MAP,WFP Distribui Ekipamentos ba Grupu Agrikultór Iha Atabae

Estrela inativaEstrela inativaEstrela inativaEstrela inativaEstrela inativa
 

Fotografia/Rommy/INFO-MAP

Bobonaro- Ministério Agríkultura e Pescas (MAP) liu husi ajensia World Food Programme (WFP) apoiu ekipamentos sira hanesan Hand Trator 2, Mini Tiller no makina Bomba be’e hosi rai okos. Atividade ne'e hala'o iha  loron Tersa (20/09/22) iha Posto Administrativu Atabae.

Tuir Diretór Nasional Agríkultura e Hortikultura (DNAH) Lúcio Romeu Ribeiro esplika katak, ohin (rad) tersa halo destribuisaun ekipamentus ba iha grupu Benefisiarius hamutuk 11 iha Posto Administrativu Atabae Munisipio Bobonaro. Ekipamentos sira ne’ebe maka distribui hanesan: Hand Trator2, Mini Tiller no makina Bomba husi rai okos sai mai iha mos mangera prepara ba hodi halo instalasaun depois ba futuru instala mos Drip irigasaun/irigasaun turut, planu sei dada mos eletricidade ba agrikultór sira nia to’os.

“Prosesu ba agrikultór sira atu asesu ba iha ekipamentos hirak ne’e maka iha tinan 2021 iha akontesimentu dezastre naturais iha dia 4 de Abril depois proposta liu husi Ministro MAP kanaliza ba iha WFP hodi hetan fundus husi Governo Brazil koopera ho WFP hafoin maka hetan apoiu hirak ne’e. Total orsamentu 100 mill ital maibe agora dadauk ita ezekuta uluk 42miil depois restu depende relatoriu ne’ebe maka mai, no depende mos ba iha utilizasaun ekipamentus ba ita nia grupu sira  ne’ebe maka iha.Atividade ne’ebe sira sei halo maka iha area produsaun alimentar no mos hortikultura depois de instala ita mos sei prepara fini hodi mai entrega ba sira iha Segundo etapa nian.” Tenik Lúcio

Nia mos husu ba agrikultor sira ne’ebe maka hetan ona apoiu ba ekipamentus hirak ne’e atu utiliza ho didiak ba iha futuru, karik iha falla buat balu  husu atu liga ho tekniku sira atu nune’e bele hare halo didiak.

 Fotografia/Rommy/INFO-MAP

Iha fatin hanesan Ponto Vocal WFP ba Governo Suryany Antonia hatutan katak, Hanesan ita hotu hatene katak iha tinan kotuk komunidade barak maka hetan inundasaun ne’e afeta tebes ba iha ita nia komunidade to’os nain sira, ho ida ne’e maka MAP hato’o proposta ba doadores liu-liu Governu Brazil liu husi ajensia WFP halo mediasaun no negosiasaun lobuk ida to’o ikus Governu Brazil apoiu duni orsamentu kuaze 120mill Dollares Americano ba iha MAP.

“Iha dezafiu barak iha prosesu aprovisionamentu nian maka ohin loron ita foin realiza atividade ida ne’e, tanba dalaruma mos iha mudansa ba kusto no mos abilidade ba produto sira iha mercado, tanba ita hatene katak pandemia no mos inundasaun ne’e afeta tebes ba iha distribuisaun kompania sira atu halo distribuisaun produtu sira ne’e maka ohin loron ami foin realiza ne’e. Ami fiar katak ho apoiu ne’ebe maka Governu Brazil fiar katak ida ne’e la dun sufisiente atu bele hatan ba sira nia nesesidade tomak entermus de atu haforsa seguransa rai laran no mos atu hasa’e sira nia rendimentu ba tinan barak husu ba sira katak uituan ne’ebe maka sira simu agora sai mos motivasaun ba sira atu kuda barak hakiak animal barak liu tan bai ha futuru.” Katak Suryany

Nune’e mos Xefi Grupu Gaem Manuel Vicente sente kontente tebes ho apoiu hirak ne’e, tanba durante ne’e sira iha kampo servisu konaba hortikultura ne’e la iha ekipamentos ida maka atu ajuda sira, maibe ohin sira simu ona ekipamentos hirak ne’e bele ajuda ona sira hala’o sira nia servisu. Iha sira nia grupu atividade ne’ebe sira halo hahu husi inisiu maka ami prepara fatin no tuir maim aka sira sei kuda modo. (Tyfa)

VISITA IHA KANAL YOUTUBE (MAP-NEWS)

https://www.youtube.com/watch?v=VO_K9BdGTBs

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login