sira mos bele hetan rendimentu husi servisu ne’ebe maka sira halo liu husi produsaun ne’ebe maka iha atu bele sustenta ekonomia iha sira nia moris.” tenik Estanislau

Iha fatin hanesan, Diretór Jeral Agrikultura Hortikultura e Estensaun Deolindo da Silva esplika, Diresaun Nasional Agrikultura Hortikultura e estensaun liu-liu Departamentu produsaun Alimentar nia programa ida ne’e oinsa maka atu ultimaliza irrigasaun Oebaba no oinsa maka atu produs fini fore keli bele sai mos hanesan fini fore keli ba iha teritoriu Timor laran tomak.

Deolindo akresenta, Fore keli ne’ebe maka lansa ona ne’e bolu mos ho naran orba, objetivu ba atividades kuda fore keli ne’e iha hanoin ida katak oinsa atu bele uja natar ne’ebe maka mamuk entaun oinsa maka atu bele uza efektividade be’e no rai ne’ebe maka iha, tanba ita nia Agrikultor sira foin maka koa hare entaun ita halo mos rotasaun ba kultiva alimentasaun.

Planu ida ne’e mosu iha tinan 2017 no planu ne’e trasa duni no ida ne’e mos hanesan teste pilotu ida ba Agrikultor sira, fini ne’ebe maka oras dadauk hetan alokasaun husi Nasional nian.

Iha fatin hanesan Diretór MAP Covalima, Jeferino Amaral Guterres hatutan katak, bazeia ba asesmentu no dadus ne’ebe maka tekniku sira halo katak sei kuda fore keli ho luan 75 hektares, maibe ohin hala’o lansamentu ida ne’e sei kuda de’it ho 4 hektares hanesan mos simbolikamente no restu sei kuda to area ne’ebe mak determina ona.

Jeferino sublinha, programa ida ne’e bele halo rotasaun ba aihan ne’ebe maka ita bele utiliza ita nia natar, tanba ne’e politika MAP nian liu husi Diresaun Nasional Agrikultura no Hortikultura ita implementa.
Entretantu xefi Grupu Hametin Juventude Oebaba, Lorenço Ferreira esplika katak wainhira sira halo kolleta hare hotu sira mos hahu bolu malu iha grupu hodi fo hanoin ou idea ba malu atu bele kontinua kuda fore keli iha natar, no ami nia grupu mos konkorda hodi ohin loron halo duni lansamentu ida ne’e.

Grupu ne’e rasik total ema hamutuk sanolu resin lima (15) feto lima (5) no mane sanolu (10) maibe problema ne’ebe sira hasoru mak komunidade sira hasik livre animal ne’ebe mak sira hakiak bele estraga sira nia aihorus ne’ebe sira kuda.

MAP mos durenate ne’e grupu joventude hamutuk 13 iha munisipiu refere, maibe sira mos iha ona diskusaun hodi bele rezolve promblema ne’e.(Tyfa)

Oct 25

China Investe iha Area Peskas

foto-dg-peskas-ro-atu-upload Dili- Guvernu Timor-leste liu Husi Ministeriu Agrikultura no Peskas kometidu hodi halo diversifikasaun ekonomia Timor-leste liu husi investimentu iha area Peskas husi Kompañia Hong Long Fisheries.

Oras ne’e dadauk Ró hamutuk sanolu resin Lima (15) iha dalan ona husi China mai Timor- Leste, hodi hala’o atividades kaer ikan iha parte sul tasi mane no oras ne’e dadauk besik tama mai ona nasaun Singapura.

Bainhira ró refere to iha Timor Leste sei atraka provijoriu iha Kaidabela tanba portu ba peskas rasik seidauk iha. Esplika Diretór Jeral Peskas Acacio Guterres, iha nia fatin servisu MAP Comoro, loron Segunda (24/10/2016).

Tuir Diretór Jeral Peskas Acacio Guterres, ró sanolu resin lima ne’ebe mai ho objetivu atu halo investimentu iha seitór peskas tuir negosiasaun ne’ebe iha, Ministeriu mos hasai ona autorizasaun atu ró refere sei kaer ikan iha parte Sul Tasi Mane nian no sei prosesu iha Timor-Leste hafoin exporta ba rai liur.

Nia hatutan tan , “ Kompañia Hong Long Fisheries” mai husi provinsia FU JO -China hodi halo atividade peskas iha tasi Timor “ ita la iha akordu espesifiku maibe bazeia ba Dekretu Lei Peskas no 4/2014 ne’ebe maka vigora, tanba ne’e Ministeriu mos fo ona autorizasaun no ita halo de’it inspesaun konjunta ho Ministeriu relevante sira hotu, hafoin hare ba dokumentus ró ne’ebe maka kompletu ita bele hasai ona lisensa hodi bele ba kaer ikan”.

Husi parte Peskas kontaktu ona ho SEPFOPE konaba trabalhadór sira ne’ebe maka atu servisu iha ró refere no SEPFOPE mos halo ona rekrutamentu ba trabalhador hamutuk 120 ne’ebe remata ona sira nia servisu iha Korea no ba faze primeiru sei fasilita uluk trabalhadores 75.” informa Diretor Jeral Peskas.

Kompañia Hong Long Fisheries sei servisu iha Timor Leste ho durasaun tinan 30 ba longu prazu, tanba sei halo konstrusaun fabrika iha Vemase no presiza tan rai 100 hetares atu bele hakiak ikan no boek, tanba ne’e maka ita presiza fo apoiu ba sira.

Bainhira Kompañia ne’e komesa hala’o atividade kaer ikan, husi parte peskas mos sei halo diskusaun ne’ebe mak klean ho sira atu nune’e rezultadu ikan ne’ebe sira kaer 75% sira bele Exporta ba rai liu no 25% sei sirkula iha Timor laran.

Oct 25

Importansia Poda Café hodi hasaé Produssaun

foto-poda-kafe-atu-upload Ermera - Ministeriu Agrikultura no Peskas realiza programa poda kafé hodi hadia kuliadade no hasae produsaun,iha loron 21/10/2016, Suku Dukurai, Posto Admintrativu Letefoho.

Tinan ida ne’e,MAP liu huis Diresaun Geral Floresta, Kafé e Plantas Industriais hala’o lansamentu poda ba kafé ba hetares atus lima (500) iha municipiu Ermera no Liquiça.

Iha serimonia lansamentu ne’e, Primeiru- Ministru RDTL, Dr.Rui Maria de Araujo, Louva Servisu Ministeriu Agrikultura no Peskas ne’ebe ho esforsu bo’ot hala’o programa poda kafé .

” Ha’u hakarak fo parabens ba Agrikultór kafé sira, tanba ita bo’ot sira brani atu tesi fila -fali kafé sira ne’e, kafé ne’ebe maka tesi ne’e, tinan oin fuan la dun diak no prosesu fuan sei to’o tinan tolu ou haat tan”. Tenik Primeiru- Ministru RDTL.

Iha fatin hanesan, Ministru Agrikultura no Peskas, Estanislau Aleixo da Silva, iha nia diskursu hateten katak, iha estratejia ida atu poda kafé iha Timor laran tomak no hahu fila- fali plantasaun ai-mahon iha kafe laran tomak.

Estanislau Aleixo da Silva hateten katak, kafé hanesan rikusoin Timor-Leste, ne’e duni ita tenki fo perioridade nafatin ba kafé, tanba iha tinan barak plantasaun kafe, floresta no peskas abandonadu hela.

Tinan ne’e, MAP iha kbi’it ba poda kafé hetares 500 no tinan oin sei aumenta tan 400 hetares, maibe ha’u fiar katak tempu tuir mai sei hatutan programa ne’e ba municipiu sira ne’ebe mak iha ai-horis kafé tanba programa ne’e inportante tebes.

Alende ne’e, Diretór Jeral Floresta, Mario Nunes informa mos katak, Diresaun Nasional Kafé no plantas Industriais halo identifikasaun importante maka tenki poda kafé, iha desizaun sira ne’e maka iha 2016 tau orsamentu ba poda kafé 500 hetares ne’ebe husi total kafé Timor-Leste mais ou menus 59 mil hetares.

Hetares 500 ne’e ita dehan bo’ot maibe ne’e ki’ik oan tebes, entermos de área kafé nian ne’ebe mak existe, atividade ne’e ita hala’o ba 350 hetares iha Municipiu Ermera no 150 hetares iha Liquiça.

Mario Nunes akresenta tan, preokupasaun laos de’it ba poda Kafé maibe impotante mos tenki hare ai-mahon ba kafé, tanba Kafé sira presiza mahon mais ou menus 50% atu nune’e produsaun bele kontinua sae kada tinan.

Fulan Dezembru tinan ida ne’e, sei iha konferensia Internasional ida kona ba kafé no sei halo lansamentu ofisial ba Asosiasaun Produtures Kafé Timor, depois sei hare ba presu merkadu Internasional nian nomos sei estabelese presu minimu iha Timor.

Older posts «