DNEA HALA’O WORKSHOP KOORDENASAUN NO HARMONIZASAUN SERVISU EXTENSAUN NASIONAL NO RAEOA

Estrela inativaEstrela inativaEstrela inativaEstrela inativaEstrela inativa
 


Oecusse- Diresaun Nasionál Extensaun Agrikola hala’o workshop kona-ba Koordenasaun no Harmonizasaun servisu Extensaun, durante loron 3 hahu hosi loron 25 ate 27 fulan janeiru ho objetivu atu halo avaliasaun no evaluasaun servisu kona-ba mudansa agrikultura no porsentanzen agrikultura iha oecusse, atividade ne’e hahu iha loron kurta (25/1) iha salaun Servisu Agrikultura rejiaun Ambeno Oecusse.
Atu hasa’e produsaun agrikola no rendimentu merkadu presija etabelese extenionista sira iha munisípiu hotu-hotu inklui RAEOA tanba sira mak sai hanesan lalenok ba komunidade ka agrikultór sira, hodi nune'e bele halo deplotu ba komoditi sira hotu hodi implementa sistema Prátika agríkultura diak iha baze.
Diretór Jerál Cooperasaun Dezenvolvimentu Institusionál, César José da Cruz iha nia entrevista hateten , bazeia ba polítika MAP nian oinsa atu hasa’e produsaun no rendimentu merkadu presija iha extensaun, ho ida ne’e extensaun to’o mai iha RAEOA ne’e hanesan servisu tekniku ida , maibe extensaun tama iha nasionál tanba RAEOA hanesan rejiaun ketak, servisu extensionista sira nian sei nafatin halo koordenasaun servisu ho nasionál.


Nia mós salienta, atu haree ba produsaun rai laran tenki haree ba timor laran tomak la’os oecusse ketak tanba hasa’e produsaun haree ba jerál ita halo komparasaun tinan kotuk produsaun hare no Batar sae makas iha Oecusse tanba uja adubus pop nasa ne’ebe maka MAP entrega ba agrikultór sira atu nune’e sira bele produz barak liu tan.
“kona ba orsamentu operasionál ba extensionista sira konsentra iha Rejiaun , nasional iha de’it resposabilidade ba orsamentu kapasitasaun ba extensionista sira atu nune’e bele hasa’e produsaun no produtividade iha area agrikultura nian no ita laiha fronteira agrikultura ho ida ne’e nasional ho extensaun RAEOA nafatin halo koordenasaun servisu atu sai ida de’it hodi bele haklaken informasaun atu hasa’e produsaun no produtividade ai-han ”
Administartivamente iha nasionál presija haree orsamentu kada tinan-tinan hodi bele prepara diak liu tan atu nune'e bele hametin diak liu tan koodensaun servisu hodi bele hasa’e produsaun rai laran atu nune'e ita bele reduz numero inportasaun iha rai laran.


Iha fatin hanesan, Diretór Agrikultura rejiaun Oecusse, Cerilio Dos R. Baba mós hateten katak, liu hosi workshop ida ne’e Servisu extensaun Rejiaun nomos nasional lao diak tebes, durante ne’e ita bele haree atu hamoris servisu agrikultura hodi dezenvolve agrikultura iha extensaun nia responsabilidade.

Oinsa mak atu bele haforsa servisu extensaun iha Timor laran inklui rejiaun nian presija kapasitasaun iha area, agrikultura, peskas, pekuaria no floresta iha rai laran ka rai liur presija ho ida ne'e bele involve mós extesionista rejiaun Oecusse nian, tanba durante ne’e koordenasaun servisu lao kapas tebes.
maibe iha mos problema ne’ebe mak durante ne’e extensionista sira hasoru maka hanesan transporte, tanba extensionista sira servisu barak liu iha suku no aldeia atu akompaña agrikultór sira oinsa atu hasa’e produsaun liu hosi sistema pratika agrikultura diak.
Diretór mós hateten katak hosi rejiaun presija atu foti medidas balun atu bele halo karta ba patrimonia estudu hodi foti fali motorizada sira atu nune’e bele fasilita servisu extensionista sira maibe motor sira ne’ebe sei foti fali hosi patrimonio estdu motorizada sira ne’e konsentra iha servisu fatin wanhira atu tun ba kampu maka bele uja.
Produsaun batar no hare iha tinan kotuk kompara ho tinan ne'e, produsaun sae maibe ho iklima iha oecusse fo mos impaktu ba agrikultór sira nia natar ladun produtivu,no sira balun la halo tanba menus husi be mos ho problema hirak ne'e fo impaktu negativo tebes ba produsaun ladun lao ho massimu.
Workshop ne’e pastisipa hosi Sekretario Rejiaun, Diretór Agrikultura rejiaun, Diretór Jerál CDI, Diretór nasionál Seguransa Alimentar , Diretór Nasional Rekursu Umanu, Diretór Nasionál Losgistiku MAP, Diretór Nasionál Extensaun Agrikola, Xefe Departamento Kapasitasaun DNEA ho nia ekipa inklui Extensionista sira iha Rejiaun Oecusse.(E"S)

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login